جيت ابدل بالانترا الفيكترا زعلت منى

**مجمود فراج** · 20-06-2014 01:29 AM

السلام عليكم يا رجالة الاوبل المحترمين
الحكايه واحد شاف عربيتى عجبته وعرف انى كنت ناوى ابيع من فترة اتصل بيا وسأل اذا كانت النيه لسه موجودة قولتله انا صرفت نظر بس لو البيعه كويسه مفيش مانع قالى الصراحه انا ناوى ابدل ومعايا النترا 2006 وحالتها كويسه ومزنوق وعايز الفرق قولتله اشوفها وبعدين نتكلم جالى واتفرج وقعد يسأل كتير عن الموتر الايكو تك وقوته وسحبه بعد ما شاف الدواخل وباقى العربيه وشغل وداس بنزين لحد ما جاب اخر الار بي ام وححصل صوت غريب وقالى عايز اجرب اول لما طلع ع السريع قالى العداد بايظ فى عربيه تعدى ال 110 كم ع التانى قولتله ما شاء الله الموتور كويس جرب وجاب ال 200 ورجعنا اول لما وقف سمعت صوت تنفيس ولقيت ميه وتنزل ع الارض من تحت الموتور نزلت تحتها لقيت من فوق الشكمان تقريبا والله اعلم طبه الميه بس المكان مش باين اتفجت على عربيته لقيتها واخدة خبطتين ورا فى الرفارف وواحده فى الباب والحوض غريب قعد يحلف انه فبريكه وانا شاكك الدهان بتاعه فيه حتت خشنه قعد يحلف ان كل الالنترا كده وقلى عايز 18 الف فرق قولتله كتير جدا جدا جدا انا اخري 10 لو العربيه سليمه
المهم ايه رأيكو فى البدل ثانيا حكايه الميه حد يطمنى لان العربيه واقفه من بعدا خايف احركها كل لما ادور تنزل الميه من نفس المكان وشكرا واسف ع الاطاله

**SYD** · 20-06-2014 01:41 AM

يا راجل يا مؤمن حد يبدل فيكترا بـ ألنترا ؟؟؟!!!
دة انت علي يدك الراجل جاب بيها 200
بسم الله ما شاء الله
الرقم مش هتعرف تجيبه في الألنترا ولو جبته مش هتقدر تمشي عليه
صدقني والله مش هترتاح في الألنترا لو انت الفيكترا معاك بقالها فترة
لو انت ركيب - يوم ما تنزل من فيكترا مش هتعرف تركب غير ألماني
لكن لو عايز حاجة ماشي الحال وتكييف وموديل عالي توكل علي الله

دة رأيي الشخصي وطبعا القرار في الأول والأخر ليك انت

تحياتي

**exact** · 20-06-2014 01:51 AM

حق الله... البيع بالطريقة دي حراااااااااااام شرعا... عشان تبقى سيادتك فاهم... وبيدخل ضمن الربا

**Adnfalcon** · 20-06-2014 01:55 AM

المشاركة الأصلية كتبت بواسطة exact

حق الله... البيع بالطريقة دي حراااااااااااام شرعا... عشان تبقى سيادتك فاهم... وبيدخل ضمن الربا

ربا !! ليه ؟

**eng.m7md.ali** · 20-06-2014 01:56 AM

المشاركة الأصلية كتبت بواسطة exact

حق الله... البيع بالطريقة دي حراااااااااااام شرعا... عشان تبقى سيادتك فاهم... وبيدخل ضمن الربا

ممكن حضرتك توضح اكتر؟!

**minicooper20** · 20-06-2014 02:06 AM

المشاركة الأصلية كتبت بواسطة exact

حق الله... البيع بالطريقة دي حراااااااااااام شرعا... عشان تبقى سيادتك فاهم... وبيدخل ضمن الربا

حرام و ربا علشان هيبدلو عربيتين و يدفعو فرق

**Adnfalcon** · 20-06-2014 02:10 AM

المشاركة الأصلية كتبت بواسطة minicooper20

حرام و ربا علشان هيبدلو عربيتين و يدفعو فرق

دا بجد ؟؟

**shiko85** · 20-06-2014 05:03 AM

المشاركة الأصلية كتبت بواسطة exact

حق الله... البيع بالطريقة دي حراااااااااااام شرعا... عشان تبقى سيادتك فاهم

الموضوع ده لما يكون البدل فحاجه هى اصلا فلوس او بديل لها
دهب بدهب او فضه بفضه و هكذا
و فالحاله دى يتباع القديم و يتم شراء جديد ولا يجوز فيه البدل
لكن عربيه بعربيه او اى حاجه مش عملات او بديل ليها مفيش مشاكل ان شاء الله

**Adnfalcon** · 20-06-2014 05:11 AM

المشاركة الأصلية كتبت بواسطة shiko85

الموضوع ده لما يكون البدل فحاجه هى اصلا فلوس او بديل لها
دهب بدهب او فضه بفضه و هكذا
و فالحاله دى يتباع القديم و يتم شراء جديد ولا يجوز فيه البدل
لكن عربيه بعربيه او اى حاجه مش عملات او بديل ليها مفيش مشاكل ان شاء الله

كلام سليم طبعا

-

الموضوع: جيت ابدل بالانترا الفيكترا زعلت منى

LinkBack

أدوات الموضوع

عرض

العرض المتطور

-

-

-

-

-

-

-

-

المواضيع المتشابهه

فادي............. انا كده زعلت

بقيت جولفاوى بس زعلت من اول يوم :(

عايز ابدل عربيتي الفيكترا بواحدة اوتو او ابيعها

عربيتى زعلت منى -طقم شنبر

بس تصدقوا زعلت !

الكلمات الدلالية لهذا الموضوع

المفضلات

المفضلات

ضوابط المشاركة