وصف غريب اول مره حد يقوله
عرض للطباعة
وصف غريب اول مره حد يقوله
بغض النظر عن التوكيل و عدم احتوائه لمشاكل العربيه ... العربيه دى بيحصل فيها مشاكل غريبه - مع الاعتذار لملاكها - ما البيجو 508 طالعه من 2011 تقريبا و ما فيهاش المشاكل الغريبه دى .
مش عارف .... مع انى كنت من المتحمسين للعربيه دى لكن مشاكلها حتخلى ناس كتير تيعد عنها و اتمنى ان التوكيل يعالج المشاكل دى بسرعه لان العربيه انتشرت بالفعل و كده كده بقى ملزم بحلها .
المشكله فعلا من التوكيل
انا رحت التوكيل و استلمت العربية و قالوا نفس الكلام الفارغ البنزين في مشكلة و العربية حساسة جدا للبنزين ...
انا مسافر بيها بكره ان شاء الله و ربنا يستر ...
هما كويسين حتى الان في المعاملة الحق يقال...
ياريت تشرح لينا عن طريقة تعاملك مع الفيتيس عامة وفي رحلة عودك للاسكندرية
يعني انت من مم يقوموا بالتغير المستمر بين المانويل والاونتوماتيك وبتسقط نقلات وبنغير المود من عادي لرياضي
وعلي كلام التوكيل انت مونت في الطريق
اسف علي الاطالة ولكن مستني الاجابة… .وشكرا
والله ياباشا انا عامل 16500 بالعربية و حتى الان مجربتش الsport drive وكل مشاويري سفر عل automatic مجبتش المانيوال غير لما المشكلة حصلت ..
و انا كنت فولت العربية من بنزينة الإمارات داندي مول قبل ماتحرك من القاهرة و الصراحة الإمارات من احسن البنزينات اليومين دول في نظري ..
العربية مشت السكة كلها تمام (انا بجري جري السنين 170-180 طول الطريق) و مخرفتش غير عند قرية الأسد قبل إسكندرية بتقريبا 30 ك ...
مشكلة شبيهة لدي حصلت مع والدي بس بعربية اكسنت و كان فعلا البنزين مغشوش فيه ماية
العربيه ديه فيها مشكله في الفتيس بتاعها انا عندي مشكله تانيه في الفتيس
للأسف ياجماعة المشكلة اتكررت تاني و مش مرة واحدة أكتر من مرة
بعد الاستلام من التوكيل اول مره سافرت بيها الغردقة و كانت تمام ورجعت بعد 10 أيام ، جت في طريق السخنة القاهرة مش عايزة تعدي ال 140 ك/س و بتهدي السرعة لوحدها لغاية ال 80 ك/س و بعدين تستجيب فضلت علي كده لغاية القاهرة و مسكت علي ال 30ك/ س و تتهز بطريقة رهيبة ، كلمت الضمان قلي هاتها غمرة الصبح حجزت فندق وودتها الصبح قالي حتستني النهاردة و نشوف ، استلمتها تاني يوم و قالي كانت مشكلة في السيستم و كلام فارغ ، وانا راجع علي الصحراوي عملت نفس المشكله :fdsa:
ودتها فرع شارع فؤاد اسكندرية قالولي اتصلحت و البنزين كان في مشكلة بيسد الفلتر فالعربية بتهدي و خزعبلات كده مكنش عندي بديل غير اني اصدق و امري لله ،
فضلت كويسة لغاية النهاردة كنت مسافر القاهرة و وقفت علي الطريق السريع في سموحة و مش عايزة تعديل ال 30 و رجرجة زي الأول بالضبط رحت علي شارع فؤاد لقيتهم قفلوا ركنتها هناك و اخدت الشنط روحتها و حرحلهم بعد الإفطار ،
اعتقد كفاية كدة احترام وده وقت المشاكل و الزعيق بقي