تعديل ارتفاع تويوتا كورولا و اول ملاحظة سلبيه على اداء التوكيل

الحمد لله بعد اتصالات و محاولات مضنيه و شكاوى تم تعديل ارتفاع السياره و هى حورولا ٢٠١٤
طوال الفتره الماضيه انطباعى عن التوكيل كان ايجابى وكذلك عن العربيه
المشكله حصلت عند استلام السياره بعد التعديل و اكثر ما استفزنى ردود مهندس الصيانه فى العباسيه واسمه محمد
وانا باستلم العربيه اديته كتيب الضمان علشان يختم انه تم تغيير المساعدين والسوست وكوبلن
فاجاب لا الضمان ما بيتكتبش فيه قلتله ليه فقعد يتفلسف بصفاقه شديده ويقاوح
قلتله تمام طب ادينى جواب بيقول ان الحاجات دى اتغيرت فقال رد خلانى كنت هلطشه على وشه بالقلم
قالى هو انت دفعت حاجه علشان تطلب فاتوره فرديت انا مطلبتش فاتوره وحتى لو طلعت فاتوره هتطلعها بقيمه اجماليه صفر لانى مدفعتش حاجه المهم ابتدا يتفلسف بجهل فقررت اكلم مديره وهو شخص مهذب اسمه المهندس علاء و كرر نفس الكلام لكن بذوق و قاللى انت خايف من ايه طب مش تجرب العربيه فقلت له انا معنديش شك ان العربيه اتعملت كويس وناس كتير عدلت ارتفاع العربيه و معندهمش شكوى انا باتكلم فى ايه الى يثبت ان العربيه دى اتعدلت فى التوكيل فرد احنا عندنا على الكمبيوتر انها اتعدلت عندنا فرديت كويس انا عندى ايه يثبت فابتدى يلف ويدور و بعدين قاللى اطلع اشتكى فطلعت قابلت مدير خدمة العملاء وشرحتله موقفى ورد ان دى حاجه بسيطه بس الساعه دلوقتى خمسه وخد تليفونى على وعد انه يكلمنى و طبعا ولا كلمنى ولا اى حاجه
اللافت للنظر ان الايصال الى انا اخدته عند تسليم السياره ولحسن الحظ انا نسيته عند الاستلام لان المهندس الفلحوص طلب منى اقطعه فرجخت البيت لقيت مكتوب فيه الكشف على العفشه مش تعليتها او تغييرها
طبعا كل الاخوه هيسألوا العربيه فيها حاجه فردى هو بالعكس التعليه تمت باحتراف والفرق واضح و مفيش اى تأثير على الثبات وكأنى مستلمها بالعفشه دى
النقطه هى انى مبحبش الاسلوب المصرى فى محاولة التنصل من المسئوليه وضرب الزبون على قفاه
اللطيف انى حاولت اكلم الرقم المختصر النهارده علشان اعمل شكوى لقيته مرفوع من الخدمه
طب الحل ايه
انا محرج انى اعمل مشكله لانى اعرف ناس فى مناصب عليا فى الشركه وهم ناس محترمين انا شخصيا باقدرهم
بالمناسبه انا سألت لقيت كل الناس الى اتعدلت عربياتهم ما معهمش حاجه تثبت ان عربياتهم اتعدلت و ده شىء فى منتهى الخطوره و يمس حقوق المستهلك
مش عارف اسكت بصراحه على حاجه خطيره زى دى حتى مجاملة لاصدقاء اعزاء فى اعلى المناصب فى شركة تويوتا ايجبت
و عارف انى ممكن اروح اخد الجواب فى خمس دقايق مع فنجال نسكافيه فى التكييف بس دى مش شخصيتى ولا تربيتى
علشان كده قررت اعمل الموضوع ده كنوع من التوعيه
و بافكر ابعت ايميل لتويوتا فى اليابان لان بالرغم من ان الشركه عملت خطوه محترمه و هى التعديل بدون مقابل لكن فى نفس الوقت راوغت فى تحمل مسئولية التعديل الى قامت بيه وده غير مقبول

كلام مش مقبول
طبعاً لازم يبقى مع العميل ما يثبت اللى اتعمل فى العربية
جوة الضمان برة الضمان
بفلوس ببلاش
مافيش فرق
ً

العجرفة و قلة الاحترام ده بيكون سببه شخص مش مؤسسة, فكان بمنتهى البساطة كان حضرتك تهزق المهندس وتمسح بكرامته الارض امام الصنايعية و العملاء, واراهنك حيتعدل بعدها فى شغله.

