غيرت 3 ايرماس للاسكورت و مافيش ولا واحد شغال ايه الحل ؟؟

**maheralsisi** · 24-06-2014 11:30 AM

يا جماعة معايا اسكورت 1600 زيتك
بتاكل بنزين بالهبل و اركب الاير ماس بتبرجل تعلى و توطى و تخنق فى السحب
عشان اعرف امشى بيها لازم اشيل فيشة الايرماس
اللى راكب فى العربية ده تالت واحد اشتريه استيراد و كبيره يشتغل شهر و ترجع ريما لعادتها القديمة
حد عنده حل ؟؟
بيتى اتخرب فى البنزين مع العلم
العربية من غير فيشة الاير ماس ار بى ام 8 او 9 و بتعمل 220 فى الصفيحة ع السريع
و بتعمل 150 فى الصفيحة جوة البلد ؟؟؟؟؟؟؟

**maheralsisi** · 24-06-2014 11:39 AM

و لو حد يعرف مكان اكشف فيه ع العربية بالكمبيوتر

**Ramadan Kader** · 24-06-2014 01:28 PM

أحمد فرج 0100-1124421 جسر السويس - عند سنترال عين شمس امام الجراج وهو وراء حديقة النخيل والجراج بعد الف مسكن وانت رايح على طريق الاسماعيلية وحديقة النخيل على الشمال جنبه كهربانى و تكييف ميكانيكي و قطع غيار استيراد استعمال خارج و و كمبيوتر القاهره جسر السويس و الحرفيين

تكنو وان 02-26983021 01202810001,2 42 تقسيم القانونيين نزله 17 من دائرى مدينه السلام امام طريق جلاكسو للادويه خلف جراج 0101400940 أ السوبر جيت - مدينه السلام - القاهره -مصر حمد الشحات مدير المركز مركز خدمة فيشة الtps القاهره جسر السويس و الحرفيين

**ahmedfouad** · 25-06-2014 01:02 PM

باشا لازم تعمل عملية تعريف الاول بين الاير ماس الجديد والكنترول
وده بيسموه الاعضاء هنا الايدل ليرن
ولازم بردوا تشيل الخطأ المسجل على الكنترول
وممكن تكون العربية محتاجة سوفت وير (اعادة برمجة للكنترول)
وممكن تكون محتاجة يتعملها ريست (RESEt)
انت مش محتاج اكتر من واحد فاهم مش حافظ
علشان يعرف ايه المطلوب بالظبط ويتعمل
مشكلة حضرتك تتلخص فى انك مش لاقى الرجل المناسب
وربنا معاك

**maheralsisi** · 25-06-2014 01:29 PM

طيب اكون شاكر لو حضرتك تقدر تدلنى
لانى اول مرة اسمع ان الاير ماس محتاج يتظبط ع الكنترول
لانى باركبه بيشتغل شوية و بعد كده بيفصل و بعدين باجيبه بنفس البارت نمبر بتاعه

**Ramadan Kader** · 25-06-2014 02:23 PM

المشاركة الأصلية كتبت بواسطة maheralsisi

طيب اكون شاكر لو حضرتك تقدر تدلنى
لانى اول مرة اسمع ان الاير ماس محتاج يتظبط ع الكنترول
لانى باركبه بيشتغل شوية و بعد كده بيفصل و بعدين باجيبه بنفس البارت نمبر بتاعه

ماهر روح تكنو وان و هيصلحلك الأرور فى 10 دقايق متحيرش نفسك .

