معدل أستهلاك بنزين شارك 2014

**gigaman** · 24-06-2014 05:16 PM

السلام عليكم
كنت بفكر جديا فى الشارك بس اغلب الناس بيقولو استهلاكها للبنزين بشع وان الموتور صعيف قوى على البودى الجبار دة وسحبها ضعيف
محتاج اعرف معدل الاستهلاك مثلا على سرعة 100 او 120 وهل فيها عداد كمبيوتر رحلات اعرف منو متوسط الاستهلاك وكدة
هل الموتور ضعيف او تقيلة فى سحبها
وشكرا

**kokowasfy** · 24-06-2014 05:41 PM

متابع

**max13** · 24-06-2014 06:25 PM

الموتور لا يمكن ان يقال علية ضعيف بأى شكل من الاشكال واسهلاك البنزين طبيعى جدا زى اى عربية 1600 cc

**max13** · 24-06-2014 06:26 PM

الماتور mivec من اهم مميزات الشارك يبقى ازاى حد يقول انه ضعيف

**mac os** · 24-06-2014 08:14 PM

الموتور مش ضعيف كويس للعربيه الاستهلاك معظم الملاك بيقولوا عالى على حسب قرائه المكبيوتر بتاع العربيه خش على جروب الملاك على الفيس هتلاقى ناس كتير عامله قياس للاستهلاك

**NightmarE84** · 24-06-2014 09:38 PM

متابع

**besokate** · 24-06-2014 10:27 PM

العربيه جبارة بمعنى الكلمه انا مش لاقى فيها عيب لكن مميزات كتيييييييييييير

**MohamedNaseh** · 25-06-2014 12:53 AM

الموتور شديد و ليس ضعيف و الإستهلاك يعني متوسط مع إستخدام التكييف

**mmmmmbbbbb** · 25-06-2014 07:00 AM

يا باشا العربية دى عبارة عن موتور جباااااار ..و ثبات ملهوش حل ....
..انا اول مجبتها من ثلاث اسابيع كانت عملا 77 كم و رحت فولت 92 ...العربيه دلوقت عملا 430 كم و النتك فية نصة .من ضمن ال 430كم فى 300كم كانو على 120كم/الساعة .من القاهرة لجمصة.مشكلتها الوحيد البور .تقيل جداااا و مش مريح فى السفر . و لما بتمسك فى الغيار التالت و انا دايس سنة زيادة بتجيب 120 على 3000 ار بى ام و بصرحة التسارع بيفشخ و العربية ممكن السحب بتعها يبقى ضعيف سنة لحد 50 كم لكن بعد كدة بتتحول ل بورش :)

**محمد سمير حسين** · 25-06-2014 10:45 AM

بصراحة انا كنت داخل علي الموضوع للقراءة فقط بس بصراحة الجملة بتاعة ضعف الماتور دي استفزتني جدااااااااااااااااااااااا ااااااااااااااااااااااااا اااااا يا باشا ده من اكتر مميزات العربية هو الماتور والثبات الرهيب والفتيس والفرامل برده ما شاء الله عليها دي حتي لما كانت بتنزل بماتور 1500 الناس بتشكر فيها ومحدش اشتكي من سحبها فما بالك بقي لما بقت 1600 وبالنسبة لاستهلاك البنزين فهو الاستهلاك العادي بتاع اي 1600 وافضل كمان من غيرها شوف بتوع الاوبترا والصني القديم بيقولو ايه عن الاستهلاك من الاخر معدل لتر لكل 10 كم وبالتكييف كمان وده عن تجربة وعلي فكرةوراي الناس اتغير عن الشارك لدرجة انها بقت بتتحجز بالشهور ومش متوفرة كمان وربنا يوفقك للاصلح باذن الله