الموضوع: نصيحة بخصوص الانفي ٢٠١٤ تجميع محلي

المشاركة الأصلية كتبت بواسطة moemen_a1

السحب من غير التكيف رائع لما تتعود على العربيه بس مع التكيف محتاج كبس أكتر وحرق علشان تقرب من السحب من غير تكيف بس الخلاصة التكيف بيتقل العربية

أنا كنت حاسس ان السحب أقل من ال 516 بس اكتشفت ان المشكلة كانت في انا علشان كنت متعود على دواسة البنزين الكهربه بس لما اتعودت على الدواسه السلك الي في الانفي لاقتها بتدي سحب أعلى على الغيار الاول و التاني و التالت

كلامك مظبوط 100*100
وكمان اعتقد ان الكمبروسر بتاع التكييف بيفصل لما تكبس بنزين جامد انا لاحظتها بس هتأكد تاني ان شاء الله
وعلى فكرة انا كنت قبل كدا حاطت صفيحة بنزين 95 مع ال 92 بس قبل الزيادة طبعا وكان فارق في السحب كتييير .
واخيرا ربنا يباركلك فيها ويكفيك شرها

متابع

المشاركة الأصلية كتبت بواسطة moemen_a1

ألف مبوك مقدما وربنا يديك خيرها ويكفيك شرها

العربية بيجي معاها ستبن جنوط و كوريك و شنطة عدة (فيها مفك و مفتاح و دراع فك العجل و دراع رفع الكوريك) و أريال راديو خارجي وكتالوج الساوند سيستم (شوية ورق متصورين تصوير تعبان) و ضمان الساوند سيستم و تأكد على المعرض ان الكتالوج بتاع العربيه حيجي مع دفتر الضمان.

وانت بتستلم تتأكد من الأتي:
1- ان الكفر بتاع الماتور متثبت كويس و ان فيشة عداد السرعة و abs و الحرارة متوصلين علشان فيه معارض بيفصلوا الفيش ديه علشان ميبنش ان العربية اتنقلت سواقة من المصنع.
2- ان كل اللمض بتاعت التحزير في العدادات بتنور وانت بتدور و كلها بتطفي بعد متدور.
3- ان مفيش اي خدش أو كحت أو نقرة في الصاج و ان الدهان مش مسييل في أي حته.
4- تجرب كل الانوار و الفوجات و الإشارات شغالة و ان ضبط ز اوية الإضاءة الأمامية شغال.
5- ان الازاز في كل الابواب شغال كويس من باب السواق ومن كل باب و ان الزاز بيطلع وينزل بسلاسة
6- ان المرايات شمال ويمين شغالين كويس
7- الشنطة بتفتح من الريموت ومن التبلوه
8- حتلاقي في الإكسيدام الخلفي عيب بسيط في قفلته مع الفوانيس الشمال مش زي اليمين وده عيب لاحظته في كل العربيات الانفي المصري و الصيني وفعربيات تانيه غير الاسبيرانزا
9- الفرش مفيهوش اي قطع او خياطة مش مظبوطه
10- وطبعا تستلم بالنهار مش بالليل علشان لو في حاجة تبان

شكرا لاهتمامك وردك

المشاركة الأصلية كتبت بواسطة dr.ahmed 81

شكرا لاهتمامك وردك

هو مقاس الجنط بتاع الانفى كم و مقاس الكاوتش ايه ؟
نوع الكاوتش كمان لو امكن ؟؟

شكرا

المشاركة الأصلية كتبت بواسطة cobrahi

متابع باهتمام .. لانى ناوى باذن الله بكرة و لا بعدة اشترى واحدة ان شاء الله

و بعت رساله خاصه للاستاذ مؤمن للرد عليه

ارجوا بامانه ربنا الى اشترها يقول لنا هل فيها عيوب لو فيها اى مشكله الاداء .. التقفيل .. الفرق بين التقفيل المحلى و الصينى بالتفصيل .. التكييف .. الموتور هل هوة بتكنولوجيا شئ معين او العفشه .. فيها ايمبوليزرو لا لاء .. ليه نازله بنفتاح ريموت و التانى ل مفتاح عادى هل دة بردو ف التقفيل الصينى و لا التقفيل الصينى اتنين مفتاح ريموت ؟

.. انا بعدت عن الايمجراند علشان الاجماع ع الصدا الى موجود فيها و دة شئ رهيب جدا جدا جدا و مشكله كبيرة بالنسبه ليه ع الرغم انا كنت حاببها علشان وسعها

الواضح اني مش مسموح لي ابعت رسايل خاصة الا بعد ٥٠ مشاركة فرجاء ارسال رقم تليفونك وانا حتصل بيك

المشاركة الأصلية كتبت بواسطة dr.ahmed 81

هو مقاس الجنط بتاع الانفى كم و مقاس الكاوتش ايه ؟
نوع الكاوتش كمان لو امكن ؟؟

شكرا

الجنط 15 انش و مقاس الكاوتش 195/55

ونوع الكاوتش GT radial
ونوع الزجاج الامان للزجاج وانا ملاحظ انو افضل من د.جريش لان ال 113 كانت د.جريش والازاز كنت لما تبص عليه من الجنب تلاقيه مموج