الموضوع: سيات ابيزا 2014 بعد 3000 كيلو تقييم وراي شخصي ( خاص بالمنتدي)

شكرا على التقرير الرائع

المشاركة الأصلية كتبت بواسطة eng.mark

عربية روعة ربنا يباركلك فيها

المشاركة الأصلية كتبت بواسطة ehab_mansour

تقرير اكثر من رائع و رأي شخصي محايد احييك عليه
ربنا يباركلك فيها و يرزقك خيرها و يكفيك شر عيون الحاسدين

كل ما تقوله انا متوقعه و اعلمه و لو لدي امكانيات لن اتردد لشراء مثلها او علي الاقل سيات

المشاركة الأصلية كتبت بواسطة hossamalsadik

تقرير جميل وواضح
ربنا يكفيك شر العين ويبركلك فيها ويعوض عليك فى موضوع الشقه وتذكر قوله تعالى (قل لن يصيبنا إلا ما كتب الله لنا هو مولانا وعلى الله فليتوكل المؤمنون ) فقضاء اخف من قضاء
هو صعب الواحد ياخد كل حاجه فى عربيه واخر مره شفت الابيزا فى المعرض عجبنى material حتى عن التوليدو
بس موضوع الثبات يمكن او مؤكد ضغط الكوتش له عامل كبير
وعندك حق فى موضوع زيادة الكامليات زى multi function ومثبت السرعه و parking sensor او كانو خلوها فئتين
مره تانيه احيك على التقرير ورايك الشخصى المحايد

المشاركة الأصلية كتبت بواسطة eng f3lix

الابيزا دي اسطورة .. من اول موديل 1994 لحد دلوقتي

بس اتضايقت بسبب نقطة الثبات دي انا عارف ان العربيات الالماني كلها ثبات تحفة .. ياريت تراجع ضغط الكاوتش وتجرب تاني وتقولنا اخبار الثبات ايه

وربنا يباركلك فيها اختيار ممتاز جداً

شكرا لمروركم الكريم
ومن ناحيه الثبات فهو حلو جدا بس انا بقارن بالاوكتافيا لان دي اللي سوقتها
وفعلا الكاوتش ليه عامل كبير

المشاركة الأصلية كتبت بواسطة Adnfalcon

عربيه تحفه ماشاء الله
بس بدل ما نازله 1600 ع موتور mpi كان احسن تنزل 1400 او 1600 ع tsi
ساعتها هتبقي صاروخ ارض ارض

المشاركة الأصلية كتبت بواسطة warfighter2114

شكرا على التقرير الرائع

متشكر لذوقكم
وبالنسبه للماتور دا طبعا حلم جميل بس الواحد كده هيبقي بيتلكك بقي
كانت الجولف اتركنت ع الرف ساعتها

المشاركة الأصلية كتبت بواسطة mohammad isdf

اللهم بارك وربنا يرزقك خيرها وخير ما جبلها عليه ويكفيك شرها وشر ما جبلها عليه

ربنا يكرمك على التقرير الجميل ده

بخصوص مشكلة تانك البنزين هل ممكن تعمل نسخة من المفتاح تبقى معاك بحيث تديها لبتاع البنزينه من غير ما تشيل المفتاح م العربية وتضطر تنزل ؟

واهو بردوا امان لا قدر الله لو نسيت المفتاح ف العربية ونزلت من غير ما تاخد بالك

ممكن اعمل كده ف التوكيل بس المبلغ هيبقي كبير ع ما اظن

المشاركة الأصلية كتبت بواسطة ahmed.Elashy

متشكر لذوقكم
وبالنسبه للماتور دا طبعا حلم جميل بس الواحد كده هيبقي بيتلكك بقي
كانت الجولف اتركنت ع الرف ساعتها

اعتقد خلال سنه او 2 بالكتير هيتحقق الحلم دا
شوف الاوكتافيا نزلت ب tsi 140 حصان .. اعتقد السيات دورها قرب عشان تجرب بعد الاوكتافيا والباسات و اخواتهم .. اصل دي سياسه التسويق

المشاركة الأصلية كتبت بواسطة karim ibiza

ما شاء الله ولا قوة الا بالله

تقرير عالمى تسلم ايدك وربنا يجازيك خير

ليا تعقيب على شوية حاجات:
قبل اى حاجة ربنا يعوض عليك فى شقتك وربنا يكفيك شر العين, هو اللون الاحمر بتاع السيات بيشد العين لا اراديا

بالنسبة لموضوع الثبات: الاوكتافيا مختلفة عن الابيزا تماما فى نظام التعليق والوزن وبالتالى الثبات, الابيزا عربية ضغيرة + كمان عدم التزامك بضغط الكاوتش المنصوح بيه من الصانع ده ليه تأثير

بالنسبة لعزل الصوت: مفيش عربية عزلها 100%, حتى افخم العربيات برده مش 100% وده لأن الصح انك لازم يكون فيه احساس بالطريق والسرعة عن طريق الصوت عشان ميخلكش تسرح وانت سايق