بس سيبك من كل ده , التوكيل بيرفض يخليك تشوف المكونات اللى اتركبت, وده ربنا يستر ان الاجزاء اللى اتركبت عشان تعدل ارتفاع العربية مش هي الاجزاء اللى نازلة فى الكورولا 2015 . يعنى ممكن الاجزاء ديه تكون مسكن لتعلية العربية دون ضمان على كفاءة و جودة العربية عشان كدة التوكيل الغير محترم بيخلع من المسؤولية عن ضمان العربية للاجزاء اللى ركبها, يعنى مش عايز اى ورقة تدينه لا قدر الله لحدوث اى حادث لاحقا, التوكيل المحترم المفروض يصدق على كلام الشركة الأم ويكون فى شهادة رسمية من الشركة تؤكد سلامة العربية بعد التعديل , مش كلام وخلاض ويقولك اطلع جرب العربية , التعامل لازم يكون بأوراق.

يا ريت كدة اعضاء الجروب النشيطة عند ذهابهم للتوكيل يتأكدو ان الاجزاء و قطع الغيار المتعدلة للعربيات المنخفضة هى نفسها اللى نازلة فى الموديلات الجديدة . عشان فى كلام بيتقال ان مش نفسها وان الاجزاء اللى اتغيرت مش بالظبط موجودة فى العربيات الجديدة يعنى فى حاجات تانية.

وممكن بردوا للناس النشيطة تتأكد من كلامى وتشوف ارتفاع العربية المتعدلة من الامام و الخلف و المنتصف و تقارنه بال 2015 و تتاكدوا من كلامى انه مش نفس الارتفاع يعنى ال1/2 سنتى بيفرق طبعا, ووجود الاختلاف بيعنى وجود اختلاف فى اجزاء قطع الغيار و شكرا

دى وجهة نظرى برضه علشان كده قررت ما اسكتش و اصعد الموضوع لليابان و بافكر فى شكوى لجهاز حماية المستهلك

المفروض تطلع فاتورة بل الى اتعمل انشالة لو الحساب صفر دا حقق القانونى

الاخ العزيز محمد الولى
من الناحيه دى اتطمن المساعدين اسبانى والاخ الدكتور محمد ابو فندى اتأكد من ده وانا شخصيا مبعتمدش على الرؤيه باعتمد على الاختبار و التعديل مرضى جدا بالنسبه لى و انا اثناء تعديل عربيتى لاحظت ان فيه مهندس يابانى موجود وواضح انه بيشرف على التعديل فمفيش خوف من الناحيه دى
النقطه هى ان رفض التوكيل اعتماد التعديل هو الى يشكك الواحد فى مصداقية البراند لان شركة تويوتا لها اسمها و لها معايير جوده عاليه هى الى خلتنى اشترى العربيه دى فاذا اهتزت هذه الثقه بسبب رفض الشركة تحمل مسئولية تعديل بسيط زى ده تهتز الثقه فى البراند نفسه
اما بالنسبه لانى اهزق المهندس فده تم بدون زعيق ولا شوشره لانى مبحبش الاسلوب ده وصدقنى انى اديته درس بالادب يفتكره طول حياته و صعدت الموضوع لمديره و يعدين لمدير خدمة العملاء و كنت هادخل للمدير التجارى لكن للاسف انه صديق فمحبيتش ان الموضوع يمشى كده

جارى اعداد ايميل لتويوتا باليابان وساقوم غدا بعمل شكوى فى جهاز حماية المستهلك
المره دى هامشيها رسمى بدون وسايط ولا اصدقاء واشوف مصر الدنيا فيها وصلت لايه

اقتباس:

---

المشاركة الأصلية كتبت بواسطة ahmed khalifa

جارى اعداد ايميل لتويوتا باليابان وساقوم غدا بعمل شكوى فى جهاز حماية المستهلك
المره دى هامشيها رسمى بدون وسايط ولا اصدقاء واشوف مصر الدنيا فيها وصلت لايه

