الموضوع: انطباعي عن سيراتو 2015

الف مبروك ربنا يباركلك فيها وبصراحة تقرير جميل جدا والعربية ما شاء الله محترمة اوي ما شاء الله ومحدش اشتكى منها تقريبا

المشاركة الأصلية كتبت بواسطة rafikesmat

تمام يا باشا انا جربتها و متشكر جدا بس فى حاجة تانى مش فهمها موضوع الفلاش برضو من كمبيوتر العربية الى هو 3 و 5 و7 و off برضو دة اية نظامة تعبك معايا يا باشا

ده علشان اوبشن الاشاره يمين وشمال بدل ما تحرك زراع الاشاره عند الاتجاه لليمين مثلا تعمل كليك يمين من الزراع بس زي تاتش بس... اما الرقم فده بيرمز لعدد ومضات لمبه الاشاره اللي انت عايزه لما تلمس زراع الاشاره

المشاركة الأصلية كتبت بواسطة ahmed.essam

الف مبروك ربنا يباركلك فيها وبصراحة تقرير جميل جدا والعربية ما شاء الله محترمة اوي ما شاء الله ومحدش اشتكى منها تقريبا

الله يبارك فيك ياباشا... العربيه كويسه جدا في الفئه السعريه بتاعتها

المشاركة الأصلية كتبت بواسطة borio1704

الحقيقة إن كل ما عدد النقلات كتر بيبقى التجميع والاستجابة أفضل... وإن كان بيبقى فيه وقت هادر أكتر شوية في النقل ذات نفسه.


المعروف كمان إن كل ما كانت عدد السرعات أكتر كان مدى الدوران على النقلة الواحدة أقل.. علشان كده بيسموها نقلات قصيرة


إيه الفكرة في كده؟؟؟


الفكرة كلها إن عدد النقلات الأكتر بيخلي الموتور (أثناء التسارع القوي أو "الشد") بيدور باستمرار في منطقة "أقصى طاقة ممكنة" على مدى الدوران بتاعه.


وعلشان أوضح أكتر..

نفترض إن عندك موتور بتاخد أقصى قدرة منه على 5500 rpm وأقصى عزم على 4500

الفتيس الأربع سرعات .. لو فرضنا إنك بتشد بالموتور لحد ما توصل 5500 rpm.. لما تنقل من الغيار التاني للتالت مثلا هتلاقي الـrpm بتنزل لحد 4000 أو يمكن أقل.



في الفتيس الـ6 سرعات هتلاقي الـrpm بينزل لحد 4500 بس

الأرقام دي تقريبية للتوضيح بس.

في حالة الـ4 سرعات.. ممكن تكون واخد عزم عالي.. بس القدرة الحصانية تكاد تكون أعلى من المنتصف عند الـ4000.. وبالتالي هنبقى محتاجين وقت أطول شوية في التسارع.

إنما بالنسبة للـ6 سرعات .. فإحنا كده واخدين باستمرار أعلى قدرة من الموتور مع عزم قريب جدا من العزم الأقصى بتاعه



المشكلة الأساسية اللي بتواجه معظم الناس اللي معاها فتيس 6-سرعات أو أكتر هي اختيار النقلة المناسبة لسرعة العربية بحيث تاخد فعلا أعلى استجابة في التسارع.


يمكن الفرق يبان أكتر لو جبنا السيراتو الشكل اللي فات وقارنا موديل 2010 بموديل 2011 .. لإن في الـ2010 كان الفتيس 4-سرعات.. وفي الـ2011 الفتيس بقى 6-سرعات

مؤكد فيه فرق واضح لصالح الـ6 سرعات في الـ2011.



...

بالظبط دا اللي اقصده

المشاركة الأصلية كتبت بواسطة amin 46

ممكن اعرف بس الlock بيقفل اتوماتيك و بتظبطه ازاى ولا بيفتح اتوماتيك بس عايز اعرف المووضوووع ده ضرووورى جدااا

عربيتي مش نازل فيها اوبشن اللوك الاتوماتيك نازل فيها ال unlock بس....انما واحد صاحبي معاه هاي لاين نازل فيها التو اوبشنز....
انا لما قلبت في كل الاوبشنز اللي موجوده في الكمبيوتر عنده لاقيت ان ده الاوبشن الوحيد اللي مش عندي.
متهيالي ممكن تنزل سوفت وير في التوكيل وتضيفه بس مش فارق اوي