**ahmedfouad** · 25-06-2014 04:37 PM

المشاركة الأصلية كتبت بواسطة maheralsisi

طيب اكون شاكر لو حضرتك تقدر تدلنى
لانى اول مرة اسمع ان الاير ماس محتاج يتظبط ع الكنترول
لانى باركبه بيشتغل شوية و بعد كده بيفصل و بعدين باجيبه بنفس البارت نمبر بتاعه

باشا انا بقولك ان فى 3 حاجات تعمل على الاقل 2 منهم

الاولى
بعد ما تركب الحساس _(الاير ماس)
هتفتح الكونتاكت لحد ما الكنترول يعمل الاختبارات بتاعته
بانه بيبعت نبضة كهربائية لكل حساس
ويتلقى الاشارة منه انه تمام ولمبته تظفى قدامك فى التابلوه
وتقفل الكونتاكت

وبعد 3 ثوانى
هتفتح الكونتاكت تانى
وتدور العربية لمدة 30 ثانية
وتبطل
وبعد 3 ثوانى تدور وتتحرك لمدة 5 دقايق بالعربية
وهو ده التعارف النهائى والحقيقى مع الكنترول
زى ما بيقولوا كدة ياخدوا ويدوا مع بعض ويفهموا بعض
ده رقم 1

ثانياً بقى
هتعمل ريست الاول
ده على اساس ان السوفت وير سليم بس فيه شوية لخبطة
ومحدش يقولك شيل فيشة البطارية والكلام ده !!

طب عملت ريست ومفيش فايدة !!
هتشيل السوفت وير وتنزل سوفت جديد
وهيتعمل تعارف تانى بس مع كل حاجة مع الكنترول
وغير اللى اتقال فوق
بطريقة تانية مختلفة

شغلانة سهلة للى فاهمها
ومتاهة للى مش لاممها

يا راجل انا روحت اظبط زوايا الراجل ما دخلش نوع العربية حتى !!
ماشية كدة ..مقاوحة فى كل حاجة
مع العلم انه المفروض يسجل على الجهاز الاتى وهو بيظبط
renault -clio ii- phase ii
لان فيه الجيل الاول والتانى والثالث والرابع والخامس حالياً وفى سيدان وهاتش بالك
القصد ان الاساسيات مهملة عند فنيين كتيير

التوكيل شغال كدة .. علشان كدة شغلهم مظبوط
تانى .. ربنا معاك

**msenosy** · 22-07-2014 07:28 AM

ايه الاخبار عملت ايييييييه

**maheralsisi** · 23-07-2014 02:06 AM

جبت واحد تانى اشتغل اسبوع و رجعت نفس المشكلة
ادوس بنزين العربية تخنق و تبقى كأنها هاتبطل و ما تسحبش و مرة واحدة فجأة تبقى هاتطير من ع الأرض
ده غير انى بقيت اشم ريحة بنزين نى (غير مكتمل الحرق )
نزلت فصلت الفيشة خالص و بطلت العربية عشر دقائق و دورتها تانى و سبتها ع السلانسيه ربع ساعة العربية رجعت فلة شمعة منورة
و منتظر لحد ماخويا يجيبلى واحدة جديدة و هو راجع من اوروبا بس هو مش هايسافر قبل شهر
و ادينى مستحمل و مش مركب الفيشة خالص دلوقتى
و تكنو وان كل ما اكلمهم يقولولى مشغولين و يدونى معاد ما يناسبنيش و انا مواعيدى فى رمضان ضيقة جدا للأسف
فقلت اروح لهم بعد رمضان يمكن يكون عندهم حل غير الاير ماس الفاسد ده

**Ramadan Kader** · 26-07-2014 04:20 PM

انا عندي نفس المشكله و روحت لتكنو وان و ظبطلي الكنترول ومشيت حلو جدا و الغريب انها عملتها معايا مره على المحور وراحت لوحدها و انا عندي فيشة اليرماس مقطوعه وانا ركبتهلها واحده بلدي من جهاز شحن قديم عندي و اشتغلت.
بس المشكله ظهرت معايا على المحور السبوع الى فات كالأتي
اجى ادور الصبح الاقى العربيه هتبطل و تنتش و بعد كده تظبط يوميها بليل على المحور اجى ازود بنزين العربيه تخنق معايا و تجريش و بعديها فى نفس اللحظه تتطير و تبقى ناعمه كمان و بتجمع ولما ادي الغيار الأعلى الاقى العربيه بتخنق تاني و بعديها بثواني تجمع و جري تاني لدرجة انى فكرت اجيبه كله استيراد بالفيشه بتاعته .
يا ريت لما توصل لحل فيها تبلغنا . و كل سنة وانت طيب.