الموضوع: نقص مياة التبريد كل يوم و تحتاج للتزويد

المشاركة الأصلية كتبت بواسطة M.Mokhtar

اولا المايه بتنقص يبقى فى تسريب عشان الفكترا مش كده (مش عيب معروف يعنى)

بالنسبة لموضوع بتنقص منين
الاماكن المشهوره:
- من غطا القربه نفسها: ساعات بيكون فى تسريب بسيط جدا من غطا القربه مش هتلاحظه الا لو بتحط مياه خضرا او ملونه هتلاقى فى ترسيب جوالين غطا القربة
- خراطيم التوصيل: بيكون فيها اخرام مش هتبان الا لو درجه الحراره عليا عشان الضغط بيزيد جدا فى دوره التبريد وبيخلى الاخرام دى تفتح مع الحراره
- وصله التكيف السخن: فى سدر العربيه ورا الموتور هتلاقى فى خرطومين داخلين فى سدر العربيه
- شرخ فى علبة الريداتير البلاستك

ده اللى انا فاكرهم حاليا

بالنسبة للزيت اللى بتشوفه على وش الموتور ممكن يكون غطا الزيت نفسه
او من جوان غطا التاكيهات

+1

اى مكان فية تسريب فى دورة التبريد المية تقل بس ممكن يكون المكان دة من تحت ومش واخد بالك

زود مية فى يوم واعمل مشوار بيها واول لما تبطل بص تحت العربية فى مية ولا لأ

بالظبط ممكن يكون زود والموتور مطفى

هو حصل عندك حاجة؟؟ لو زود والموتور مطفى وكانت العربية سخنة هتجيب وش سلندر (الوش هيقفع)