الموضوع: استلمت السيراتو 2015 النهارده وليا استفسارات

المشاركة الأصلية كتبت بواسطة bakkarahmed

دلوقتي ياجماعه انا عايز مساعدتكم علشان اخد قرار نهائي لاني بصراحه مش مستمتع بالعربيه علشان موضوع سخونه الصالون ده ...انما في المجمل وباقي الحاجات العربيه ماشاء الله ممتازه سحب ونعومه وعزل صوت وعفشه والاهم الثبااااااااااااااااااات اللي فعلا حسيته فيها وخاصه ان نظام الباور فيها ممتاز والعربيه بصراحه جميله في معظم النواحي
الحلول المتاحه مع كل ميزه وعيب:
1- شراء ضمان تربل A لمده سنه او 20 الف كيلو وادخالها مركز صيانه وده ميزته ان لو لاقدر الله ظهرت عيوب تانيه في العربيه هاتبقي في الضمان وتتصلح (مش عارف الضمان بيبقي كويس والا بيستعبطوا)
العيوب ...انا ماعرفش ايه مراكز الصيانه الكويسه اللي تبعهم بس تقريبا اسمع ان السبع اللي في زهراء المعادي كويس بس خايف بعد ما ادفع واروح يستعبطوا ويعملولي عزل اي كلام او المهندس يقوللي ماينفعش نلغي خراطيم السخن!!!! وكمان هايبقي بهدله ليا ومشاكل وخاصه اني من محافظه اقليميه ولما هاسافر هاضطر اسيب الشغل وانا مش فاضي افضل اشغل دماغي بسفر وصيانه كل شويه وفي الاخر ممكن التوكيل مايعمليش اللي انا عايزه وساعتها هاكره نفسي
2- الحل التاني اني افصل الخراطيم بنفسي ودي حاجه بسيطه ومش هاتكلف اكتر من 70 جنيه عند اي حد ...وده لينك الموضوع اللي اتعمل قبل كده في نايل موتورز لاحد ملاك اللوجان
http://www.nilemotors.net/Nile/300035-a.html
وده موضوع تاني
http://www.nilemotors.net/Nile/417519-a.html
العيوب ..خايف الا السخونه تفضل زي ما هيا (ولو ان ده احتمال بسيط)
العربيه ماهايبقاش ليها ضمان وساعتها هابقي مع نفسي في حاله ظهور اي عيوب لاقدر الله تانيه
3- الحل التالت وده وسط بس مش هايرضي الا وهوا اني اعزل السخان السخن خالص واني اروح لسروجي كويس يفكلي كل الكونسول اللي في النص ويلفلي السخان والمواسير بعازل حراري ويغلفها تاني بطبقه لباد...بس برده مش هايمنع السخونه ..هوا هايقللها شويه والسخونه دي طبعا ماثره علي اداء التكييف لان الهوا اللي بيدخل التكيف بيدخل من الفتحات اللي تحت اللي اساسا بيكون الهوا المحيط بيها سخن فبالتالي كفاءه التبريد اقل من المطلوب بالنسبه لعربيه زيرو 2015
رايكم ايه ؟

عندى اقتراح بحل وسط ياريت يكون مفيد،،،،،
احجز موعد عند اى مركز خدمة تابع للوكيل وياريت يكون بيشتغل مع aaa ، وخليهم يكشفوا على العربية ويقولوا رأيهم . لو حاجة بسيطة وتكلفة قليلة اعملها وريح بالك، لو الموضوع هيتكلف كتير وحسيت بصدق في كلامهم. اشترى ضمان aaa وارجع اعمل العربية تبع الضمان وبكدة تكون ضربت عصفورين بحجر ، صلحت عربيتك ودخلتها ضمان لمدة 12 شهر او 20 الف كم ايهما اقرب.
معلش سامحينى من التكرار ، لية ما ترجعش للمعرض البعلك العربية ولو معجبكش كلامهم امشى وخلاص!!!!!!