---

أسلوب إيجابى جداً من حضرتك بحييك عليه
لو كل واحد فى مصر اتعلم يطالب بحقه و ميضربش على قفاه و يرضى بسياسة الأمر الواقع علشان الأمور تمشى و المراكب السايرة متقوفش و كل الكلام اللى زهقنا منه ده......أعتقد البلد دى هتتقدم للأحسن و هيبقى فيه حقوق مستهلك بجد

تحياتى لحضرتك

[quote=ahmed khalifa;3875637383واشوف مصر الدنيا فيها وصلت لايه[/quote]

وصلت لادنى مستوى و ماتتوقعش حاجة احسن من كدة

ليه الهيصة الكبيرة دى كلها و على فكرة المهندس ملهوش اى ذنب فى الموضوع لانها مش بايده و بينفذ تعليمات فقط و اذا كان يوجد من يلام فهو مديره فقط و الادارة المسئولة عنه.مهندس مركز الصيانة بيتبع تعليمات لا يستطيع ان يحيد عنها او ان ينفذ غيرها و الا اصابه الضرر فى عمله زو بعدين ليه اسلوب هزقته و مرمطته و مسحت بكرمته الارض ده هو احنا ليه مبنعرفش نبقى محترمين و نتعامل بأدب و احترام فبصراحه دى رأيى خاطئ غريب جدا .و بينى و بينك اعتقد ان الورقة اللى انت طالبها ملهاش اى اضافة نهائيا

اقتباس:

---

المشاركة الأصلية كتبت بواسطة Hany Saad

أسلوب إيجابى جداً من حضرتك بحييك عليه
لو كل واحد فى مصر اتعلم يطالب بحقه و ميضربش على قفاه و يرضى بسياسة الأمر الواقع علشان الأمور تمشى و المراكب السايرة متقوفش و كل الكلام اللى زهقنا منه ده......أعتقد البلد دى هتتقدم للأحسن و هيبقى فيه حقوق مستهلك بجد

تحياتى لحضرتك

---

اشكرك وتحياتى لحضرتك

انا فعلا مجاش في بالي اني اطلب ورق يثبت التعديل عشان حسيت انه مش هيفيدني بحاحة .
بس ده لا يمنع اللي يطلب الورق ياخده دي ابسط حقوق العميل هو كدة بوظ الشكل ااجميل بتاع التورتة بالملح اللي حطه علي الوش .
انا رأي يا دكتور رحلهم و حاول مرة تانية بعد الشكوي و شوف رد الفعل ، ملقتش استجابة يبقي حماية اامستهلك و انا اعتقد انهم مش هيعملو حاجة و عندي احساس انهم هيتفهو من الموضوع و اقصد حماية المستهلك ده احساسي لااسف في بلدنا مش عارف ليه حاسس بموظف حكومة بيقولك احمد ربنا ان التوكيل عدلك العربية غيرك بيعمل شكوي عشان عربية ولعت و لا ايرباج مفتحش و لا فرامل هربت ساعتها هتكره نفسك و البلد و اتمني ميحصلش كدة ان شاء الله .
استمتع بالعربية يا دكتور و سعيد بنقل التجربة و تأكيد حضرتك علي نقطة الثبات يثبت كلامنا السابق بانه لم يتأثر فعليا لان راي حضرتك يهمني جدا ..

و علي فكرة لو حضرتك تقصد المهندس اللي اسمه محمد هو قصير شوية و ابيضاني شوية و شعره قصير فانا اتعامات معاه قبل كدة و اسلوبه حاد جدا و مش بياخد و يدي كدة و سبحان الله هو ااوحيد اللي كدة و كنت هشد معاه مرة كم سنة تقريبا في عربيتي القديمة .

[QUOTE=lamada;3875637410]ليه الهيصة الكبيرة دى كلها و على فكرة المهندس ملهوش اى ذنب فى الموضوع لانها مش بايده و بينفذ تعليمات فقط و اذا كان يوجد من يلام فهو مديره فقط و الادارة المسئولة عنه.مهندس مركز الصيانة بيتبع تعليمات لا يستطيع ان يحيد عنها او ان ينفذ غيرها و الا اصابه الضرر فى عمله زو بعدين ليه اسلوب هزقته و مرمطته و مسحت بكرمته الارض ده هو احنا ليه مبنعرفش نبقى محترمين و نتعامل بأدب و احترام فبصراحه دى رأيى خاطئ غريب جدا .و بينى و بينك اعتقد ان الورقة اللى انت طالبها ملهاش اى اضافة نهائيا[/QUOTE


انا مش هانزل لمستواك بس ارجو ان الاداره يكون ليها موقف مع ردك الغير مهذب

ده حقك يا باشا انك تاخد صوره من الفاتوره حتى لو مش مدفوعه ... هما بيدوك حاجه من عندهم ؟؟؟
اى شغل او طلوع قطع غيار لازم يقابله فاتوره ... و بتتقفل حسابيا ان الضمان هو الى بيغطيها ...
تحياتى ...

