ارجو الساعده في اسرع وقت

**EL_GAZAR** · 24-06-2014 07:44 PM

في مشكله دلوقتي الراجل اللي معاه العربيةمعاه عقد بيع مسجل باسمه بس الاسم اللي في الرخصه باسم الراجل القديم فعادي مافيش مشكله دلوقتي هو الرخصه مسحوبه منه علشان الفاميه ومعاه وصل انها مسحوبه ومعاه وصل انه دفع الغرامه بس الرخصه راحت المرور وراح النهارده علشان يجبها قاله لازم تفحص قاله العربيه جيبه موتور قاله ماينفعش لازم تصلحه وتفحص الاول فا انا ينفع اشتري العربيه منه بعقد البيع المسجل واخلص انا باقي الحاجه ولو احتاجته ساعتها هو راجل محترم فوق ما تتخيل ومش هايتاخر وبالنسبه للمخالفات هو قالي انه دخل علي النت مالاقاش حاجه عليها فا ايه رايكو لان العربيه عجباني وعايز اخدها وهو بصراحه من اكتر الناس المحترمه اللي شوفتها وكمان هو مرتاح مديا قوي

**egyption2012** · 24-06-2014 07:51 PM

انتظر حتى يقوم باستكمال التصريحات والفحوصات
ثم اشتري على الجاهز

**NightmarE84** · 24-06-2014 07:55 PM

المشاركة الأصلية كتبت بواسطة egyption2012

انتظر حتى يقوم باستكمال التصريحات والفحوصات
ثم اشتري على الجاهز

ريح دماغك وخليك فى السليم زى ما قال الاستاذ فوق

خليه يخلص كل حاجة واشترى على اللجاهز

**EL_GAZAR** · 24-06-2014 08:00 PM

ياباشا ماهو العربيه عايزه موتور وانا هاشتريها علي العيب ده وهو مش عايز يصرف حاجه فاكيد بديهي لوصلحعا هايخليها لان العربيه مش بتدور والتوكيل فاكك نص الموتور وحطينه في شنطه العربيه وانا بصراحة العربية عجباني

**ahmedelrayan** · 24-06-2014 08:09 PM

بص يا باشا نمشى واحدة واحدة مع بعض حضرتك ازاى هتشترى العربية اصلا بمعنى انه مش هينفع يعملك توكيل او عقد مسجل بدون اصل الرخصة ولو مثلا اتفقت معاه انك بعد لما تصلح كل اللى فيها هيروح معاك المرور ويخلص معاك كل حاجة ودفعت ثمن العربية ايه اللى يضمنلك انه لقدر الله يحصله حاجة هعتمل انت ايه ساعتها

**EL_GAZAR** · 24-06-2014 08:26 PM

ياباشا تقريبا ينفع لان كل بيانات العربيه مكتوبه في عقد البيع المسجل بالشهر العقاري اي كل بيانات الرخصه موجوده بالعقد يعني قصص الملكيات دي بتاعت الشهر العقاري اما اي حاجه خاصه بالرخصه دي بتاعت المرور وقصصهم

**ahmedelrayan** · 24-06-2014 08:49 PM

المشاركة الأصلية كتبت بواسطة el_gazar

ياباشا تقريبا ينفع لان كل بيانات العربيه مكتوبه في عقد البيع المسجل بالشهر العقاري اي كل بيانات الرخصه موجوده بالعقد يعني قصص الملكيات دي بتاعت الشهر العقاري اما اي حاجه خاصه بالرخصه دي بتاعت المرور وقصصهم

يا باشا ان متأكد ان مينفعش وهدى لحضرتك مثال بسيط وهو ان لو حضرتك روحت لاى شهر عقارى عشان تعمل توكيل او عقد مسجل لعربية رخصتها منتهية مش هيرضوا يعملوه وهيقولوا هات شهادة بيانات من المرور موجهة للشهر العقارى والكلام ده انت رايح برخصة بس منتهية يبقى ازاى بقى تروح من غير رخصة وعايزهم يعملوا عقد مسجل او توكيل

**احمد فهمى** · 24-06-2014 09:32 PM

نصيحه ابعد عن القصه دى وحالياً هو محترم بعد ما ياخد الفلوس هيقفل موبيلو او هيقولك مش فاضى ابعد عنها الجواب باين من عنوانو

**ayman hamdy** · 25-06-2014 01:38 AM

المشاركة الأصلية كتبت بواسطة hamo81

بص يا باشا أنت تعمل عقد بيع إبتدائي بينك وبينه وتدفع نص الثمن والنصف الآخر عند التسجيل وطبعا التسجيل بعد ما تخلص كل المشاوير بتاعت العربية وتجيب الرخصة
لأنه فعلا زي ما قال الأخ أحمد مش هاينفع تسجل غير لما تجيب الرخصة وكمان علشان تضمن حقك ومتصرفشي على العربية ويخلع بعدها

+111111111111111

الموضوع: ارجو الساعده في اسرع وقت

LinkBack

أدوات الموضوع

عرض

-

-

-

-

المواضيع المتشابهه

مشكله في السنتر لوك العربيه مبدورش بروتون ساجا ارجو الساعده ضروري

ارجو مساعدتكم فى اسرع وقت

عاوز اجيب مقاس كاوتش مناسب ارجو الساعده

ارجو الساعده فى طلب سماعات

المقص الشمال اتكسر؟؟؟؟؟ ارجو الساعده

الكلمات الدلالية لهذا الموضوع

المفضلات

المفضلات

ضوابط المشاركة