الموضوع: ممكن اعرف اسعار مصيف راس البر او جمصه

المشاركة الأصلية كتبت بواسطة wael6

حمد الله على سلامة حضرتك
ممكن الاقي غرفة واحده قريبة على لبحر مثلا خامس عشه او سابع بالكتير ممكن تكون 100 ج ولا اكتر ؟
وايه اخبار تواجد النور والمياه والخبز ؟
والاسعار عامة عاليه ومبالغ فيها ولا لا ؟
والامن اخباره ايه فيه قلق ولا الحمد لله كويسه

معلش طولت عليك
وشكرا

النور بيقطع مرتين زى اغلب المدن
الخبز متوفر جدا وممتاز جدا بس آخر الافران الساعه 12 وبعد كده موجود فى السوبر ماركت
والاسعار هناك اقل من اى حته والفاكهه رخيصه وكل حاجه هتعدى عليك وانت فى السكن
بالنسبه للاسعار هناك حسب الاقبال يعنى فى رمضان هتاخد اجدع شقه ب50 جنيه فى اليوم
ومن جهه الامن متواجد والبلد مفيهاش مشاكل كان الجمعه اللى فاتت واحنا خارجين بعد الصلاه حصل فجأه لقينا مظاهره قدام جامع 77 المصيفين فضوها فى خمس دقايق وبعدها لقينا الشرطه بتلف فى البلد
الاسماك هناك متوفره واسعارها معتدله جدا
البلد جمالها انك فى مصيف من اول ماتدخل راس البر تحس انه مصيف بس
واسعار الكازينوا على شارع النيل واماكن ممتازه مش غاليه بالمره يعنى مثلا قهوه 8 جنيه شاى 5 . كان بيبسى 6 جنيه البيتزا زى بره من 20 الى 40 الكريبات 15 جنيه
الايس كريم 10 جنيه اللحوم قريبه من اى طعم اسعار اللعب رخيصه كل حاجه تمام
الشمسيع على البحر هيقولك 50 شوف انت الوضع قدامك لو لقيت الشماسى صفين ع البحر متدفعش اكتر من 25 جنيه لو لقيت الشماسى 3صفوف او اكتر ادفع الخمسين
واجازه سعيده ان شاء الله