اقتباس:

---

المشاركة الأصلية كتبت بواسطة mohamed.hany

انا فعلا مجاش في بالي اني اطلب ورق يثبت التعديل عشان حسيت انه مش هيفيدني بحاحة .
بس ده لا يمنع اللي يطلب الورق ياخده دي ابسط حقوق العميل هو كدة بوظ الشكل ااجميل بتاع التورتة بالملح اللي حطه علي الوش .
انا رأي يا دكتور رحلهم و حاول مرة تانية بعد الشكوي و شوف رد الفعل ، ملقتش استجابة يبقي حماية اامستهلك و انا اعتقد انهم مش هيعملو حاجة و عندي احساس انهم هيتفهو من الموضوع و اقصد حماية المستهلك ده احساسي لااسف في بلدنا مش عارف ليه حاسس بموظف حكومة بيقولك احمد ربنا ان التوكيل عدلك العربية غيرك بيعمل شكوي عشان عربية ولعت و لا ايرباج مفتحش و لا فرامل هربت ساعتها هتكره نفسك و البلد و اتمني ميحصلش كدة ان شاء الله .
استمتع بالعربية يا دكتور و سعيد بنقل التجربة و تأكيد حضرتك علي نقطة الثبات يثبت كلامنا السابق بانه لم يتأثر فعليا لان راي حضرتك يهمني جدا ..

و علي فكرة لو حضرتك تقصد المهندس اللي اسمه محمد هو قصير شوية و ابيضاني شوية و شعره قصير فانا اتعامات معاه قبل كدة و اسلوبه حاد جدا و مش بياخد و يدي كدة و سبحان الله هو ااوحيد اللي كدة و كنت هشد معاه مرة كم سنة تقريبا في عربيتي القديمة .

---

يا باشمهنس انت عارفنى كويس و عارف انى حتى اذا ما كنش ليا اصحاب جوا التوكيل كنت هاعرف اجيب الورقه واخليهم يختمولى على العربيه مش على الضمان بس هههههه الفكره مش الورقه الفكره فى ضياع الحقوق انا الحمد لله عربيتى اتعملت حويس وتحت اشراف مهندس يابانى واذا لا قدر الله حصل حاجه حتى لو بعد عشر سنين هاعرف اجيب حقى من غير احتياج للورق انا تخيلت واحد غيرى حصله مشكله ومعندوش اوراق فكان لازم انبه واخد موقف هو ده الهدف من الموضوع
نقطه تانيه الاخ الى رد رد سوقى ده ارجو ايقافه من المنتدى بصفتك منسق عام لانه واضح من كلامه انه هو المهندس محمد او قزيبه لانه اتحرق اوى عليه
اخيرا هو واحد تانى طويل وعينيه زى ما يكون بيبحلق واسلوبه زباله ينفع يشتغل فى طابونه مش فى توكيل طبعا
اما حماية المستهلك فهم حبالهم طويله لكن بتجيب نتيجه وده عن تجربه

اخيرا انا عايز اشرح حاجه بسيطه يا رب الناس تفهمها انا باحب البلد دى و باحاول اصلح الغلط انا الحمد لله واصل جدا جدا
واعرف اجيب حقى لكن غيرى ميعرفش ياريت كلنا نحون ايجابيين ونحاول نصلح البلد دى علشان ولادنا ياخدوا فرص متساويه ونقضى على الرشوه والواسطه والفساد
انا النهارده باحاول احافظ على الوجه المشرق للتوكيل الافضل فى مصر وارتقى بمستواه للمعايير العالميه يمكن كمان شويه كل التوكيلات تبقى كده وانا عارف انك معايا فى وجهة النظر دى لانى عارفك كويس

