زيت فتيس .. سيراتو 2010 ومشاكل مع فالفولين من خلال سوق.كوم

**Ahmed.Antar** · 22-06-2014 02:17 PM

بقالي فتره عاوز اغير زيت الفتيس عندي في سيراتو 2010 4 غيار .. وطبعا بعد التمحيص عرفت ان الناس بتتكلم في 3 لتواع
1-ATF .SP3 بتاع هيواندي او كيا
2- فالفولين Atf Max life
3-ليكوي مولي
المهم حاولت ابحث عن ليكوي مولي لقيت ناس بتتكلم ان الوكيل ساب الزيت ومتحاولش تاخد حاجه ملهاش وكيل ممكن ترجع ليه ﻻقدر الله لو حصل حاجه .. وطبعا التوكيل ملقتش فيه غير Sp4 وده سعر اللتر عامل 175 جنيه وكبعا بيغيروا زيت موصفاته Dexron 3 وده مش متوافق مع الفتيس
مكنش قدامي غير فالفولين المهم كلمتهم قالولي منتجاتنا بتعرض علي سوق.كوم وبالفعل عملت اوردر يوم 9 من الشهر ومل شويه اكلمهم يقولي ثواني هنكلم الseller وبهد يومين حاضر هنكلم الكورير المهم لسه بكلمه النهارده لقيتهم لغوا اﻻوردر وحتي مكلموش العميل يعتذروله حاجه قرف بجد ..
انا بحاول استفسر هل فالفولين فيها مشاكل والوكيل بينصب وعشان كده سوق.كوم مش عاوز يتعامل معاهم وﻻ ايه الكلام المضبوط ؟؟؟
ولو اي حد غير زيت فتيس ياريت يفيدني غير ايه ؟، ومنين ؟؟
اسف ع الاطاله

**Deshahcoka** · 22-06-2014 02:31 PM

total atf يا باشا و كبر مخك شغال زي الفل اللتر ب 30 جنيه حاجة كدة

**borio1704** · 22-06-2014 04:11 PM

خليك زي ما الكتالوج بيقول

كيا عموما بتفضل التعامل مع زيوت توتال

والأهم من كده... زيت الفتيس مش بيتغير إلا بعد 100 ألف.. ده حسب علمي المكتوب في الكتالوج.

هو عربيتك ماشية كام لحد دلوقتي؟

**Ahmed.Antar** · 22-06-2014 06:49 PM

المشاركة الأصلية كتبت بواسطة Deshahcoka

total atf يا باشا و كبر مخك شغال زي الفل اللتر ب 30 جنيه حاجة كدة

توتال للاسف غير متوافق ﻻنه Dexron 3 وطبعا زيه زي موبيل 320 او شيل

**Ahmed.Antar** · 22-06-2014 06:52 PM

المشاركة الأصلية كتبت بواسطة borio1704

خليك زي ما الكتالوج بيقول

كيا عموما بتفضل التعامل مع زيوت توتال

والأهم من كده... زيت الفتيس مش بيتغير إلا بعد 100 ألف.. ده حسب علمي المكتوب في الكتالوج.

هو عربيتك ماشية كام لحد دلوقتي؟

الف شكرا علي المرور .. العربيه ماشيه 72 الف كم ومغيرتش ابدا زيت فتيس والفتيس كويس جدا ومفيهوش تنتيشه الاول ل التاني
الفكره ان ده الفتيس ال 4 غيار مش ال 6 غيار الي مفيهوش مقاس وبيتغير علي 100 الف .. يعني المفروض اخره 40 الف ويتغير
طبعا ان مكنتش هغير ال 7 ك كلهم كنت هغير الي في الكارتيير وهعمل Half Flush بس ومت غير غيار فلتر .. وعلي ال 100 كنت هغير الزيت كله والفلتر

**Ahmed.Antar** · 22-06-2014 06:56 PM

المشاركة الأصلية كتبت بواسطة dr_smart

اليومين دول انا بواجه نفس الحيره عشان اختار انسب نوع خاصة ان موضوع الفتيس الاوتوماتيك ده حساس

اعتقد وولف موفرين زيوت فتيس تناسب معظم العربيات ممكن ترجع لموقعهم هتلاقي النوع المناسب لعربيتك ان شاء الله

لقيت زيت الماني تخليقي ( شفاف) ومناسب لعربيتي ومكتوب عليه kia,hyundai spii,iii اسمه rowe اللتر ب ١٣٥ جنيه تقريبا بس خفت اشتريه لاني اول مره اسمع عنه

اهم من الماركة انك تشتري النوع المتوافق مع عربيتك حسب الكتالوج

بالتوفيق

ياريت ياباشا لو ربنا كرمك واستقريت علي نوع تقولي عليه .. وولف ناس كتير مشكرتش فيه للاسف في زيت المحرك فخايف طبيعي احطه في زيت فتيس
الفكره ان الواحد بقي عارف انواع .. والانواع دي ملهاش موزيعين وﻻ في اي خدمه محترمه