الموضوع: طرمبه البنزين

الزملاء الأعزاء
كل عام وانتم بخير

الحمد لله طبعا على كل الأحوال
النهارده كان حر وساعه الضهريه روحت مشوار والعربيه كانت حمولتها فول تانك
طبعا مشغل التكييف وحراره العربيه كويسه والحمد لله ... مره واحده لقيت العربيه كأنها متلته وقامت مبطله .. حاولت ادورها ما دارتش
زقيناها على جنب وقعدت اكشف على حوض الموتور فى الحاجات اللى ممكن تعمل كده .. مافيش حاجه
جه فى دماغى طرمبه البنزين .. فتحت غطا التانك لقيت هوا سخن طالع منه ... والبنزين سخن جداا .. والطرمبه سخنه جداا على غير العاده طبعا .. التانك كان فيه حوالى صفيحه يعنى مافيش حاجه تبرد الطرمبه
طلعتها بره تبرد وسيبت التانك يبرد وبقيت متأكد بنسبه كبيره ان العيب هنا .. بعدها بشويه ركبت ودورت الحمد لله دارت عادى
وماعملتش الحركه دى تانى باقى اليوم
بس لاحظت ان سحب العربيه بقى مش زى الاول خاصه وهى محمله
هل كده بقى الطرمبه باظت ولا ضعفت ولا طلبت التغيير وهل ممكن تعملها تانى لو مغيرتهاش ؟؟
والسخونه دى لو اتكررت غلط ولا عادى

هل بقى اغير استيراد ولا اجيب جديد لو هاتتغير
تحياتى