الموضوع: عايز اسافر سياحه بره

المشاركة الأصلية كتبت بواسطة shndoo

ياريت ياريت برنامج صغير كده معلش بتقل عليك

هقولك تجربتي بالتفصيل و بعد كده أقولك البروجرام المقترح

أنا رحت في شهر يناير 2013

السفر كان يوم 20-1-2013 و العودة 29-01-2013
جو ماليزيا إستوائي و مش هتفرق كتير توقيت السفر بالنسبة للجو
لكن في مواعيد بتبقى غالية شوية عشان المواسم و الأجازات

رحلة السفر 10 ساعات غير الترانزيت
تذاكر السفر بتمثل جزء كبير من المبلغ (كل شرق آسيا كده)

عشان تخفض تكاليف السفر أختار الرحلات غير المباشرة و أحجز قبلها بفترة و أستخدم مواقع المقارنات زي flyscanner لحجز الطيران

و مواقع مقارنات الفنادق زي hotelscombined

أنا زرت 4 مناطق

صن واي: مدينة ألعاب متميزة و ممتعة و مش زحمة و طوابير زي مصر

كوالا لمبور: بلد نضيفة و متطورة و منظمة و فيها أماكن كتير للفسح و الشوبينج

بورت ديكسون:
لا أنصح بها لأنها مدينة محلية و مفيش فيها أنشطة مناسبة للسياح

لنكاوي:
سبحان الخالق
أجمل مناظر طبيعية شفتها في حياتي و فيها شواطئ خلابة و انشطة بحرية ممتعة جداً

يتبع

قولي ميزانيتك كام عشان البروجرام يبقى واقعي
هل بتهتم إن الفنادق تبقى فخمة و لا اي مكان للمبيت و خلاص

طبعا بالنسبة لي كان شهر عسل فكانت كل التفاصيل مهمة

و الصراحة ماليزيا بتتميز بفخامة فنادقها
يعني فنادق ال4 نجوم هناك أفضل بكتيييييييييييير من 5 نجوم في مصر أو تركيا

أنا الموضوع كلفني 25 ألف شامل:
4 ايام إقامة بفنادق 5 نجوم
2 في فيلا فندقية بمسبح خاص (5 نجوم طبعاً)
2 في فندق 4 نجوم (بس أربع نجوم نضيف اوي)
كل افقامة كانت بالأفطار
تذاكر سفر على الإتحادية بتوقف وحيد
مواصلات داخلية
تذاكر المزارات و الرحلات و الغداء و العشاء إلخ إلخ

في ميزة مهمة كمان
مرة و انا هناك سألت المضيفة في البوفيه عن نوع من الطعام حلال و لا لأ...قالتلي الأكل كله في ماليزيا حلال و لو في حاجة مش حلال بنكتب عليها و نعملها في جزء لوحده من البوفيه

رد عليا عن ميزانيتك و انا تحت أمرك

المشاركة الأصلية كتبت بواسطة shndoo

انا الميزانيه من 15 - 20 الف
للنفرين :copy of m-s5::copy of m-s5:
ومش فارق معايا اوى الفندق كام نجمه اهم حاجه يكون نضيف و الفيو بتاعو حلو برضه

السفر هياخد 11 ألف تقريبا
و الفنادق هتبقى في حدود 600 في الليلة
يعني كده تقريبا 16000 سفر و إقامة
يتبقى 4000 بوكت مني
يعني 500 جنيه في اليوم يعني حوالي 200 رنجت
و ده رقم كويس جدا جدا يخليك تتفسح و تنبسط

بما ان المبلغ 15 او 20 انصحك بالطيران الاقتصادى زى شركة طيران ناس او شركة ايزى
ماليزيا جميلة جداً و نزل برنامج جوجل ايرث و شوف مكان الفندق اللى هتنزل فيه و الاماكن التخطيط الكويس هو نجاح اى رحلة احجز عن طريق موقع بوكنج زى ما احد الاعضاء قالك بيكون ارخص لما تحجز من هناك
فى شباب مصرى بيطلعوا مع بعض اى دولة و بيكون لكل شخص 8 الف جنيه و بيقضوها عادى بلاسبوع و مش بيباتوا فى فنادق فى نظام بيوت فى اوروبا تأجير غرفة و بالنسبة لعدد بتكون كويسة و الفيزا بياخدوها عن طريق الراجل اللى هيأجروا منه الشقة بس الكلام ده لدول الاوروبية بس هو حوار متعب و فى نفس الوقت ممتع و مغامرة بيعملوا نظام الاجانب بيتمتعوا بالبلد و مش مهم معاك كام

المشاركة الأصلية كتبت بواسطة mostafa ii

بما ان المبلغ 15 او 20 انصحك بالطيران الاقتصادى زى شركة طيران ناس او شركة ايزى
ماليزيا جميلة جداً و نزل برنامج جوجل ايرث و شوف مكان الفندق اللى هتنزل فيه و الاماكن التخطيط الكويس هو نجاح اى رحلة احجز عن طريق موقع بوكنج زى ما احد الاعضاء قالك بيكون ارخص لما تحجز من هناك
فى شباب مصرى بيطلعوا مع بعض اى دولة و بيكون لكل شخص 8 الف جنيه و بيقضوها عادى بلاسبوع و مش بيباتوا فى فنادق فى نظام بيوت فى اوروبا تأجير غرفة و بالنسبة لعدد بتكون كويسة و الفيزا بياخدوها عن طريق الراجل اللى هيأجروا منه الشقة بس الكلام ده لدول الاوروبية بس هو حوار متعب و فى نفس الوقت ممتع و مغامرة بيعملوا نظام الاجانب بيتمتعوا بالبلد و مش مهم معاك كام

يا عم الراجل معاه أخته
الكلام اللي أنت بتقوله ده لو حد و أصحابه