استلمت السيراتو 2015 النهارده وليا استفسارات

**ahmedelrayan** · 18-06-2014 03:49 PM

الف مبروك يا باشا ربنا يديك خيرها ويكفيك شرها

**Ahmed.Essam** · 18-06-2014 04:24 PM

الف مبروك

**bakkarahmed** · 18-06-2014 04:47 PM

الف شكر علي ردودكم
انا رايح للمعرض بالليل النهارده (اللي فيه نقطه علي ص) :))
هاقوله علي المشكله وهاستلم ورق العربيه... وما اعتقدش انه هايعمل حاجه غير انه يقوللي عادي لانه ماينفعش يخليني اجرب عربيه تانيه لان المشكله دي بتظهر بعد سير مسافه طويله بالعربيه يعني ماحستش بيها وانا راجع من روكسي غير في الدقي مثلا وطبعا مش هايخليني اعمل كده في عربيه عنده ماشيه23 كيلو وخاصه انها بتبقي فيها 3 ليتر في التانك بس... تاني نقطه ماينفعش استبدلها لاني سافرت بيها القاهره الفيوم ولما هارحله هاتبقي عامله 300 كيلو وفي نفس الوقت المشكله مش جوهريه قوي علشان يتعمل معاه مشاكل عليها
انا النهارده شفت عزل العربيه من جوا لما شيلت الموكيت لاقيت اللباد مغطي وعازل كويس من جوا العربيه ودي غالبا مشكله عزل بتظهر بعد المسافات الطويله والزحام يعني لو هاتلف بيها في الزحمه نص ساعه مش هاتظهر
السؤال دلوقت... هل لو اشتريت ضمان aaa وروحت التوكيل هايتعامل فيها والا هايخليني ادفع تاني والا هايقوللي عادي؟؟؟؟ يبقي اريح دماغي واوفر فلوسي واعملها بره والا اعمل الضمان لربما تكون مشكله كبيره والحكايه مش عزل

**bakkarahmed** · 19-06-2014 05:04 AM

بعد تجربه عربيه زميل ليا لاقيت عنده نفس المشكله بس هوا مش بيحس بيها لانه دايما مشغل التكييف ومع التكييف احساس السخونه ده بيقل كتيييييييير
مصدر السخونه جاي من ناحيه الارجل سواء من عند السائق او من عند كرسي الراكب الامامي غالبا من سربنتينه الساخن بتاع التكييف ولو حطيت ايدك تحت ناحيه الدواسات ومشيت مع مصدر الحراره هتلاقي حاجه بلاستيك زي علبه ممكن لو العربيه واخده مشوار طويل درجه سخونه الجزء البلاستيك ده بتبقي رهيبه وهيا سبب السخونه...
بتحليلي المتواضع يبقي سبب السخونه جاي من سربنتينه التكييف السخن وده بيبقي فيها مياه متصله بدوره التبريد...
دلوقتي الحل حاجه من 2
1- فك الكونسول وعزل الجزء ده حراريا ويعتبر حل بسيط بس مش هايقضي علي المشكله دي وهايبقي فيه سخونه برده بس هاتقل نسبيا
2- فصل دوره التبريد الساخن اللي احنا اساسا مش محتاجينها عن طريق فصل خراطيم المياه الساخنه اللي داخله علي صدر العربيه وده حل غلس وعايز حد فاهم هوا بيعمل ايه ( عن نفسي مستعد اعملها ومش فارق معايا)

انا لما رجعت من عند جابر عبد الشهيد زي ما توقعت انهم مش فاهمين حاجه ومش هايدوني عقاد نافع ...بس اللي عملته اني خليتهم يدوني فرصه اسبوع افكر اني اعمل ضمان aaa والا لاء
تفتكروا التوكيل او مركز الخدمه هايفيدني في الموضوع ده والا هابقي دفعت فيه فلوس علي الفاضي واروح اعملها عند حد برا ؟؟؟؟؟
تعبتكم معايا بس فعلا الموضوع ده منكد علي الواحد
لما تحس ان الجو برا كويس وانت قاعد في ساونا ده احساس بايخ ....

