Stop وعلامة الهاند بريك في الفلوانس

**yalahwy2010** · 24-06-2014 05:31 PM

انا الحمد لله ربنا كرمني ورحت عند الاسكندراني وعدلي الدنجل بالمكبس وبقي تمام جدا.....وماحتاجش زرجينة الحمد لله
بس لما خلصت وبجرب العربية....العربية اديت صفارة وعلامة الهاند بريك نورت واتكتبت كلمة Stop .......مع العلم ان العربية ماشية كويس وعملت الموضوع ده مرتين في خلال نص ساعة
بالاضافة الي ان نتيجة استعدال الدنجل ...الاسكندراني فك خرطوم زيت الفرامل بس نقص حبة صغيرين فا جبتله زيت dot 4 وعوضت اللي نقص
فا تفتكروا اللي حصل ده حصل من ايه؟؟؟
والمشكلة اني مسافر اسكندرية بكرة ومالحقتش فرنش موتورز يفسرلي اللي حصل

**mohamed_e36** · 24-06-2014 05:33 PM

بيتهيالي عايز تسحب هوا من الفرامل او ممكن يكون في فيشه لحساس مش راكبه

**yalahwy2010** · 24-06-2014 05:45 PM

المشاركة الأصلية كتبت بواسطة mohamed_e36

بيتهيالي عايز تسحب هوا من الفرامل او ممكن يكون في فيشه لحساس مش راكبه

الغريب ان شاشة رسائل الاعطال مش كاتبة ان في اي مشكلة
بالنسبة لموضوع سحب الهوا من زيت الفرامل بيتعمل ازاي.....وهل ده ممكن يخلي الفرامل تهرب؟
ومتشكرين جدا يا فندم علي سرعة الاستجابة

**mohamed_e36** · 24-06-2014 05:59 PM

المشاركة الأصلية كتبت بواسطة yalahwy2010

الغريب ان شاشة رسائل الاعطال مش كاتبة ان في اي مشكلة
بالنسبة لموضوع سحب الهوا من زيت الفرامل بيتعمل ازاي.....وهل ده ممكن يخلي الفرامل تهرب؟
ومتشكرين جدا يا فندم علي سرعة الاستجابة

طيب معلش راجع تاني على العربيه من تحت شوف في اي فيشه مش راكبه ناحيه العجل , بالنسبه لو في هوا في الفرامل هتلاقي دواسه الفرامل وطيت سنه بسيطه لكن مش حتخلي الفرامل تهرب لا قدر الله وسحب الهوا ده حاجه بسيطه جدا خلي الميكانيكي يعملهالك
معلش استنى برضو رأي رجاله المنتدى يمكن يكون حد ليه رأي تاني
و يا باشا مفيش شكر ولا حاجه يا رب بس تقدر تعرف المشكله فين

**yalahwy2010** · 24-06-2014 07:11 PM

المشاركة الأصلية كتبت بواسطة mohamed_e36

طيب معلش راجع تاني على العربيه من تحت شوف في اي فيشه مش راكبه ناحيه العجل , بالنسبه لو في هوا في الفرامل هتلاقي دواسه الفرامل وطيت سنه بسيطه لكن مش حتخلي الفرامل تهرب لا قدر الله وسحب الهوا ده حاجه بسيطه جدا خلي الميكانيكي يعملهالك
معلش استنى برضو رأي رجاله المنتدى يمكن يكون حد ليه رأي تاني
و يا باشا مفيش شكر ولا حاجه يا رب بس تقدر تعرف المشكله فين

فعلا يا باشا....الفرامل وطيت...وانا هأجل سفري ساعتين تلاتة وهعدي بكرة ان شاء الله علي فرنش موتورز يظبطولي الدنيا.....بس الرسالة مابقتش تظهر تاني والحمد لله....بس دواسة الفرامل مشوارها طول حبتين

**tarek_asem** · 24-06-2014 07:14 PM

الموضوع ده ف الميجان يعني زيت الفرامل ناقص .. حصلت معايا ولما زوته بكميه كويسه ظبطت ..... الاول مكنش الموضوع ده بيظره غير في المطبات .. وبعدين بقى يزيد .. لحد ما زودته راح خالص .. جرب تزود زيت فرامل تاني

**Hany Saad** · 24-06-2014 08:00 PM

بشمهندس فهمى
الف مبروك استعدال الدنجل
اعتقد طالما فيه رسالة تحذير ظهرت مع صوت و شاشة باللون الأحمر بتضىء فده بيحصل لو مشيت و فرامل اليد مشدودة
الموضوع محتاج مراجعة لمنظومة الفرامل الخلفية / فرامل اليد ان الحساسات و الفيش راكبة تمام
طبعاً ميمنعش زى ما اخونا الفاضل طارق قال ان ممكن مستوى الزيت يكون يدوبك على ال min و دى سهله تشوفها بعينك لما تفتح الكبوت و تبص على خزان زيت الفرامل

تحياتى

**yalahwy2010** · 24-06-2014 09:31 PM

فرنش موتورز موجود في الرحاب او الشروق او جسر السويس
تليفون : 01001273041
بس انا مش عارف بيشتغل في بيجو ولا لأ
بس هو متخصص في رينو وهو مركز معتمد من توكيل رينو

**yalahwy2010** · 24-06-2014 09:58 PM

المشاركة الأصلية كتبت بواسطة hany saad

بشمهندس فهمى
الف مبروك استعدال الدنجل
اعتقد طالما فيه رسالة تحذير ظهرت مع صوت و شاشة باللون الأحمر بتضىء فده بيحصل لو مشيت و فرامل اليد مشدودة
الموضوع محتاج مراجعة لمنظومة الفرامل الخلفية / فرامل اليد ان الحساسات و الفيش راكبة تمام
طبعاً ميمنعش زى ما اخونا الفاضل طارق قال ان ممكن مستوى الزيت يكون يدوبك على ال min و دى سهله تشوفها بعينك لما تفتح الكبوت و تبص على خزان زيت الفرامل

تحياتى

الله يبارك فيك يا باشمهندس هاني
العربية فرقت عن الاول خالص....بس للأسف لسة فيها سنة صغيرة عايزة تتظبط..وهروح بكرة تاني ان شاء الله.....بس محمود الاسكندراني متمكن وفاهم...بس الجهاز اللي عنده قديم وممكن يكون هو السبب اللي مخللي عندي السنة الصغيرة دي لأن المللي بيفرق في الدنجل......فا بكرة ان شاء الله هجرب تاني......ولو ماظبطتش يبقي انا عملت اللي علي وهركب واحد استيراد....انا اطمنت انه موجود بس الاسعار تضحك ....واحد اسمه الباشا فالحرفيين قاللي ب5500 فاضي.....ولما حبيت افاصل معاه قاللي يا باشا ده موجود في التوكيل ب 36000 جنيه...بصراحة حاجة مسخرة والله....استغلال وجشع تجار
انا قولت اجرب عشان مارجعش اقول يا ريتني كنت استعدلته
بس الحمد لله علي كل شئ....وألف شكر ليكوا يا جماعة علي اهتمامكم

الموضوع: Stop وعلامة الهاند بريك في الفلوانس

LinkBack

أدوات الموضوع

عرض

Stop وعلامة الهاند بريك في الفلوانس - انشر الموضوع فى :

-

-

-

-

-

-

المواضيع المتشابهه

الهاند بريك

الهاند بريك

الهاند بريك

لمبة ال (stop) وعلامة الهاند بريك

الهاند بريك

الكلمات الدلالية لهذا الموضوع

المفضلات

المفضلات

ضوابط المشاركة