فى النهاية ربنا يباركلك فيها ويكفيك شر العين وشكرا مرة تانية على التقرير

لا عزل الصوت حلو بس العزل نفسه ميه واتربه هوا اللي ليا ملاحظات عليه
لان التراب والمياه ساعات بيخشوا
الثبات تحفه بس انا بقارن بالاوكتافيا عشان كانت عندنا

المشاركة الأصلية كتبت بواسطة syd

معلش انا أسف علي التأخير في الرد بس امبارح كنت كتبت رد كبير اوي وقبل ما اخلص كتابة النور قطع النهاردة الحمدلله عامل حسابي ومركب البطارية

في البداية أحب أشكرك علي التقرير والمتابعة وتقديم العيوب قبل المميزات بشكل محايد، وبالأخص انك مالك للسيارة والتقرير ليس مجرد تجربة قيادة او تقرير بنقدم فيه السيارة لتعريف الأعضاء بها

دا واجب عليا وعلي اي حد يشتري لان زي مبستفيد لازم افيد بقدر المستطاع

انا بصراحة كنت عايز اتناقش مع حضرتك في التقرير وياريت لو كل الأعضاء كمان تدخل معانا في المناقشة
تعال نمسك كل نقطة ونتكلم فيها مع بعض

1- المقارنة مع الكيا ريو والبيجو 208 والتويوتا ياريس هاتشباك والفورد فيستا
ياريت تقولنا أسس الأختيار اللي بناء عليها أخترت الأبيزا وفضلتها علي كل ما سبق
هل فعلا الأبيزا احسن منهم ؟؟؟!!!
ياريت تقولنا لقيت ايه في الأبيزا مش موجود فيهم وبالتالي وقع الأختيار عليها

بالنسبه للكيا ريو وياريت محدش من اصحابها يتضايق دا مجرد راي شخصي بحس انها عربيه درجه تانيه بيبهرك بالكاسيت والنور وفتحه سقف وكام زرار يمين وشمال واي حاجه بس مش بيهتم بالعفشه بالموتور بالعمر الافتراضي و بعوامل الامان واهم سبب انها بقيت منتشره اوي فصرفت نظر عنها وكمان حرام ادفع فوق ميت الف ف كوري...ارجع واقول راي شخصي يحتمل الصواب و الخطأ

بالنسبه للبيجو هيا عربيه حلوه بس من كتر مشاكل ٣٠١ وسوء خامات التيل والاجزاء والتوكيل محدش بيشكر فيه خلاني اصرف نظر
ع فكره انا مش خبير سيارات ف انا بتكلم من وجهه نظر متواضعه

الفورد فييستا عجبتني الاوبشن و وسائل الامان جدا بس فتيسها عامل مشاكل سعرها مبالغ فيه كان ف التوكيل ساعتها ١٦٧٠٠٠ غير انها ضيقه
اختياري للسيات لان انا جربت ماركه فولكس ومكانش ينفع انزل عنها ف عملت عمليه استبعاد بمعني اني م الوال عاوز سيات بس بشوف كل الباقي ومميزات وعيوبه عشان اشوف هل هفقد ميزه او هكتسب عيب او ماشابه
ف لاقيت فعلا السيات افضلهم بس طبعا دعايه سيئه مخاليه العربيه مجهوله
اول مره اشوفها ف المعرض شدني فعلا صاجها وانسيتبيتها والخامات ف معرض اباظه


2- الكنبة الخلفية
خلينا واقعيين ونعترف ان الأبيزا مش عربية عائلية تسمح لركوب 3 أشخاص بالغين في الكنبة الخلفية
بالأضافة إلي ان ارتفاع الكنبة احياناً بيكون مقصود في بعض السيارات لزيادة مساحة التخزين
واستخدام اسفنج او فيبر عالي الكثافة في التنجيد بيزيد الأحساس بالراحة للركاب
اعتقد انت دلوقتي حاسسها مشكلة لكون السيارة لسة جديدة لكن مع مرور الوقت وترييح الفرش اعتقد الموضوع هيختلف معاك

انا اتراجع عن كلامي ..النهارده كنت ف فرح وتلاته زمايلي قعدوا ورا مرتاحين
وسمعت من كذا واحد ان القعده ف الكنبه الخلفيه مريحه جدا

3- المرايات الجانبية
انا شخصياً بسميها المرايات المطرطئة
بس بردو بروز المرايات عن جسم السيارة بيكون معمول بحكمة وخصوصاً كونها بتساعد علي مقاومة الهوا فبالتالي لو هكبر حجمها او ابعدها عن جسم السيارة فلازم اكون مضطر ودة له حكمة لأن السيارة ليها انحناءات في الأجناب يجب ان تظهر في مجال رؤية المراية الجانبية

لا المرايات جميله شكلا ومريحه وعريضه ف الرؤيه بس ف مصر العربيات بتلزق فبعضها ف ببقي خايف عليها مش اكتر

