ملء كاوتش اللانسر بالنيتروجين بدل الهواء

**Ayman2007** · 17-04-2008 09:36 AM

حد من الأخوة الأفاضل مالكي اللانسر زي حالاتي جرب موضوع ملء الكاوتش نيتروجين و هل فعلا" الموضوع ده له مزايا عديدة
واحد زميلي كان دخل على النيت و دخل على موقع اسمه www.nitrogendirect.com إللى قايل قصائد شعر في النيتروجين و مزاياه من إطالة عمر الإطار و المحافظة عليه و عدم تسرب النيتروجين منه و غيرها من المزايا.

يا ريت لو حد عنده فكرة عن الموضوع - عن تجربة - يفيدنا و أحسن محطة خدمة أو مركز الواحد يقدر يعمل فيه الموضوع ده و هل ينفع الواحد يرجع يزود هواء لو النيتروجين نقص و ما لقاش نيتروجين قدامه و ما هي أحسن قيم ضغط لتضبيط الإطارات الأمامية و الخلفية و تكلفة الموضوع كام ؟ و شكرا"

**أبو_حمزة** · 17-04-2008 09:46 AM

عربيتى كريستاله 99 و مشى بالنيتروجين بقالى سنة و نتائج التجربة كالتالى
الاداء و صوت الكاوتش و النعومة ما تفرقش عن الهوا نهائى و كل ده بيعتمد على نوع الكاوتش مش الغاز اللى جواه
الضغط مش بيقل و لما با اكشف عليه مش بيحتاج يتزود لحد دلوقتى
بس برضة قبل كده الكاوتش الاندونيسى قعد حوالى سنتين عمر ما الهوا نقص و من الاخر دى بتعتمد على حالة الكاوتش
السعر 5 جنيه للفردة و أفضل مكان بريدجستون فى كالتكس عباس العقاد
و ممكن تزود هوا فى اى وقت و مش ها تحس بفرق
اما ضغط العجل فهو 30 فى ال4 عجلات زى ما الكتالوج بيقول

**Ramy.Gamal** · 18-04-2008 08:23 AM

انا عملت الموضوع دة من حوالى 8 شهور فى لانسر 1600 2005 هو صوت الكاوتش مختلفش لانه الاصلى الدانلوب بتاعها فصوته واطى فى الحالتين بس بصراحة النيتروجين تقيل ومش بيتسرب من الكاوتش كان مرة فى مسمار كبير جدا فى الكاوتش اللى عند السواق وكان كل ما ازوده يقل بعد فترة كبيرة هو عموما العربية عملت 60000 وهغير الكاوتشات قريب وبرضة هحط في الجديدة نيتروجين بس فى الباور الموضوع مختلفش خالص

**blackman** · 13-05-2008 06:47 PM

الفايدة من النيتروجين انه بيساعد على عدم سخونة الكاوتش لان و انتا ماشى الحرارة بتاعت الغاز جوة الكاوتش بتزيد تمام فبالتالى بيزيد الضغط و ممكن الكاوتش يفرقع
لكن النيتروجين مبيسخنش بسرعة فهو امان اكتر

**SAbuhashem** · 13-05-2008 07:15 PM

أنا عملته عند أرابكوم ب٣٠ جنيه

المشكلة إن أنا عندي في الليون مكتوب إن الضغط قدام ٣٢ و ورا ٣٥ ودي حاجة حيرت العامل وهوا بيملى النتروجين لأنه متعود على ٣٠ للمقاس دة قلتلوا ماشي خليه ٣٠ دلوقتي لغاية ما أشوف إيه الموضوع دة !

Thanks
Eng.Sherif Shaker

**link7200** · 13-05-2008 08:22 PM

الغاز دا بيتقل الكاوتش ولا لا
لو بيتقله حيفقد غزم فى العربيه و استهلاك البنزين

**ows212** · 13-05-2008 08:46 PM

طيب فى حد فى اسكندرية بيملا نيتروجين

**OldVic** · 15-05-2008 09:34 AM

المشاركة الأصلية كتبت بواسطة ows212

طيب فى حد فى اسكندرية بيملا نيتروجين

بريدجستون لوران على البحر.

**معاذ الشرباصى** · 15-05-2008 05:53 PM

المشاركة الأصلية كتبت بواسطة SAbuhashem

أنا عملته عند أرابكوم ب٣٠ جنيه

المشكلة إن أنا عندي في الليون مكتوب إن الضغط قدام ٣٢ و ورا ٣٥ ودي حاجة حيرت العامل وهوا بيملى النتروجين لأنه متعود على ٣٠ للمقاس دة قلتلوا ماشي خليه ٣٠ دلوقتي لغاية ما أشوف إيه الموضوع دة !

Thanks
Eng.Sherif Shaker

ما هو لازم يا شريف باشا يظبط زى ما الكتالوج العربية بيقول

انا عندى كان مكتوب امامى 31, و خلفى 28 و عملتهم كده عند بريدجستون ب 20 جنيه