فابيتى عاملالى خرم فــ دماغي

**mohamed elkady** · 24-06-2014 04:49 PM

السلام عليكم :
معايا فابيا 2001 مشكلتها معايا الحرارة .. اولا انا فى الرياض وطبعا الجو حر ..المهم روحت للميكانيكى بالسيارة بتاع 3 مرات علشان اشوف المشكة جاية منين اول مرة غيرلى الطرمبة وقالى تمام بعديها باسبوعين تقريبا المياه بدات ترد تانى فى الطرمية روحتله بس المرة دى على سطحة وما ادراكو بقى البهدلة المهم قالى الصمام بتاع الحرارة وانا طبعا ولا فاهم واهو بيقول اى كلام فى الهوا .. امبارح مشيت بالعربية مشوار طويل شوية وسيبت العربية بتاع نص ساعة كدة وبدورها تانى لقيت لمبة الحرارة منورة وبفتح الكبوت اذ فجاءة كدة ولا نقطة ميه فى الطرمبة ... انا تعبت وشارى العربية من واحد الله يسامحه بقى بقالها معايا خمس شهور وعمالة بتصرف بس .. يا ريت اى مساعدة او لو فى حد فى الرياض يعرف ميكانيكى بيفهم ومراعى ربنا يقولى .. HELP PLzzzzz

**Ahm662** · 24-06-2014 08:33 PM

انى موتور ............لو ال1400 ال8صباب اللى زى بتاع الفليشيا يبقى تفك وش السليندر و تشوفه لو مفقع تملى النقير وتمسحه بعد كده ثرموثتات الكوعة تلغيه او تغيره بواحد جديد اصلى بعد كده تخش على الردياتير وتشوف ايه ظروف وتنضفه او تغيره بواحد جديد لو راكب بقاله كتير فى العربية و تشوف الجوان بتاع المانيفولد ممكن يكون ضايع برضو ...............دى الحاجات اللى بتسبب السخونية وابدا بالاسهل يعنى جوان المانيفولد و الثرموثتات والردياتير لو لسه شوف وش السليندر والجوان

**mohamed elkady** · 25-06-2014 03:58 PM

شكرا يا مستر احمد على ردك ...هبا فعلا 1400 بس مش عارف موضوع الصمامات ده ايه المفترض انى لما روحت للميكانيكى غيرلى الثرموستات ونضلفى الريدياتير .. المشكلة انه لو مشيت مشوار قصير عادى مفيش تاثير بزود ميه تانى يوم انما لو مشوار ساعة سواقة مثلا ولا نقطة ميه ... الفكرة انه انا فى الرياض ومتخصصين الالمانى قليلين جدا ومش كتير ... انا بضور على حد فاهم وان شاء الله الاقى ... مرة تانية شكرا يا برنس

**Ahm662** · 25-06-2014 04:14 PM

كده ممكن يكون تنفيس فى الخراطيم .........امشى مشوار حلو كده وبص تحت العربية ممكن تكون العربية بتنفس المياه من الخراطيم مع الضغط واحتمال كمان غطا القربة البلف بتاعه بايظ و بينفس البخار على طول شوف كده الحاجات دى راجع عليها

**Amr_Azab** · 02-07-2014 12:19 AM

اولا حضرتك لازم تتاكد من سلامة دورة التبريد
طرمبة مياه - ردياتير - خراطيم - قربة المياه - نوع مياه التبريد - كوعة الترموستات
غيرت الطرمبة يبقي اتاكد من الباقي بنفس الترتيب اللي حقولهولك ( الترتيب حسب التكلفة الآقل )
1. غطا القربة لان ممكن يكون البلف بايظ وبيسرب البخار واتأكد من القربة نفسها تكون مخرومة
2. اتاكد من خراطيم دورة التبريد ميكونش فيها تنفيس او قطع
3. اتأكد من كوعة الترموستات انها سليمة ومحكمة مبتسربش لانها ممكن يكون فيها تسريب وممكن تشيل منها الترموستات خالص عشان التبريد يفضل مفتوح
4. الردياتير حاول تروح لحد متخصص يكشفلك عليه اذا كان كويس ولا محتاج يتغير
5. بعد ما تتاكد من الكلام ده كله حضرتك لازم تحط مياه التبريد المخصصة للعربية وهي مياه حمرا أسمها هيبو وتركيزها 50% بتحط أزازة واحدة 1.5 لتر وتملآ الباقي مياه مقطرة
لان المياه العادية بخرها عالي جدا ومفيهاش اي أضافات مانعة للصدأ أو ماصة للحرارة

حاول تمشي وراالخطوات دي بنفس الترتيب وان شاء الله المشكلة دي حتتحل تماما
وتابعنا معاك في اي جديد
بالتوفيق

**Amr_Azab** · 17-07-2014 07:50 AM

لو العربية بتعمل معاك كده وهي باردة يعني اول متدورها وتطلع بيها يبقي بوجيهات
لو العربية أول مبتطلع بيها بتبقي كويسة وبتعمل معاك كده لما بتسخن شوية تبقي موبينة
وغالبا 80% حتبقي موبينة خصوصا لو بتشم ريحة بنزين غير مكتمل الآحتراق ( بنزين نيء )

**Amr_Azab** · 21-07-2014 07:46 AM

الف مبروك يا باشا
وان شاء الله ميبقاش في اي حواديت تاني

الموضوع: فابيتى عاملالى خرم فــ دماغي

LinkBack

أدوات الموضوع

عرض

-

-

-

-

-

المواضيع المتشابهه

دماغي هاتنفجر

فوكاس 2012 عاملالى خرم فى دماغى :d

دماغي مش في راسي

جالي هسس في دماغي

النوبير بوظتلي دماغي بجد

الكلمات الدلالية لهذا الموضوع

المفضلات

المفضلات

ضوابط المشاركة