الموضوع: اخيرا اشتريت سيارة هوندا

المشاركة الأصلية كتبت بواسطة tikatalaat

سامح باشا اشكرك على الرد الوافى. انا هنزل اجيب الحاجات المطلوبة فى اسرع وقت إن شاء الله. ولكن من ترشح لى لشراء الطلبات و سوف اذهب لاحمد حسنين ولكن اريد العنوان او التيليفون لمعرفة المكان. وهل هو بردو يكشف العفشة مع الميكانيكا. ولو فى مشكلة فى جلب المقصات يتجابو جديد بردو وهو يغيرهم وما سعرهم. وارجو المساعدة فى الكبالن حيث اسمع تكتكة خفيفة. فهل هو بردو يكشف عليهم ويغيرهم. واشتريهم جديد ولا مستعمل وهل ياتو كاملين بيتغير جوان. وما مجموع المصنعية. بالنسبة للموتور الحالة جيدة جدا وتقريبا 85% 2 كامة فما هو الزيت المناسب للموتور. اخر سؤال هل حسنين يعرفك سامح باشا قصدى هل يمكن التوصية. اسف للاطالة وشكرا

احمد حسانين هيظبطلك كل حاجة , مافيش اى مشكلة ( ميكانيكا - عفشة - كمبيوتر )

اى جلب مقصات ( يتجابوا اصلى ) هو عموما طقم الجلب المقصات ( 4 جلب ) للمقصين السفليين ب 390 اصلى

الكبالن الخارجية لو فيها مشكلة هتجيبهم اليابانى الجوز بال 650 جنية الكبالن بتيجى بكل مشتملاتها ( شحم - كاوتشة - صامولة - الافيز )

ولو فية مشكلة فى الكبالن الداخلية , هيتفتحوا ويتشاف هما محتاجين اية ( صليبة - بلى )

المصنعية على حسب الشغل بس عموما المصنعيات كالتالى

1- مصنعية السيور ( 200 جنية )

2- مصنعية العفشة الامامية ( 150-200 جنية )

3- مصنعية العفشة الخلفية ( 100 جنية )

4- بالنسبة للزيت خليك فى كاسترول ماجنيتك ممتاز للمحرك

اة ياباشا يعرفنى , روحلة وكلمنى من هناك واديهولى

وتليفون احمد حسانين هبعتهولك فى رسالة خاصة بس نصيحة منى روحلة على طول عشان هو بيرد على التليفون بعد مدة طويلة

ومكانة فى شارع احمد ذكى , خلف ملاهى السندباد النزهة 2

الف مبرووك