اقتباس:

---

المشاركة الأصلية كتبت بواسطة ahmed khalifa

يا باشمهنس انت عارفنى كويس و عارف انى حتى اذا ما كنش ليا اصحاب جوا التوكيل كنت هاعرف اجيب الورقه واخليهم يختمولى على العربيه مش على الضمان بس هههههه الفكره مش الورقه الفكره فى ضياع الحقوق انا الحمد لله عربيتى اتعملت حويس وتحت اشراف مهندس يابانى واذا لا قدر الله حصل حاجه حتى لو بعد عشر سنين هاعرف اجيب حقى من غير احتياج للورق انا تخيلت واحد غيرى حصله مشكله ومعندوش اوراق فكان لازم انبه واخد موقف هو ده الهدف من الموضوع
نقطه تانيه الاخ الى رد رد سوقى ده ارجو ايقافه من المنتدى بصفتك منسق عام لانه واضح من كلامه انه هو المهندس محمد او قزيبه لانه اتحرق اوى عليه
اخيرا هو واحد تانى طويل وعينيه زى ما يكون بيبحلق واسلوبه زباله ينفع يشتغل فى طابونه مش فى توكيل طبعا
اما حماية المستهلك فهم حبالهم طويله لكن بتجيب نتيجه وده عن تجربه

اخيرا انا عايز اشرح حاجه بسيطه يا رب الناس تفهمها انا باحب البلد دى و باحاول اصلح الغلط انا الحمد لله واصل جدا جدا
واعرف اجيب حقى لكن غيرى ميعرفش ياريت كلنا نحون ايجابيين ونحاول نصلح البلد دى علشان ولادنا ياخدوا فرص متساويه ونقضى على الرشوه والواسطه والفساد
انا النهارده باحاول احافظ على الوجه المشرق للتوكيل الافضل فى مصر وارتقى بمستواه للمعايير العالميه يمكن كمان شويه كل التوكيلات تبقى كده وانا عارف انك معايا فى وجهة النظر دى لانى عارفك كويس

---

طبعا بدون شك يا دكتور مع حضرتك و ده كان هيبقي نفس تصرفي لو حصل موقف زي ده .
كامل الاحترام ليك و اسف لو حد اتكلم بصفة غير لائقة .

اقتباس:

---

المشاركة الأصلية كتبت بواسطة Ahmed Khalifa

اخيرا انا عايز اشرح حاجه بسيطه يا رب الناس تفهمها انا باحب البلد دى و باحاول اصلح الغلط انا الحمد لله واصل جدا جدا
واعرف اجيب حقى لكن غيرى ميعرفش ياريت كلنا نحون ايجابيين ونحاول نصلح البلد دى علشان ولادنا ياخدوا فرص متساويه ونقضى على الرشوه والواسطه والفساد
انا النهارده باحاول احافظ على الوجه المشرق للتوكيل الافضل فى مصر وارتقى بمستواه للمعايير العالميه يمكن كمان شويه كل التوكيلات تبقى كده وانا عارف انك معايا فى وجهة النظر دى لانى عارفك كويس

---

أؤيد بشده المفروض كلنا نتصرف كده ونرجع ونقول لو حصل ده مع واحد متعلم و المفروض انه راكب عربيه محترمه وذو مكانه علميه و اجتماعيه زي الدكتور احمد وفي شركه قطاع خاص مش حكومه يعني المفروض انه بيتعامل بفلوسه مش بياخد حاجه ببلاش والمفروض يحس بالراحه عشان لما هيدي انطباع كويس عن الشركه هيخلي غيره يحب يتعامل معها و العكس صحيح... امال لو واحد غلبان راح بعربيه قديمه او بسيطه في نفس التوكيل او اي توكيل تاني هيعملو فيه ايه؟؟؟!

احييك علي تصرفك جداً يا دكتور لانك ممكن تتسبب في انك تجيب حق ناس تانيه بطريقه غير مباشره:verygood:

هو السؤال اللي بيطرح نفسه .. أيه هو الضمان على العفشة الجديدة اللي تم تعديلها هل حيكون بداية لضمان جديد ليها ولا من بداية استلامك العربية واستكمالاً لضمان العفشة القديمة .

