لو معايا 53 ألف بحد أقصى ترشحولي إيه صيني

**yasserayad** · 13-11-2008 12:48 PM

المشاركة الأصلية كتبت بواسطة reham2000

الف شكر يا جماعة . بس التيجو عالية في السعر
اتصلت بتوكيل أبو الفتوح اسأل عن حجز الاسبرانزا الهاتش قالولي 20 ألف حجز
مبلغ كبير شوية على حجز سيارة
ده في سوزوكي الحجز ب 5 آلاف ج أي موديل ؟؟
والغربية الاسبرانزا الهاتش كل الكماليات ب 53 ألف أما البيري كل الكماليات ب 59 ألف
وهل كون الاسبرانزا تصنع في مصر ده يبقى مشكلة ... بس انتشارها فاق الوصف صراحة ؟؟؟ ها اتوكل على الله
يا ريت لو حد اشترى موديل 2009 يقولنا أخباره إيه

ايه الاخبار طمنينا
عموما1000
مبروك مقدما عشان اكون اول واحد باركلك

**نور العمر** · 15-11-2008 12:25 PM

اتمنى اشتري واقول لزملاء المنتدى .......... باركولي اشتريت عربية ............ لكن للأسف الفلوس موجودة والمشكلة .... مش عارفة آخذ قرار في شراء أي عربية خالص
بداية قلت ألتو ... بعد ما غليت استتقلت دمها
وبعديها فكرت في السبارك .. قالولي مفيهاش مؤشر حرارة خفت منها. وقطع غيار الشيفروليه غالية.
قلت الاسبرانزا .. زوجي معترض عليها جدا .. وكمان بلاقيها معروضة للبيع بعد سنة استخدام على الآكثر ؟؟
فكرت في البيكانتو بس مستعمل...
ناس قالولي عليكي وعلى اللانوس مستعمل..
فكرت في الكيا ريو مستعمل 1300 سي سي وكيا
آخر كلام من اوساط مختلفة ... اسعار الزيرو حتنزل جداً خلال بداية العام ... ده معناه إن حلم الزيرو لماركة محترمة ممكن يقرب..
قالولي اشتري مستعمل كسر زيرو .. وقالولي الزيرو آخره خمس سنوات
بصراحة .... عقلي شتت . وتعبت ... وتعبت زوجي والمنتدى وكل الناس
وفي النهاية
إن شاء الله لو أمر ربنا
لازم اشتري عربية
اجيب إيييييييييييييييييييييييي ييييييييييييييييييييييييي ييييييييييييييييييييييييي يه ؟؟؟؟؟؟؟؟؟؟؟

**Single** · 20-11-2008 12:33 AM

أنا متأكد ان قرار الشراء كان هيكون اسهل بكتير لو ماكنتيش دخلتي المنتدى ده :d
ان شاء الله انا ناوي اشتري بيري خلال الاسبوعين الجايين دول ، حالياً انا داخل في تحدي مع نفسي اني اطلع رخصة من غير واسطة ولا رشوة ، ربنا يسهل :d

**hafez35** · 20-11-2008 04:09 PM

نصيحتى لكى سدى ودانك والغى اسمك من هذا السيت واستخيرى ربنا وهاتى لانوس شيفر جديدة بالقسط

**kobara** · 24-11-2008 03:19 AM

انا رايى متجبيش عربيات خالص واعتبرى كل عربيات مصر بتاعتك اقصد التاكسى
ودة طبعا يغنيكى عن حرقة دم السواقة وقلة ادب السواقين بتوع الميكروباص وكذلك غباء الناس اللى بتعدى وكذلك عدم وجود اماكن للركن .

**boora87** · 25-11-2008 02:36 PM

mafesh 3'er a113 we m3aya tamam al7

**tatto_aymen** · 25-11-2008 06:33 PM

ولواغلي شوية ....علي ضمانتي كيا افضل من باقي الكوري

**نور العمر** · 25-11-2008 10:21 PM

ألف شكر

المبلغ معايا يا جماعة قل لأسباب اقتصادية

والاختيارات محصورة تحت ال 50 ألف

والله المستعان

**Merit** · 03-12-2008 12:16 PM

لا أنصحك بالإسبرانزا الهاتش دي خالص، عربية ضعيفة جدا ، أنا اشتريت لمراتى عربية برودوا كليسا وأنا شايف انها ناجحة جدا فى فئتها من موتور قوى وتكييف و باور وسنتر و زجاج كهرباء وتقفيل ممتاز وسعرها 53000

**amen3em** · 10-12-2008 03:25 PM

انا عندي عربية بيني هيا 1300 سي سي و 85 حصان و اعتقد انها ممكن تبقي كوسية معاكي لانها فول اوبشن و ب 52000 بصراحة العربية ممتازة بس مش لشاب ماضيها جري و هربدة يعني ممكن تبقي كويسة معاكي اوي و هيا اكبر و اوسع و احلي من الالتو و الماروتي + ان توكيلها modern motors نفس توكيل نيسان و سوزوكي و قطع غيارها موجودة و رخيصة لانها في الاصل سوزوكي يعني مثلا الموتور بتاع السوزوكي البالينو و العفشة نفس الكلام فمتخافيش من التوكيل ولا قطع الغيار و انا انصح بيها اي حد اخره في المشي 90 , 100 و لو عايزة تشوفيها ادخلي علي اللينك ده http://www.globalchana.com/tabid/83/Default.aspx?id=3