ركبت تكييف ساندن والانطباع المبدأي

**khaled_sabry** · 22-06-2014 01:49 PM

المشاركة الأصلية كتبت بواسطة hhalawany

يا جماعة بالله عليكم .. حد يفيدني عشان انا مخنوق قوي ... ياعني الكولار اللي تحت التابلوه بيدايقني في رجلي وبقول معلش مش هاتفرق ... كمان ساعات لما اكون طالع مطلع او ماشي على مطبات وطوب وانقل على الاولاني .. ولو مكنتش محمل شوية على البنزين ومحمل على الديبرياج اكتر بسمع صوت ترقعة مرة واحدة بس !!! ده غير صوت السير الجديد !!

مش عارف القيها منين ولا منين بصراحة ... لاكن اهم حاجة موضوع السخونية ده حله ايه مع الرجرجة اللي بتيجي لما ابطل العربية لو انا كنت مشغل التكيييف .... حد يفيدني يا جماعة الله يخليكم ويطمني

بالنسبه للكولر اللى مدايق فى رجلك - ماهى العربيه صغيره حيوديلك الكولر فين بس

يتهيألى الماروتى كربراتير مش انجكشن
بشكل عام كومبريسور التكيف بيشتغل على سير العربيه يعنى حيبقى محمل على موتور العربيه كإنك بتجر حاجه تانيه ورا العربيه او كإنك طالع مطلع
و ده طبعا بيأثر على قوة اداء العربيه و عزمها - اللى هو اصلا على قدها
و بالتالى عود نفسك تتقل فى دوسه البنزين و تتغابى شويه لما تبقى مشغل التكيف علشان تعوض فرق الحمل ده

ثانيه فى اى عربيه كربراتير فيها تكيف بتبقى فيه حاجه كده مش عارف اسمها بصراحه و لكن مسؤله عن تعليه البنزين اول لما التكيف يشتغل (علشان العربيه ماتطفيش فى السلانسيه نتيجه للحمل بتاع الكومبريسور ) - فإنتا لو طفيت الموتور مره واحده من قبل ما تقفل التكيف حتلاقيه يرجرج كده و ده نتيجه لضخ كميه كبيره من البنزين بسبب علايه التكيف اللى بيدخل على السلندرات و ينفجر نتيجه للإنضغات البساتم مع عدم وجود شراره البوجيهات
على فكره نفس التأثير ده بالظبط حيحصل لو طفيت العربيه و انتا دايس على دواسه البنزين

بالنسبه للحراره فاتأكد ان المروحه متوصله صح و بتلف فى الاتجاهه الصح

**abou-yahia** · 22-06-2014 02:08 PM

المشاركة الأصلية كتبت بواسطة khaled_sabry

بالنسبه للكولر اللى مدايق فى رجلك - ماهى العربيه صغيره حيوديلك الكولر فين بس

يتهيألى الماروتى كربراتير مش انجكشن
بشكل عام كومبريسور التكيف بيشتغل على سير العربيه يعنى حيبقى محمل على موتور العربيه كإنك بتجر حاجه تانيه ورا العربيه او كإنك طالع مطلع
و ده طبعا بيأثر على قوة اداء العربيه و عزمها - اللى هو اصلا على قدها
و بالتالى عود نفسك تتقل فى دوسه البنزين و تتغابى شويه لما تبقى مشغل التكيف علشان تعوض فرق الحمل ده

ثانيه فى اى عربيه كربراتير فيها تكيف بتبقى فيه حاجه كده مش عارف اسمها بصراحه و لكن مسؤله عن تعليه البنزين اول لما التكيف يشتغل (علشان العربيه ماتطفيش فى السلانسيه نتيجه للحمل بتاع الكومبريسور ) - فإنتا لو طفيت الموتور مره واحده من قبل ما تقفل التكيف حتلاقيه يرجرج كده و ده نتيجه لضخ كميه كبيره من البنزين بسبب علايه التكيف اللى بيدخل على السلندرات و ينفجر نتيجه للإنضغات البساتم مع عدم وجود شراره البوجيهات
على فكره نفس التأثير ده بالظبط حيحصل لو طفيت العربيه و انتا دايس على دواسه البنزين

بالنسبه للحراره فاتأكد ان المروحه متوصله صح و بتلف فى الاتجاهه الصح

اسمه مسمار البيك علي ما اذكر

**HHALAWANY** · 22-06-2014 02:29 PM

ايوه يا شباب .. متشكر على ردودكم واهتمامكم ...

انا كده كده مش محتاج من العربية تشد حيلها في السحب او العزم ... كده كده هي لما بتدخل على الثالث .. بتبدأ تفوق ...
لاكن المهم بالنسبالي ... موضوع السخونية .... طب مش مهم الرجرجة ... المهم حل للسخونية طيب

محتاج اعرف ايه الحل الامثل ؟؟؟؟

**Amr Axel** · 22-06-2014 02:34 PM

الف مبروك يا باشا تركيب التكييف :)
و ان كان من الافضل انك تجيب جديد
اما اللي بتواجهه محتاج تظبيط مش اكتر متقلقش بس راجع ع طقم الكهربا و يتظبط و راجع ع دورة التبريد مية و مروحة لو محتاج يتعملها صيانة و راجع ع ربط القواعد بما فيهم قاعدة التكييف
بالنسبة الكولر اللي بيضايقك هتحتاج تعمل عزل بسيط باللباد من طبقتين سماكة 5 ملم للطبقة
و حاول متشغلش التكييف ع اعلي درجة

**HHALAWANY** · 22-06-2014 03:06 PM

طب هو كده مافيش اي خطورة على الماتور مثلا !!!
وايه اقصى معدل الامان لمؤشر الحرارة .؟؟؟

**bassemali** · 22-06-2014 03:25 PM

ارجع لساندن على طول ... هما عارفين شغلهم وهيعرفوا يظبطولك الدنيا..

**hugan** · 22-06-2014 07:10 PM

تركيب تكييف لعربيه غير مجهزه
مابيتظبطش زي شغل المصنع

**lidosasa** · 22-06-2014 09:17 PM

المشاركة الأصلية كتبت بواسطة hhalawany

طب هو كده مافيش اي خطورة على الماتور مثلا !!!
وايه اقصى معدل الامان لمؤشر الحرارة .؟؟؟

طبعاً فيه خطورة على الموتور من السخونة الزيادة وبيقلل من عمر الموتور والمفروض إن المؤشر ميعديش النص بعد كده بيبقى خطر على الموتور

-

-

الموضوع: ركبت تكييف ساندن والانطباع المبدأي

LinkBack

أدوات الموضوع

عرض

-

-

-

-

-

-

-

المواضيع المتشابهه

كباس تكييف فولكس ماركة ساندن ياباني ب 320 ج بحالة الفبريكة

كباس تكييف أودي ماركة ساندن ياباني ب 320 ج بحالة الفبريكة

كباس تكييف لوجان ماركة ساندن ياباني ب 300 ج بحالة الفبريكة

استشارة هامة جدا في تكييف ساندن

فين اماكن بيع و تركيب تكييف ساندن ؟؟

الكلمات الدلالية لهذا الموضوع

المفضلات

المفضلات

ضوابط المشاركة