الضمان فى تيوتا من خلال الكمبيوتر فقط يعنى مفيش حاجه بتكتب او تتختم فى اى دفتر او ورق خارجى
وتاريخ الصيانات مكتوب على الكمبيوتر بتاعهم

[QUOTE=Ahmed Khalifa;3875637451]

اقتباس:

---

المشاركة الأصلية كتبت بواسطة lamada

ليه الهيصة الكبيرة دى كلها و على فكرة المهندس ملهوش اى ذنب فى الموضوع لانها مش بايده و بينفذ تعليمات فقط و اذا كان يوجد من يلام فهو مديره فقط و الادارة المسئولة عنه.مهندس مركز الصيانة بيتبع تعليمات لا يستطيع ان يحيد عنها او ان ينفذ غيرها و الا اصابه الضرر فى عمله زو بعدين ليه اسلوب هزقته و مرمطته و مسحت بكرمته الارض ده هو احنا ليه مبنعرفش نبقى محترمين و نتعامل بأدب و احترام فبصراحه دى رأيى خاطئ غريب جدا .و بينى و بينك اعتقد ان الورقة اللى انت طالبها ملهاش اى اضافة نهائيا[/QUOTE


انا مش هانزل لمستواك بس ارجو ان الاداره يكون ليها موقف مع ردك الغير مهذب

---

ايه مستواك ده و ايه الرد الغريب اللى مكنتش اتوقعه ابدا من دكتور؟؟!!!

على فكرة انا مهندس و اتعامل مع عملاء و متأكد ان المهندس اللى انت بتتهمه و بقسوة و تتعرض له ليس له اى يد فى المووضع الا الامور الفنية و اصلاح اعطال السيارة و عمل اللازم من صياناتو اتباع التعليمات...اما الامور الادارية من اوراق و اعتمادات و غيره فهى تخص الادارة فقط و هى المخولة بأعطائك هذا المستند...يكفينى الاتنين لايك اللى اخدتهم على ردى و يكفينى انى تحدثت باحترام مع من لو يستوعب كلامى و لم يقدرة...الشعب المصرى للأسف عاوز اللى يطبله و بس و اللى يخالفك فى الرأى يبقى غير مهذب و قليل الادب و الادارة هتشوف صرفة معاك...عامة موضوعك منتهى و ردك مهما كان على لا يهمنى و لن ادخل معك فى حوارات.

[QUOTE=lamada;3875638577]

اقتباس:

---

المشاركة الأصلية كتبت بواسطة Ahmed Khalifa

ايه مستواك ده و ايه الرد الغريب اللى مكنتش اتوقعه ابدا من دكتور؟؟!!!

على فكرة انا مهندس و اتعامل مع عملاء و متأكد ان المهندس اللى انت بتتهمه و بقسوة و تتعرض له ليس له اى يد فى المووضع الا الامور الفنية و اصلاح اعطال السيارة و عمل اللازم من صياناتو اتباع التعليمات...اما الامور الادارية من اوراق و اعتمادات و غيره فهى تخص الادارة فقط و هى المخولة بأعطائك هذا المستند...يكفينى الاتنين لايك اللى اخدتهم على ردى و يكفينى انى تحدثت باحترام مع من لو يستوعب كلامى و لم يقدرة...الشعب المصرى للأسف عاوز اللى يطبله و بس و اللى يخالفك فى الرأى يبقى غير مهذب و قليل الادب و الادارة هتشوف صرفة معاك...عامة موضوعك منتهى و ردك مهما كان على لا يهمنى و لن ادخل معك فى حوارات.

