الموضوع: كنت هشتري فلوينس بس؟؟؟؟؟؟؟؟

المشاركة الأصلية كتبت بواسطة Hany Saad

يوسف بيه
بحى حضرتك على روحك الحلوة و مصداقيتك فى الكلام
و برجع أأكد كلامى مرة تانية :::::::مفيش عربية كبرت او صغرت ماركة كبيرة او ماركة صغيرة اسيوى او اوروبى خالية من المشاكل
و زى ما بنقول تختلف المشاكل فى نوعها و مدى تأثيرها على استمتاع القائد و مهارة التوكيل فى حلها نهائياً
انا كمان اعرف ناس عندهم كورولا ظهر صوت حكة من التيل و اتصنفر و رجع الصوت تانى بعد فترة و لكن كل هذا طبيعى و بيحصل فى جميع العربيات

انا ظهر عندى صوت فى القطمة و رحت التوكيل غيرته تانى يوم و اتحلت المشكلة تماماً و لم يظهر الصوت مرة أخرى و هو ده اللى انا بقوله:::::مش مشكلة ان يكون فيه عيب فى العربية ( طبعاً ميكنش منتشر) طالما التوكيل بيعالج علاج جذرى و قطع الغيار متوفرة و هو ده الغرض من الضمان

المشكلة الاصعب هى مشكلة عربية زى الأسترا مثلاً:::::مفيش عيب موتور و لا عيب قطمة صحيح و لكن عيب كركرة مزمن و نتشة فتيس و ده عادى ممكن يحصل اما اللى مش عادى ان الوكيل مش لاقى حل!!!!!!هنا بأه فى مشكلة


يعنى على قد ما ممكن يكون فيه مشكلة زيت فى الفلوانس و حضراتكم بتقولوا العدد 8 و انا هبالغ و اقول 15 و لكن علاج رينو للمشكلة ايه.......تبديل كامل للموتور بدون ولا كلمة و اصبحت عميل سعيد
بالنسبة لأسترا المشكلة ابسط من ناحية العيب و لكن للأسف مفيش حل عند التوكيل و بيجرب فى الناس و بعض الملاك مش مبسوطين من العربية علشان الخدمة

لو اخدنا المبدأ بالمثل::::::كورولا هى كمان نزلت عربيات معيوبة بالنسبة لمصر....لازم كوكيل محترف اعرف اقل ارتفاع او ground clearance اجيبه لمصر كام.....مينفعش انزل عربية ارتفاعها 12.5 سم عن الأرض و بعدين الناس كلها تحك و بعدين ابتدى اعالج....الكلام ده يحصل من توكيل عربية جديدة اول مرة تنزل مصر مش من توكيل بقوة تويوتا و خصوصاً ان فيه اصلاً موديلات من كورولا نازلة مرتفعة أساساً زى الخليجى و الروسى....طيب ليه بتزل واطية لمصر؟
الحل انه تقريباً غير اكتر من نصف عفشة العربية....طبعاً يشكر جداً على اللى عمله و لكن انا بالنسبة لى التوكيل نزل 4000 عربية معيوبة او اقل ما يقال غير مطابقة للمواصفات المصرية

نيجى بقى لسنة 2015 و بعد ما التوكيلات جربت فينا: هل تفتكر رينو هتنزل تانى موتور فيه مشكلة....لا أعتقد و أكيد هيبقى ال inspection عالى جداً على النقطة دى
هل تويوتا هتنزل كورولا منخفضة تانى لمصر:: برده استحالة

علشان كده بنصح اى حد عايز يشترى::::::متشتريش على سمعة المشاكل طالما اتعالجت او التوكيل بيعالجها نهائياً لأن مفيش عربية مفهاش مشاكل
اختار العربية اللى تملى عينك و تستريحلها و يكون واقف خلفها توكيل قوى

تحياتى

يا هاني باشا انا مش شايف ان لو عندي مشكله يبقي اخبيها علي الناس عشان اسم العربيه ولا انها هتنقص حته لان لو اي عربيه فيها مشكله ولا هو عيب ولا حرام
دي مرسيدس S350 Bluetec 2014 Total Loss ماس كهربا وكل سنه وانت طيب وبعد اسبوعين بس من الاستلام








اهو ده بقي تلاقيه دايخ مع حمايه المستهلك الالماني :)

بس هو المفروض يبقي عندنا شفافيه مع اي حد ممكن ياخد رائي علي انه يشتري او لا لان احنا بنشكل تفكير الناس بالكلام اللي بنكتبه فيأما يدعلونا او يدعو علينا

انا مؤيد كلامك مليون في الميه مفيش عربيه بدون مشاكل وديماً المشاكل بتبقي في وش القفص بعد كدة بتبقي احسن بس برضه احترام التوكيل للعملاء مهم جداً لو التوكيل بيكبر او بيحسسك انه بيدفع من جيبه دي بقي المشكله

المشاركة الأصلية كتبت بواسطة Mohamed.Hany

بالتوفيق يا يوسف كلها حاجات بسيطة قوي الحمد لله .
كويس انك ركزت ان الونة دي بتيجي مع الفرامل و ده سهل الامور علي التوكيل انه يستعدلها و دي ااحمد لله بسيطة .
مشكلة صوت تزييق المرايا مع الفتح و القفل كنت متخيل ان التوكيل هينضف و يرش wd 40 و بارك الله فيما رزق كويس انه ريحك و اتصرف بالشكل ده .

اما المشكلة اللي انا شايفها فعلا كبيرة شوية هو صوت التزييق ده غريب شوية و اكيد 100% في حاجة مش مربوطية كويس هي السبب و في انتظار منك تطمنا لما يوصل الجهاز ان شاء الله ، انا عارف موضوع التزييق ده رخم خصوصوا لما بيظهر في اوقات معينة بيبقي صعب تحديد مصدره و انه مظهرش مع حد في مصر هيصعب الدنيا شوية علي التوكيل انه يحدده بس ان شاء الله انا واثق ان الجهاز ده هيقفشه من قفاه .
تحياتي

ربنا يخليك يا محمد باشا ومتشكر جداً علي مكالمتك الجميله الصبح:)