عرض للطباعة
ياجماعة ارجو من الاعضاء ان يجدو حل لمشكلة نقص المياة التبريد فى القربة فى السيارات اوبل 97 1600cc .هل هذا معتاد فى موديلات الاوبل فيكترا و لا المشكلة عندى انا بس و كمان انا عندى حرارة فى الصيف بتدخلى من ناحية الدوسات و من زور الموتور ياريت جميع الاعضاء يفيدونى
على فكرة الموضوع ده فى منتهى الأهمية كان عندى المشكلة دى بعد ما غيرت
جوان وش السلندر بسبب زيادة الحرارة بسبب نقص مياه التبريد وظبط المشوار لقيت المياة بتقل برده تانى المهم رحت للراجل الميكانيكى النهاردة فتحها وهى سخنه لقى
خرم فى الخرطوم اللى داخل على الردياتير صغير جدا بيظهر مع الحرارة العالية للمية
جبت واحد أصلى جى أم ب 80 جنيه والراجل خد 10 جنية
ومن الصبح المية ما قلتش عندى سؤال للرجالة المحترمين الأوبلاوية روحت عطيت الراجل المفتاح ورحت أصلى الظهر رجعت لقيته ركب الخرطوم وزود ميه ممكن يكون زود وهى واقفة ولو زود وهى واقفة إيه النظام ما كنتش ناقصة كتير
نسيت اقولكم انى غيرت شجرة المياة للعربية علشان كان فى ماسورة منهم كان فيها تسريب كذا خرم و انا جبت الشجرة التركى و هيا 450 اماgm بتبقى فى حدود 1030 و بعد الحكاية دى قلت نقص المياة فى القربة بقت بتنقص كل يوم حوالى ربع لتر وبكون عملت بيها مشاوير حوالى 100 كيلو ياريت حد يقولى هو انا كدا عندى مشكلة فى جوان وش السلندر مع العلم انا عندى المية مش بتيقى مزيتة و لا الزيت بيبقى طحينى
اكيد فى تسريب فى مكان ما , محتاج حد يكشف عليها علشان يعرف مكان التسريباقتباس:
المشاركة الأصلية كتبت بواسطة solhacker
مش فاهم قصدك .. تقصد زود مية والموتور مطفى؟؟اقتباس:
ومن الصبح المية ما قلتش عندى سؤال للرجالة المحترمين الأوبلاوية روحت عطيت الراجل المفتاح ورحت أصلى الظهر رجعت لقيته ركب الخرطوم وزود ميه ممكن يكون زود وهى واقفة ولو زود وهى واقفة إيه النظام ما كنتش ناقصة كتير
بالظبط ممكن يكون زود والموتور مطفى
عندى نفس المشكله فى عربيتى 98 2000 سىسى اعمل عليها حوالى 100 كيلوا ولما ارجع بالليل الاقى القربه شبه فاضيه وعندى حراره بتدخلى على رجلى وانا سايق وانا كنت مطنش بس كدا بقى لازم اروح ام التوكيل ونشوف ايه الموضوع واعتقد الجوان بتاع وش السلندر سبب فى الحراره لانها بلاقى زيت عند وش المكنه كل مانضفه يرجع ههى عاوزه توكيل يكبس دوره التبريد ويكشف على الجوان قبل ماوش السلندر يضرب وتبقى عاوزه مكنه جديده يلا نروح سوى انا وانتا بس انتظرنى شهر لانى انا فى الهند الوقتى فى الشغل وهرجع نص الشهر الجاى ياريت لو روحت عرفنا عملت ايه وطلع معاك ايه وابعتلى الله يخليك رقم تليفونك او كلمنى على الاميل
helmy537@hotmail.com
mylovemyhart@yahoo.com
هنتظر اضافتك
سلام يازعيم
اولا المايه بتنقص يبقى فى تسريب عشان الفكترا مش كده (مش عيب معروف يعنى)
بالنسبة لموضوع بتنقص منين
الاماكن المشهوره:
- من غطا القربه نفسها: ساعات بيكون فى تسريب بسيط جدا من غطا القربه مش هتلاحظه الا لو بتحط مياه خضرا او ملونه هتلاقى فى ترسيب جوالين غطا القربة
- خراطيم التوصيل: بيكون فيها اخرام مش هتبان الا لو درجه الحراره عليا عشان الضغط بيزيد جدا فى دوره التبريد وبيخلى الاخرام دى تفتح مع الحراره
- وصله التكيف السخن: فى سدر العربيه ورا الموتور هتلاقى فى خرطومين داخلين فى سدر العربيه
- شرخ فى علبة الريداتير البلاستك
ده اللى انا فاكرهم حاليا
بالنسبة للزيت اللى بتشوفه على وش الموتور ممكن يكون غطا الزيت نفسه
او من جوان غطا التاكيهات
+1اقتباس:
المشاركة الأصلية كتبت بواسطة M.Mokhtar
اى مكان فية تسريب فى دورة التبريد المية تقل بس ممكن يكون المكان دة من تحت ومش واخد بالك
زود مية فى يوم واعمل مشوار بيها واول لما تبطل بص تحت العربية فى مية ولا لأ
هو حصل عندك حاجة؟؟ لو زود والموتور مطفى وكانت العربية سخنة هتجيب وش سلندر (الوش هيقفع)اقتباس:
بالظبط ممكن يكون زود والموتور مطفى
عملت كدة معايا و طلعت طلمبه ميه
عملت معايا نفس الحركه دي وكان العيب من طلمبة الميه كان فيها تسريب وغيرتها ب 180 جنيه
الحمد لله مشيت بيها حوالى 200 كيلو وأنا ملاحظ المية والزيت ولم أجد حاجة تغيرت
أظن لو الوش قفع حيبان من تانى يوم أنا بحط مية تبريد من الحنفية وعليها علبة المية الخضراء الأمريكانى مش عارف أيه رأيكم
وش ايه بالظبط الى يقفع ياريس كاتفهمنى الحته دى وبيبان ازاى وانتا بتحط مياه ممكن تفهمنى الموضوع ده علشان ابقى اخد بالى
انا مره لقيت تسريب مياه من الكوعه الى داخله على طلمه المياه ولا مش عارف الكوعه داخله على الموتور ولا فين الى هى جمبها علبه سمره بتاع سير الكتينه يارب تفهموا قصدى
لو الوش قفع مش هتدور لأنها هتهرب كبساقتباس:
المشاركة الأصلية كتبت بواسطة danash
وحط مية مقطرة زى بتاعة البطاريات (مية مقطرة مش حامض ) بلاش مية الحنفية
وش السلندر نتيجة انك تزود مية والعربية مطفية وسخنة لازم تدور العربية الاولاقتباس:
وش ايه بالظبط الى يقفع ياريس كاتفهمنى الحته دى وبيبان ازاى وانتا بتحط مياه ممكن تفهمنى الموضوع ده علشان ابقى اخد بالى
دة الثرموستات ودة خارج من الموتوراقتباس:
انا مره لقيت تسريب مياه من الكوعه الى داخله على طلمه المياه ولا مش عارف الكوعه داخله على الموتور ولا فين الى هى جمبها علبه سمره بتاع سير الكتينه يارب تفهموا قصدى
التسريب عندك ياما جوان الثرموستات ياما كلبس الكوعة الكاوتش عايز يتغير او من الكاوتش نفسة
شكرا نونا مى على ردك واهتمامك انا اول مارجع الشهر الجاى ان شاء الله هظبط بقى كله عفشه ومكنه وتبريد واكشف وش السلندر
مع انها ماشيه زى الفل وبطير بيها بس الاحياط واجب