---

توقعى كان فى محله وللأسف ده نموذج لتفكير المهندسين الى بيتعاملوا مع عملاء فى مصر فاهمين ان الخدمه يعنى تركيب الصاموله وكتر خير الدنيا انى اشتغلت فى عربيتك ميفهموش ولا يستوعبوا يعنى ايه خدمة عملاء ولا رضاء العميل وطبعا ميفهموش يعنى ايه حقوق المستهلك
وانا فى المانيا من حولى ست سنين كنت معزوم عند عيله المانيه الاب مهندس كبير والام ربة منزل والابنه بتشتغل فى الاغذية والمشروبات فى فندق كبير جدا اتحفظ على ذكر اسمه المهم البنت كانت جايه فى حاله نفسيه سيئه لان زبون فى المطعم طلعلها مكتبها وفى ايده قطعة جاتوه ادهالها وقال دى فيها صرصار فالبنت ماصدقتش نفسها ومعرفتش تعمل ايه لانها جديده فى الشعل فبصت وقالتله دى زبيبه مش صرصار وحبت تقاوح لانها فهمت انها بتدافع عن مكان عملها المهم هو يقولها صرصار هى تقول زبيبه فى النهايه قالتله انت مش مصدق طب اهو وراحت واكله قطعة الجاتوه فالراجل مشى وهو مذهول
مش ده المهم المهم ان ابوها استاء جدا من موقفها و قالها انها خانت الثقه الى كان هو مديههالها واصر انه يبلغ السلطات بتاعةالرقابه الغذائيه و اتوقفت البنت عن العمل واتقفل المطعم فى الفندق واتعمل تحقيق شامل ما اعرفش بعد كده حصل فيه ايه طبعا المهندس الى بيدافع وبيقول ان موضوعى منتهى ما يفهمش العبره من الحكايه المسليه دى
الخلاصه انا عملت شكوى فى جهاز حماية المستهلك النهارده ولسه مش عارف اوصل لايميل المدير التجارى المسئول عن الشرق الاوسط لكن كلمت صديق فى الامارات ووعدنى انه هيجيبلى الايميل
اما المهندس صاحب التعليق احب اقول انى اتمنى ان عقلية المهندسين فى مصر و مستوى الخدمه يكون احسن بكتير من كده علشان مصلحته وعلشان مصلحة البلد و اسلوب قول يا باسط تلقيها هاسط بتاعه ده دليل على التخلف و ده لا يمكن يستمر فى بلد كلما بنحبها

Man, people like yourself gives me hope in Egyptians

دكتورى العزيز
احمد بيك خليفة .. انت تعلم معزتك فى قلبى
وكل سنة وحضرتك بخير ورمضان كريم عليك وع الاسرة الكريمه

- انت تعلم اكثر منى مدى مصدقية ومان توكيل تويوتا ايحيبت وخدمه ما بعد البيع عندهم
- وانت تعلم ايضا ان الارتفاع او الخلوص الارضى هم تكفلوا بكافه مصاريفه دون ان تدفع جنيه واحد
- وانت تعلم ورايت بعينك ان قطع الغيار المتركبه للتعديل اصلية ومفتوحه من الكراتين من قطع الغيار وهى اسبانيه الصنع وبنفس البارت نمبر الى راكبه فى المعدله وانا صورتها ل حضرتك ولكل الناس علشان يبقى فية شفافية ولا احد يزايد ع الاخر
- بالنسبة للعفشة الجديدة فهى مثبوت عندهم ان العربية تم عمل التعديل ليها من قبل الشركه والكلام دة مثبوت فى كود العربية الى مكتوب عند حضرتك فى دفتر الصيانه او الكفاله لو اخدت الكود دة ودخلت بحث عليه فى التوكيل هتلاقى اشتريت العربية يوم اية ودخلت صيانه الالف فين بالتوقيت والميعاد وهتلاقى مدون ان اتعمل ليها التعديل يوم اية والساعه كام
- اما بالنسبة لورقه او فاتورة حتى بدون دفع اى مبلغ انا عارف ان حضرتك الى نرفزك فى هذة القصة هو المهندس الى رد ع حضرتك باسلوب مش كويس وانا بكره العباسية علشان المهندسين الى هناك اغلبيتهم مش طايقين نفسهم وزى ما بيقلولوا لو حطيت السيجارة على مناخيرهم بتولع ممكن من الضغوط عليهم او الفرع الرئيسى وكدة فالهم كله عليهم وبفضل اروح التجمع لان المهندسين هناك بياخدوا ويدوا فى الكلام وبتفهم منهم واسلوبهم راقى شوية عن العباسية


احيييك لان اشهد انك لا تقوم بالتطبيل او التشجيع للتوكيل لمجرد ان راكب العربية بس انا شايف ان شاء الله الموضوع بسيط ويتحل فى اقرب فرصة بامر المولى
بالنسبة لتقيمك انا سعيد جدا بانك اثبت كل كلامنا الى قولنه ان مفيش اى تغير فى الثبات الحمد لله ولا تعويم

رمضان كريم

عندى بس تعقيب على نقطتين فى كلام حضرتك
ارجو ان يتسع صدرك لى

اقتباس:

