صوت غريب فى كاوتش اللانسر

**mahmoudzaied** · 15-10-2008 03:40 PM

بقالى فترة كدة بسمع صوت تكتكة وبتزيد مع السرعة فى الكاوتش بتاع العربية
على فكرة العربية لسة جديدة ومكملتش 2000 كيلو يعنى الكاوتش لسه بحالتو
فيه ناس قالولى دا صوت الزلط اللى بيبقى موجود فى الكاوتش الزلط الصغير ده
انا خايف ليكون فيه حاجة غلط
حد يقولى دا ممكن يكون ايه
ولا هوا دا كاوتش اللانسر عادى بيطلع الصوت ده
انا عربيتى 2008 بوما

**Abdo_Eldesokey** · 15-10-2008 04:07 PM

الصوت ده موجود في معظم العربيات الجديدة ، ونفسي أعرف سببه زيك بالظبط

بس هوا مش دايما ً موجود ساعات وساعات

**أبوسيف** · 15-10-2008 04:17 PM

عادى دة الزلط اللى فى الكاوتش بيعمل صوت وانت ماشى ، لو مشيت على سرعة عالية لفترة هاتلاقى كل الزلط طار من الكاوتش بس اول ما تمشى فى حتة فيها طوب او زلط الكاوتش هايلمه تانى ، ما تركزش معاه قوى ، هو مفيش منه مشكلة.

**mohamedway** · 15-10-2008 04:56 PM

زلط يا سعاده الباشا بما لا شك فيه و انا ياما طلعت زلط من الكاوتش عندى و كاوتش الانسر بالذات نقشته جاذبه للزلط عن اى كاوتش تانى و مش بس زلط ده كمان نوا البلح و ده غالبا بيكتر فى رمضان عشان الناس بتفطر عليه و النوا ده بقه بيدخل و ينام عدل بين خطين من خطوط نقشه الكاوتش و صوت طقطقته بعشر زلطات و صباح الإزعاج ولازم ساعتها انزل أدور على النوا و الزلط و أطلعه من الكاوتش عشان بيدايقنى قوى.

**mahmoudzaied** · 15-10-2008 07:56 PM

الف شكر يا رجالة
منجيش ليكم فى حاجة وحشة
كل دا من الزلط
هوا فعلا ساعات اسمعو وساعات لأ
على فكرة انا لسه سامع كذا عربية جديدة بتعمل نفس الصوت
فقلت يمكن نوعية كاوتش بس استبعتها لانهم كانو انواع مختلفة زى الباجيرو والالنترا
هوا فعلا الزلط الصغير
والف شكر مرة تانية