ارجوكم محتاج مساعدتكم ضرورى جدا

**mustafaezz** · 24-06-2014 09:48 PM

السلام عليكم ورحمة الله وبركاته
انا عضو جديد هنا معاكوا
انا كنت متابعكم والحمدلله بقيت مشترك معاكم
وانا عندى استفسار بعد اذن حضراتكم
انا اشتريت عربية بولو 99 والعربيه جميلة جدا واستريحتلها جدا
وعملت سرفيس والحمدلله العربيه تمام
وفجأه مره واحده بعد ما اشتريتها باسبوعين وانا بركن لقيت العربيه بتدبدب من تحت وقفت ونزلت تحت العربيه بشوف فيه ايه
لقيت سير الدينمو اتقطع واول ما اتقطع لمبة البنزين نورت والعربيه بقيت ترجرج
روحت غيرته ولقيت لمبة البنزين منورة مع انى حاطط فيها بنزين وروحت حطيت تانى وبرضوا منوره
والرجرجة موجوده وكل شويه تبطل على السلانسيه وصوت الماتور يعلى ويوطى اول لما ادور وساعات كتير اوى تبطل اول لما ادور بس العربيه على السرعه الله اكبر عليها مافيهاش مشكلة
روحت كشفت كمبيوتر قالى البوابه عايزه تتغير وقالى البوابه فى الحرفيين
نزلت الحرفيين وغيرت كذا بوابه وغيرت كذا حساس هواء طلع ان اللى موجودين فى العربيه احسن من اللى جربتهم بكتير جدا الراجل حطهالى على الكمبيوتر وقالى عندك عطل فى الكهرباء مش عارف اعالجه عندى
وقالى شكل لما سير الدينمو اتقطع قطع معاه سلوك من الضفيرة
فانا بجد مش عارف اعمل ايه لانى روحت اكتر من واحد لحد لما كرهت العربيه وندمت انى اشتريت المانى
ارجوكم تفيدونى

**ahmedfouad** · 24-06-2014 10:04 PM

نصيحة .. عليك وعلى التوكيل وهات من الاخر
لانك فى الاخر وبعد ما تكره نفسك هتروح التوكيل
فقصر على نفسك
وربنا معاك

**mustafaezz** · 24-06-2014 10:10 PM

شكرا لرد حضرتك يا استاذ احمد
انا لو روحت التوكيل هينفخونى
مع العلم انا صارف لحد دلوقتى ييجى 1000 جنيه وماطلعتش لاى حل
يعنى لو كنت روحت للتوكيل كنت روحت من الاول بقى :(

**J A G U A R** · 25-06-2014 02:08 AM

للأسف مشكله الالمانى مش اى حد يفهم كويس فيه

انا رأيي لو تعرف تبيعها بيعها واللى صرفته ربنا يعوضك علشان شكلها فتحت بقها ومحدش عارف يعمل معاها حاجه او لو التوكيل يعرف يظبطها يبقى وديها التوكيل والامر لله

**Moratoz** · 26-06-2014 12:18 PM

روح لمهندس هاني في جسر السويس حديقه الأربعين // او محمد سمير في النزهه الجديده طرق المطار // او مهندس خالد الحي العاشر - ان شاء الله في حل
وابقي أكشف علي البوجيهات وسكلها وأبقي غير سير الكاتينه او راجع علي ظبطه لو جديد