**said.d.y** · 19-06-2014 07:27 AM

المشاركة الأصلية كتبت بواسطة الجنرال

اولا الف مبروك .. ربنا يديك خيرها ويكفيك شرها

ثانيا: اعتقادي ان ده عيب عزل فى العربية .. فياريت ترجع للتوكيل وتقولهم عليها وهما هيصلحوها لكن هتدفع فلوس (علشان خليجي)

ثالثا: انا عندي حاجة تانية، انا بره العربية اول ما بفتح الباب بحس بصهد وسخونة جاية من تحت العربية .. لكن جوه مش بحسها الحمد لله

ههههههههههههههههههههههههه ههههههههه

انا عايز اقولك انى فضلت اضحك على الجزء ده بتاع نص ساعة مثلا

احيانا الاخطاء الكتابية بتبقى كارثة

الحمد لله انى كنت سبب فى اضحاك حضرتك، وانا اسف جداً جداً على الخطاء الوقعت فية، معلش انا كنت بكتب على الموبيل والكتابة موش واضحة كويس. ياريت تقبل اعتزارى

**said.d.y** · 19-06-2014 07:42 AM

المشاركة الأصلية كتبت بواسطة bakkarahmed

الف شكر علي ردودكم
انا رايح للمعرض بالليل النهارده (اللي فيه نقطه علي ص) :))
هاقوله علي المشكله وهاستلم ورق العربيه... وما اعتقدش انه هايعمل حاجه غير انه يقوللي عادي لانه ماينفعش يخليني اجرب عربيه تانيه لان المشكله دي بتظهر بعد سير مسافه طويله بالعربيه يعني ماحستش بيها وانا راجع من روكسي غير في الدقي مثلا وطبعا مش هايخليني اعمل كده في عربيه عنده ماشيه23 كيلو وخاصه انها بتبقي فيها 3 ليتر في التانك بس... تاني نقطه ماينفعش استبدلها لاني سافرت بيها القاهره الفيوم ولما هارحله هاتبقي عامله 300 كيلو وفي نفس الوقت المشكله مش جوهريه قوي علشان يتعمل معاه مشاكل عليها
انا النهارده شفت عزل العربيه من جوا لما شيلت الموكيت لاقيت اللباد مغطي وعازل كويس من جوا العربيه ودي غالبا مشكله عزل بتظهر بعد المسافات الطويله والزحام يعني لو هاتلف بيها في الزحمه نص ساعه مش هاتظهر
السؤال دلوقت... هل لو اشتريت ضمان aaa وروحت التوكيل هايتعامل فيها والا هايخليني ادفع تاني والا هايقوللي عادي؟؟؟؟ يبقي اريح دماغي واوفر فلوسي واعملها بره والا اعمل الضمان لربما تكون مشكله كبيره والحكايه مش عزل

اولاً ياباشا ان اسف جداً على الخطاء الاملائى الموش مقصود واللهى العظيم ، ياريت تقبل اعتذارى وكل الافاضل الشافوا الخطاء.
ثانياً ضمان aaa بيتعامل مع مراكز خدمة معينة ، لاكن موش من ضمنها مراكز الخدمة الرئيسية للتوكيل.لاكن برضة من ضمنها مراكز خدمة معتمدة من التوكيل (زى السبع فى زهراء المعادى)،وضمان aaaبيكون زى الضمان بتاع التوكيل حتى فى صيانة ال1000كم المجانية (المفروض).
لو هتروح التوكيل هيقبل العربية عادى بس التكلفة هتكون عالية جداً.
لاكن فى جميع الظروف حتى لو موش هتعمل ضمان aaa متخليش حد يقرب من العربية الا مراكز الخدمة المعتمدة.
النصيحة اعمل ضمان aaaوروح بعد كدة لمركز تابع ليهم ويكون معتمد من التوكيل زى السبع - والهتدفعة فى اى مركز هو الهتدفعة فى ثمن الضمان وهيكون معاك لمدة سنة لو ظهرت اى مشكلة لاقدر الله فى العربية هيعملها لك ....
اخيراً برضة لية مبترجعش للمعرض(اللي فيه نقطه علي ص) البعالك العربية؟ ولو وصل الحال تشتكيهم فى حماية المستهلك.
ياباشا انت شارى عربية زيرو ب158الف جم كورى

**said.d.y** · 19-06-2014 07:45 AM

المشاركة الأصلية كتبت بواسطة crazy car

؟؟؟؟؟؟ :)

اسف موش مقصودة ، يا ريت تقبل اعتذارى

-

-

الموضوع: استلمت السيراتو 2015 النهارده وليا استفسارات

LinkBack

أدوات الموضوع

عرض

-

-

-

-

المواضيع المتشابهه

استلمت كيا سبورتاج 2015

استغراب من اختلاف موديل بيجو 301 ناس استلمت موديل2014 وناس استلمت 2015

عضو جديد بفضل الله وليا شويه استفسارات

الحمد لله - استلمت السيراتو النهارده - شكر لكل نايل موتورز

استلمت ورخصت البيرسونا وبقيت بروتونى رسمى وليا الفخر

الكلمات الدلالية لهذا الموضوع

المفضلات

المفضلات

ضوابط المشاركة