كنت هشتري فلوينس بس؟؟؟؟؟؟؟؟

**yasser100** · 22-06-2014 07:44 PM

المشاركة الأصلية كتبت بواسطة iusef

الكورولا بقت بتيجي عاليه 14.5سم
الاسترا في ناس كتيير بتحط 92 بس مش عارف لو غيرو الموتور ولا لا
الفلونس ناس كتيييييير اوي معندهمش اي مشاكل

دايما باثمن رأيك يوسف باشا بصراحه :)

**mac os** · 22-06-2014 08:26 PM

لو مكانك هجيب الكورولا واريح دماغى

**Hany Saad** · 22-06-2014 08:37 PM

المشاركة الأصلية كتبت بواسطة Adnfalcon

الكورولا بتعلي فالتوكيل مش مشكله بس اقل عربيات 2014 مشاكل
فلوينس ابعد عنها نقص زيت موتور ورجه وحاجات رخمه
قشقاي فقيره الامكانيات
استرا بدون مشاكل بس محتاجه بنزين 95 وسحبها بطئ
انت اخر ميزانيتك كام ؟

رداً على موضوع الأسترا بدون مشاكل

رابط المشاركة
يا جماعه ياريت تركزوا معايا شويه وياريت الناس القديمه تركز اكتر

دلوقتي انا كتبت من شهرين قبل كدا على مشكله الكركره اللى بتحصل فى العربيه ومشكله نتشه الفتيس مابين النقلات ودلوقتي فى مشكله جديده ان مع التكييف السحب بيتقل بتاع العربيه وده ليه قصه تانيه هوضحها بعدين بس خلينا الاول فى اول مشكلتين... انا روحت عملت صيانه ال 5 الاف فى توكيل جسر السويس ودفعت 500 جنيه وقولتلهم على المشكلتين وعملوا ابديت للسوفتوير ولا حياه لمن تنادي المشكلتين موجودين وبالنسبالى رجه الفتيس مخوفاني جدا علشان ميكونش فى مشكله فى الفتيس وهما بيستعبطوا ومش عارف اتصرف معاهم ازاي ؟؟؟؟ ومشكله الكركره بتحسسني اني راكب عربيه رخيص مش عربيه ب 200 الف وبردو مش عارف اتصرف مع بتوع التوكيل دول ازاي فياريت لو اللى عنده نفس المشكله نجمع بعض ونروح يوم ع التوكيل ونخربلهم الدنيا هناك علشان يتربوا ويوشفولنا حل فى القرف اللى احنا فيه ده
_____________
بالنسبه لموضوع التكييف اللى حسيته ان التكييف نازل باوبشنز هيدين عن اليوزر اللى هو انا وحضرتك ازاي بقي مثلا مع البلوتوث لو جالك مكالمه وعامل التكييف على اوتو صوت التكييف بيوطي لوحده علشان تسمع المكالمه وزي مثلا فى يوم حر كانت الحراره 42 فيه الار بي ام على لوحده والعربيه وصلت ل 90 فى اقل من 3 دقايق علشان تقوي من اداء العربيه ومن فاعليه التكييف لان العربيه عرفت ان الجو 42 درجه فظبطت نفسها على الجو الموجود وده اكيد لو حد راح التوكيل علشان يقولوا ع المشكله دي هيلعب فى السوفت وير بتاع الموضوع ده علشان يريح نفسه من الصداع بما اننا ماشيين فى التوكيلات باسلوب الدهلكه .......... اخر الموضوع يعني اني اتخنقت ومش هو ده اداء الاوبل من الاخر مع العلم انها عربيه ممتازه فى كل حاجه الصراحه واحسن عربيه فى فئتها بس مينفعش المشاكل دي يتصبر عليها الصراحه

http://www.nilemotors.net/Nile/427622-a.html

مفيش عربية بدون مشاكل و لازم تصاحب التوكيل فى فترة الضمان و الضمان شىء أساسى مش كماليات

تحياتى

**Mohamed.Hany** · 22-06-2014 11:44 PM

1. حتي الان اقل عربية شفنا منها اعطال و شكاوي هي الكورولا . وعلي فكرة مبقتش واطية خالص , ارتفاعها 15.5 سم .

2. الاسترا غير مشكلة التقطيع صياناتها و قطع غيارها غالية جدا كفاية ان صيانة ال 40 الف كم ب 6200 جنيه

3. الفلوانس بعض المشاكل الفردية زي طقة الدركسيون لشخصين , خلع مقبض الباب الداخلي لشخصين , عدم ثبات ال rpm ل3 اشخاص.
المشكلة في موضوع نقص زيت الموتور حتي الان الاشخاص المعروفين تعدو ال 8 اشخاص وده بحسب جروب فلوانس علي الفيس بوك .

