شوف يا باشا انا هقول لك راي واللي اعرفه وربنا يوفقك للخير ان شاء الله
- الشارك في رنج السعر ده هو افضل اختيار بس لازم تبقى عارف ان قطع الغيار غاليه موووت ومش رخيصه خالص فلو الموضوع ده مش فارق معاك يبقى توكل على الله
وده لينك فيه اسعار قطع غيار الشارك انا سائل عليهم بنفسي في التوكيل شوفها وشوف هتناسبك ولا لا
http://www.nilemotors.net/nile/414352-a.html
- الفلونس عربيه كويسه بس هي نفس مستوي السيراتو والالنترا لكن قطع غيارها اغلى شويه عشان علامه رينو مش أكتر فراي تبقى السيراتو او الالنترا افضل ووفر فرق اسعار قطع الغيار والصيانات وراي الشخصي السيراتو افضل بس خد بالك ان اي واحده في الثلاثه دول في رنج السعر ده هتبقى فاضيه
- لو مش فارق معاك حجم العربيه وعاوز اوبشنز يبقى توكل على الله وهات ريو اعلى فئه مش هتندم والماتور رغم انه 1400 cc بس مناسب اوي لحجم العربيه وخاصه انه 109 حصان مش هتحس انه ماتور ضعيف خالص
- الكروز ابعد عنها خالص ودي نصيحه لوجه الله لان مشاكل الفتيس مستمره مع العربيه وموجوده حتي في الفتيس الجديد فابعد عن الشر وغنيله
بجد مقارنه حلوة وانا ميال لتفكير حضرتك برضه
المفضلات