محمد رحيم قال كل حاجه طبعا
بالنسبه لتوكيل دينسو من سيتي سنتر هتخلي سيتي سنتر على شمالك يادكتور وتفضل ماشي هتلاقي بنزينه شل على يمينك هتكمل هي تالت شارع على يمينك من بعد بنزينه شل هتلاقي توكيل فريش على يمينك هو الشارع اللي على ناصيته فريش هتدخله في اوله على طول على اليمين هتلاقي يافطه دينسو على يمينك بس اللي اعرفه انه بيبيع جمله فقط مش قطاعي
بالنسبه لباقي الحاجات فلتر الهواء اتحاد اوروبي ب 80 جنيه عند محمد جابر والاصلي عند العالميه ب 160 تقريبا
التيل الامامي الريمسا اسباني ب 200 جنيه محمد جابر والاصلي الهيتاشي الياباني ب 450 عند العالميه وفي التوكيل ب 535 طبعا ده سعر التيل الكبير بتاع الموديلات من اول 2008 وبتاع السيريون ال 1500 وبتاع الماتيريا التيل الصغير لموديلات ما قبل 2008 ارخص من كده
التيل الخلفي ب 280 الاصلي عند العالميه
فلتر الزيت الاصلي 75 جنيه وفي من اول 25 وخلى بالك هو نفسه بتاع الكورولا الجنوب افريقي يعني لو زنقت معاك يا دكتور هاته من عندك في الزقازيق من موزع قطع غيار تويوتا قريب منك اللي هو في طريق موقف المنصوره وانت خارج رايح القنايات هيبقى على شمالك انا بجيب منه فلتر الزيت بتاع الكورولا بس قوله الحشوه الصفره بتاع الكورولا عشان في منها فلتر مختلف
الطنابيرالاصلي ب 1200 جنيه عند العالميه والريمسا الاسباني ب 500 وكمان في نوع تاني عند جابر ب 600 دي برده اسعار الطنبوره الكبيره برده من اول 2008 وهي نفسها بتاعت الماتيريا الطنبوره الصغير ارخص من كده
المفضلات