تحياتي

**تامر.محمد** · 23-06-2014 12:25 AM

يا جماعة اوصي الجميع بالتزام الموضوعية في الحكم على اي عربية لأن فيه ناس بتحط مبالغ كبيرة بناءً على الكلام اللي بيقروه هنا

للحق ، الكورولا فعلا تفوقت من حيث انعدام المشاكل في كل فئاتها و وجود كماليات كافية في فئة 190 الف جنبا الى جنب مع انعدام المشاكل خلاها اكتسحت الفئة دي ، دي بقت حقيقة مفروض نقر بيها كلنا

بالنسبة للفلوينس انا شايف الناس بتقسو عليها ، عارف ان ظهر مشكلة بتستوجب تغيير الموتور في الضمان ، و عارف ان بعض العربيات استدعت تغيير قطمة الدركسيون في الضمان ، و عارف ان دراع الباب بتاع الفئات العالية جودته مش قد كده ، لكن الناس اللي بتهاجمها بالموضوعين دول محسيينني ان اللي جابوها رموا فلوسهم في الارض ، مش كده يا اخواننا يعني
ما تزال كل مشاكل العربية بتتحل في الضمان و ما تزال العربية افضل اسعار قطع غيار في فئتها و اعلى كماليات و هي و الكورولا بيتنافسوا على اعلى وسائل امان

Sent from my GT-N7000 using Forum Runner

**Mohamed.Hany** · 23-06-2014 12:41 AM

المشاركة الأصلية كتبت بواسطة abohend

عينة من المنتدى
http://www.nilemotors.net/Nile/399981-2014.html
http://www.nilemotors.net/Nile/378957-2014.html

أؤيد كلام تامر بضرورة إلتزام الموضوعية

حتي الان مفيش مشاكل ،

و اتمني حضرتك تقرا الموضوعين اللي حضرتك كاتبهم .
المشكلة الاولي بيشتكي بصوت ترزيع في المطبات و اتحلت لما العفشة اتربطت في صيانة ال ١٠٠٠ كم
المشكلة التانية رعشة في الار بي ام و ه واقف و جايب d و ده عادي لو في اي تحميل في الكهربا الار بي ام بينزل سنة و يرجع.

هل دول يعتبرو مشاكل ؟
حتي الان مفيش مشاكل تذكر و الكمال لله وحده اكيد.

و لو في حاجة ظهرت اكيد هيكون اول مكان يناقش فيه هو قسم تويوتا لغاية منوصل ليها لحل ان شاء الله و سيتم مشاركة جميع اازملاء الافاضل بس هي دي الحقيقة

**Mohamed.Hany** · 23-06-2014 12:46 AM

المشاركة الأصلية كتبت بواسطة تامر.محمد

يا جماعة اوصي الجميع بالتزام الموضوعية في الحكم على اي عربية لأن فيه ناس بتحط مبالغ كبيرة بناءً على الكلام اللي بيقروه هنا

للحق ، الكورولا فعلا تفوقت من حيث انعدام المشاكل في كل فئاتها و وجود كماليات كافية في فئة 190 الف جنبا الى جنب مع انعدام المشاكل خلاها اكتسحت الفئة دي ، دي بقت حقيقة مفروض نقر بيها كلنا

بالنسبة للفلوينس انا شايف الناس بتقسو عليها ، عارف ان ظهر مشكلة بتستوجب تغيير الموتور في الضمان ، و عارف ان بعض العربيات استدعت تغيير قطمة الدركسيون في الضمان ، و عارف ان دراع الباب بتاع الفئات العالية جودته مش قد كده ، لكن الناس اللي بتهاجمها بالموضوعين دول محسيينني ان اللي جابوها رموا فلوسهم في الارض ، مش كده يا اخواننا يعني
ما تزال كل مشاكل العربية بتتحل في الضمان و ما تزال العربية افضل اسعار قطع غيار في فئتها و اعلى كماليات و هي و الكورولا بيتنافسوا على اعلى وسائل امان

sent from my gt-n7000 using forum runner

مفيش قسوة و لا حاجة يا تامر بيه و انا لما حد بيسالني عن عربية في حدود ١٨٠ و اقل بنصحه بيها بس قبلها بقوله الحاجات اللي حصلت بالتفصيل و هو ليه الحكم يشتري او لأ و ده منتهي الشفافية مش تحامل نهائي عشان لا قدر الله لو حصل اي مشكلة يقولي انت كنت عارف و مقلتليش و اعرف شخصين جابوها بعد مقلتلهم و الحمد لله محصلش معاهم حاجة و ماشيين ٢٠٠٠ كم تقريبا و مبسوطين بيها جدا

لو -

-

الموضوع: كنت هشتري فلوينس بس؟؟؟؟؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

فلوينس

فلوينس

فلوينس 113 & فلوينس 119

هشتري Gen 2 أول شهر 3

الكلمات الدلالية لهذا الموضوع

المفضلات

المفضلات

ضوابط المشاركة