روحتلهم للمرة الثالثة على التوالي ...
اولا .. بعدوا الريداتير عن سربنتينة التكييف بحوالي 2 سم تقريبا .. عن طريق صامولا ، وده ادى مساحة لدخول الهوا من النص
ثانيا ... تم تعليه و ظبط الثرموستات لانه ماكنشي بيلحق يسقع وكان بيفصل على طول
ثاثا ... تم الكشف على الفريون وطلع مظبوط
نيجي بقا للنتيجة ,,,
بالنسبة للتكيف بقا افضل من الاول بكتيير .. جربته وانا جاي من المعادي لحد البيت والطريق كان واقف وكانت الشمس قربت تمشي .. والحمدلله كنت راضي بالنتيجة ... مقارنة ان الطريق واقف مع العلم اني ماشدتش الشفاط ، ولاكني كنت راضي من النتيجة والحمدلله ... وطبعا لسة مجربتش امشي في الشمس، وان شاء الله تبقى كويسة
بالنسبة للسخونية ,, فالحمدلله مؤشر الحرارة كان قبل النص بملي تقريبا
بالنسبة للخبطة اللي كنت بسمعها .. ولد هناك قلتله عليها ... نزل بص وقعد يلعب شوية وجاب صواميل كده بيقولي عليها زي السوستة .. وركبها من تحت .. بقوله هو كان في ايه قالي قاعدة المتور ... جربت العربية والحمدلله الصوت لحد دلوقتي ماسمعتوش وان شاء الله ماسمعوش تاني :)
واخيرا ... مبدئيا والحمدلله انا مرضي بحد كبيير ومبسوط عن المرة اللي فاتت وربنا يسهل وابقى مبسوط برضو في الشمس
وهابقى اجرب في الشمس واقولكم :)
اشوفكم على خير ان شاء الله
شكرااا
المفضلات