اريد المساعدة فى تعديل شكل الشاهين

**ElMaestro** · 26-06-2014 04:31 AM

السلام عليكم ورحمة الله وبركاته

ارجو المساعدة من الاخوة الكرام

عاوز اعرف اقل تكلفة اقدر اظبط بيها لون العربية من الخارج هى شاهين 2002 فضى مش محتاجة سمكرة بس فى حتت فيها اللون غامق وحتت فاتحة عاملة وى البقع غير الخدوش وحتت متسمكرة جديد فمفيهاش لون خالص

انا جبت العربية من حدود سنة اول ما جبتها ما كنت اعرف حاجة عن العربيات غير ان ليها 4 كاوتشات ودركسيون وجبتها عشن اتعلم عليها فى خلال السنة دى يمكن عملت بيها 9 حوادث غيرت 5 مرات الكصدام الامامى ورديت اكثر من جزء فى السيارة على البارد وغيره لانى بحب اعلم نفسى بنفسى جربت فيها يعنى رغم انى جايبها على 43 الف شركة بره جوة

دلوقتى انا بقيت استاذ فى السواقة وعلمت كمان ناس كتير السواقة وبسافر بالعربية ومفيش اى مشكلة فى السواقة معايا بس شكل العربية باظ خال بقيت شوارع بره وجوه

عاوز اعرف انهنى احسن اظبط شكل العربية من الخارج عن طريق انى اظبط اللون كله واحد وما اعملش شغل فيها ولا اعمل رسومات على الكبوت والشنطة ومن الجنابت رسومات بشكل حلو واركب سبويلر (هتبقى الرسومات بكربون اسود على اماكن باييييظة فى العربية)
انهى افضل اللون ام الفييم...؟

وبالنسبة للداخل عاوز اعرف سعر تظبيط فرش السيارة بحيث افرش الكراسى والابواب فرش جلد او جلد مع قماش وتبطين الكراسى باسفنج وعاوز اعرف ينفع افرش التابلوه مع يد الفتيس بالفرش الجلد ولا لا....................... واهم حاجة اعرف التكلفة هتبقى قى حدود كام وياريت لو حد يعرف حد كويس فى سوهاج يقول...؟

**ENG.MaRk** · 26-06-2014 08:21 AM

9 حوادث !!!
و ماتقلبتش مرتين تلاتة بالمرة :)
بص يا باشا أنا ماعرفش حد في سوهاج بس لو حضرتك تقدر تنزل المقطم عند المرصفاوي جنب بنزينة shell إن شاء الله تلاقي اللي يرضيك

**ENG.MaRk** · 26-06-2014 08:22 AM

سعر فرش العربية الجلد النضيف بيبتدي من 400 جم و انت طالع معاك لحد 900 جم تقريبا و الأفضل الكربون فايبرز بالنسبة للأسبويلر

**ElMaestro** · 26-06-2014 06:29 PM

المشاركة الأصلية كتبت بواسطة eng.mark

9 حوادث !!!
و ماتقلبتش مرتين تلاتة بالمرة :)
بص يا باشا أنا ماعرفش حد في سوهاج بس لو حضرتك تقدر تنزل المقطم عند المرصفاوي جنب بنزينة shell إن شاء الله تلاقي اللي يرضيك

لا الحمد لله ما اتقلبتش :) الخبطات كل مرة بتكسر فانوس او اكصدام وساعات بس بتخبط حتة فى الهيكل بس كله سطحى
صعب اروح بيها المقطم خصوصا انى مش بنزل مصر كتير وما اعرفش اماكن هناك

**ElMaestro** · 26-06-2014 06:31 PM

المشاركة الأصلية كتبت بواسطة eng.mark

سعر فرش العربية الجلد النضيف بيبتدي من 400 جم و انت طالع معاك لحد 900 جم تقريبا و الأفضل الكربون فايبرز بالنسبة للأسبويلر

كويس خالص سعر الفرش انا عامل حسابى على 600 جنيه للفرش بس للكراسى والابواب والتابلوه لو ينفع

وبالنسبة للاسبيولر تمنه كام الى حضرتك قلت عليه انا ما اعرفش اسعاره خالص بس عامة لو سعره فوق 150-200 هلغى الفكرة تماماً