اقتباس المشاركة الأصلية كتبت بواسطة no comment مشاهدة المشاركة
السلام عليكم ورحمة الله وبركاته ... على الرغم من قلة مشاركاتى لكن لما شفت الأسم افتكرت ايام زمن جميل وقولت أرحب بعودتك :)

بالنسبة لتغيير المواعيد لا توجد مشاكل بالنسبالى لو تم تطبيقه للبعد عن زحام الصباح وبالتبعية زحام المساء
شكرا يا أستاذ أحمد ربنا يحفظك .. إن شاء الله البلد حالها يتعدل و يكون الزمن القادم أجمل

مع حضرتك ان زحام الصباح هيقل مع المواعيد الجديدة وأكيد فى المساء ايضا ونوفر فى الكهرباء وأعتقد انه من أهم الاسباب


اقتباس المشاركة الأصلية كتبت بواسطة ahmedwagdy03 مشاهدة المشاركة
أكيد الناس فرحانة جدا فى الحكومة اللى بيطبقوا المواعيد دى لإنهم بكدة حيروحوا بدرى ساعة و يلحق ينام ساعتين أو تلاتة و يبدأ يومه من جديد .أو لو وراه سبوبة أو مصلحة يلحق يقضيها بدرى ساعة .

و فى كل الأحوال مش حتفرق معاهم لإنهم بيروحوا يقضوا وقت ظريف مع بعضيهم و يروحوا أو بيروحوا ينفخوا خلق الله اللى وراهم مصالح .

التنبلة حلوة مافيش كلام

بعيدا عن السلبيات والفساد الادارى للاسف ...

لكن الشغل البدرى فيه انجاز وبركة و ممكن فعلا يوفر الوقت لعمل اضافى باقى اليوم زى ما حضرتك بتقول


اقتباس المشاركة الأصلية كتبت بواسطة omar101970 مشاهدة المشاركة
المفروض دا يحصل من زمان.
وقت العمل فى اى مكان بيكون 8 ساعات فى اليوم وساعه بريك
يعنى الشغل يبدأ الساعه سبعه الصبح وويخلص اربعه وفيه اماكن تانيه من تمانيه الصبح لحد الساعه خمسه.
الدنيا كلها كدا 8 ساعات شغل وساعه بريك وشغل 5 أيام فى الاسبوع. تقريبا فرنسا بس عندهم الشغل سبع ساعات فى اليوم وساعه بريك و 5 أيام شغل.
المهم اننا نكون بنشتغل بجد فى وقت العمل مش فطار وشاى و...........................
انا مع حضرتك ومبسوطة جدا بالقرار دا

لكن الموضوع اكيد هيحتاج تنسيق وخاصة مع مواعيد المدارس والحضانات