---

المشاركة الأصلية كتبت بواسطة abofandy

- وانت تعلم ايضا ان الارتفاع او الخلوص الارضى هم تكفلوا بكافه مصاريفه دون ان تدفع جنيه واحد

---

التكاليف تحملتها تويوتا نفسها مش تويوتا مصر
وخلى بالك ان قطع الغيار اللى كانت راكبه حتروح تويوتا ويتم استخدامها بعد تعديلها والتأكد من سلامتها كقطع غيار
يعنى تويوتا غالباً مش حيغرموا غير دفع مصاريف العمالة عند تويوتا مصر

اقتباس:

---

المشاركة الأصلية كتبت بواسطة abofandy

- بالنسبة للعفشة الجديدة فهى مثبوت عندهم ان العربية تم عمل التعديل ليها من قبل الشركه والكلام دة مثبوت فى كود العربية الى مكتوب عند حضرتك فى دفتر الصيانه او الكفاله لو اخدت الكود دة ودخلت بحث عليه فى التوكيل هتلاقى اشتريت العربية يوم اية ودخلت صيانه الالف فين بالتوقيت والميعاد وهتلاقى مدون ان اتعمل ليها التعديل يوم اية والساعه كام

---

طبعاًً الكلام سليم
لكن زى ما هو مثبوت عندهم لازم يبقى مثبوت عند العميل
تحسباً لأى حاجة، السيرفر بتاع التوكيل باظ او اتسرق أو أى حاجة مثلاً، إيه إللى يثبت ويضمن للعميل حقه؟

ً

اقتباس:

---

عندى بس تعقيب على نقطتين فى كلام حضرتك
ارجو ان يتسع صدرك لى

---

يزيدنى شرفا ان حضرتك تعقب ع كلامى واكيد هيعم بالفائدة الشخصية ليا ولكل رواد المنتدى

اقتباس:

---

التكاليف تحملتها تويوتا نفسها مش تويوتا مصر
وخلى بالك ان قطع الغيار اللى كانت راكبه حتروح تويوتا ويتم استخدامها بعد تعديلها والتأكد من سلامتها كقطع غيار
يعنى تويوتا غالباً مش حيغرموا غير دفع مصاريف العمالة عند تويوتا مصر

---

انا اقصد فى تويوتا ان الشركه هى المتحمله التكلفه
سواء تويوتا الام .. تكاليف قطع الغيار نفسها فى مقابل ان هيرجع ليها العفشة القديمه مره اخرى
تويوتا ايجيب او الوسيط فى الموضوع هى ستكلف الجراج لو العربية هتبات وتكلفه الايدى العامله للتعديل وتعديل الزوايا

اقتباس:

---

طبعاًً الكلام سليم
لكن زى ما هو مثبوت عندهم لازم يبقى مثبوت عند العميل
تحسباً لأى حاجة، السيرفر بتاع التوكيل باظ او اتسرق أو أى حاجة مثلاً، إيه إللى يثبت ويضمن للعميل حقه؟

ً

---

كلام حضرتك سليم ميه فى الميه
بس انا معايا ورقه متعلقة على مرايه الصالون مكتوب فية ميعاد دخول العربية وميعاد خروجها دة اولا
والورقة مكتوب فية Ground Clearance modify
وكان كمان معايا ورقة حمرا الى بستلم بيها العربية فى اليوم التالى من التعديل ممكن اصورها وبتبقى مختومه بختم الشركه واجلاشيه مهندسه الاستقبال الى استقبلت واخدت من العربية وكتبت العربية داخله عندهم ليه

طبعا كلامى هذا لا يمانع ان الشركه ممكن تعطى مكتوب رسمى زيادة اطمئنان للعميل واعتقد توكيل بثقل تويتا مش هيمانع فى حاجة زى دى



فى النهاية شرفت بتعقيب حضرتك وان شاء الله المشكله تتحل فى اقرب وقت زى ما عودتنا تويوتا

عندك حق في كل تصرف ليك

رأيي المتواضع , هي شكوى رسمية لمواجهة الفهلوة و يتعلموا ازاي يحترموا و قدروا حاجة اسمها عميل
بره بيعاملوا العميل على انه كنز
مفيش احسن من التعامل الرسمي , حماية المستهلك على طول و ربنا يعينك