4- الثبات
اولا يجب نعرف ان الثبات للسيارة له عدة عوامل بتحكمه
1- ارتفاع السيارة عن الأرض وعرض قاعدة العجلات
2- توزيع الأحمال داخل المركبة
3- نوعية وضغط الأطارات ونقشتها وتماسكها علي الطريق ومقدار احتكاكها بالأسفلت
4- مدي سلامة العفشة
5- مركز ثقل السيارة
اعتقد كل ما سبق مافيهوش مشكلة غير بس النقطة 3 و5 ودوول اللي هتكلم فيهم لأن الأرتفاع وقاعدة العجلات والعفشة دوول مرتبطين ببعض واعتقد انها بتنزل بيهم في مصر زي برة كمان العفشة بتعتبر semi multi link مش زي الموديلات الأقدم كانت تورشن بيم وانا هنا بكلمك عن تجربة لأبيزا 99 فأكيد عندك افضل منها وعمر ماحد فينا اشتكي من اختلال او عدم اتزان بمرور سيارة نقل او حتي في ملفات او مناورات
جرب حضرتك تظبط ضغط الأطارات وياريت لو تقولنا كل البيانات المذكورة علي الأطار لتحديد نوعيته ومدي موائمته
اما عن مركز الثقل في السيارة فبيكون المحرك ووضعيته
حضرتك المحرك بتاعها اساساً هو محرك فولكس الtsi ودة نزلت بيه في الموديلات من 2010 لحد 2012 مع الفتيس الdsg ولكن المستهلك المصري يبدو انه ماحبش المحرك دة لسببين اولهما انه كان 1.2 ثانياً لأنه بيحتاج بنزين 95 ودة طبعاً كان له اكبر الأثر علي مبيعاتها لأنك لما هتقارنها بمثيلتها في السوق هتجد محركات اكبر كسعة لترية وبتحتاج بنزين 92 وانت عارف المستهلك المصري للأسف بياخد بالسعة ولا يلتفت للأرقام زي العزم والقدرة الحصانية فحكم عليها بغير عدل بدون ان يقارنها علي ارض الواقع بغيرها من الماركات الأخري
كمان اعتقد تغيير المحرك له بعد تسويقي عشان يثبت سعرها من 2012 لحد 2014 بأنه يعتمد علي محرك قديم نسبياً فيقدر من خلاله يقلل من سعر السيارة
المهم بدون دخول في تفاصيل كتير لا مكان لها هنا فأنا اعتقد ان تغيير المحرك من tsi لmpi هيأثر ولكن بشكل مش كبير لأن اعتقد فرق الوزن بينهم مش كبير جداً وخصوصاً انها بتنزل برة بالمحرك tsi بسعة 1.4 و1.6 ومحركات الديزل tdi بسعة 1.8 و2.0 فبالتالي الفرق مش كبير بالمحرك mpi بسعة 1.6

هرجع الكاوتش تاني عشان اتلافي المشكله دي


5- العزل والتراب والطينة
اعتقد كدة انت عندك حاجة مش مظبوطة
لأن العربيات دي بتكون متأمنة كويس اوي ضد التراب والطينة ولا يمكن يدخل من خلال الباب اي زرة تراب
راجع علي داير الأبواب وسكاكة الباب وتأكد من وجود فبرة الحماية الموجودة بين الباب والرفرف الأمامي
وأخيراً لو عندك عتب ابواب او ما شابه تأكد انه راكب بشكل سليم
6- صوت الهوا والتكييف
راجع علي فلتر الغبار وجرب أقفل مجدد الهواء داخل المقصورة fresh air

الصوت مش كركبه او زن دا صوت الهوا من قوته زي صوت المروحه المنزليه كدا هوا صوته عالي بس بيمزجك انه قوي وصوته هادر
7- للأسف الشديد الكماليات والتجهيزات بيتدخل الوكيل بشكل كبير في تحديدها لتخفيض سعر السيارة او ما يراه مناسب للسوق المحلي


8- تانك البنزين
موضوع ان التانك بيفتح بمفتاح السيارة فدة معمول بيه ابتداء من موديلات 2002
ودة لأن معايير السلامة بتقتضي انك لازم تطفئ المحرك قبل التزود بالوقود وعشان يلزمك بأطفاء المحرك كان لازم يربط التانك بالكونتاكت فدة اعتقد شئ مايعتبرش عيب قد ما يعتبر ميزة وعامل أمان عربيات كتير بتفتقده اساساً

أخيراً أحب أسجل أعجابي بالتقرير
ومنتظر ردك ومناقشتك

تحياتي

نفسي اللي يحكم ع اي عربيه يشوف العربيات التانيه الاول .. واللي هيجرب الابيزا هيعرف انها الافضل ف فئتها بفارق كبير اوي
٣٠٠٠ كيلو مش كافيين اني احكم علي العربيه بس ممكن يكون حاجه مبدئيه كده وان شاء الله اعمل تقييم ال ١٠٠٠٠