لو معايا 53 ألف بحد أقصى ترشحولي إيه صيني

**TheInfernal** · 11-12-2008 04:58 PM

لو أمكن انك تزودي الميزانية و تشتري الKIA Picanto ب57 ألف (بس من غير ضمان حسب ما قريت هنا) يبقى طبعا أحسن بكتير من كل اللي احنا بنتكلم عليه.
بس ب50 ألف أو أقل أنا بصراحة مش شايف أي اختيارات كويسة ممكن أرشحها لكي.

**HAMZAWY** · 01-03-2009 12:27 AM

بصى ده لو لسة ما اشترتيش حاجة
الاسبرانزا 113 هايلة ولو مش عايزة صينى هاتى برودوا كليسا

**egypt123456** · 01-03-2009 12:59 AM

بسم الله الرحمن الرحيم
انا شخصيا مع سيارة صيني صغيرة فلاير بس انا شايف الاسعار الان مش غلية علي هيوداي برايم مثلا او كيا بيكانتو مثلا وبانسبة للعربيات الصيني كان لية تجربتين الاول مع CIG وده اول توكيل يدخل الشيري مصر قبل ابو الفتوح وعلشان هوه نجح طباعا جري ابو الفتوح وبقي يجمعها في مصر واختار موديلات تاني وسمها اسبرانزا وكان معي الي A11 اللي هيو تقليد التوليدووبصراحة تتقال العربية هيلة جدا فوق الوصف وقعدت معي سنه ونص وعلشان كنت مسافر هولندا لمده سنة بعت العربية وانا زعلان جدا التوكيل كويس واسعار قطع الغيار معقوله بس مش اعرف اخبار ال QQ اية بس علي فكرة العربية الاسبرانزا a213 هي اسمها QQ6 وعلي العموم شيري ماركة جيده جدا حتي علي المستوي التقين والتجربة التانية معي توكيل الامل بتاع الللادا والبي واي دي بس هو توكيل وحش جدا جدا علي الرغم من ان العربية حول وخصوصا هينزلوا عربية جديدة الفترة اللي جاية اعتقد هتغير كل الموازين وثمنها هيكون في حدود اربعين الف الو اكير قليلا وممكن تشوفي العربية علي النت وهي تقليد للتويوتا الياريس . ولو تحبي الهيونداي الميزه ان قطع الغيار متوفرة ومش غالية بس عندي ليكي نصيحة قبل ما تشتري العربية الصيني لازم تشوفي اسعار قطع الغيار في التوكيل خصوصا الحاجات الظاهرة للعربية زي الفوانيس والاكصدام مثلا وبرده في محل في شارع دمشق في مصر الجديدة اسمة مدينة بكين متخصص في الصيني فقط اعرفي برده الاسعار الاول وانا اشيف ان في بعض المحلات الاخير جابت حاجات شري ( اسبرانزا ) وده ميزه بس علي فكرة اسعار اعادة بيع العربيات الصيني وحشه اوي وعند تجربة لسة محتاجة وقت علشان كده بقول علي الهيونداي مثلا وبرده ممكن تشوفي فيران سمتعمل وواعتقد ان في بنوك بتمول شراء المستعمل بعني ممكن تجددي فيران 2006 في حدود 50 او 51 مثلا وبجميع الكمليات ومثلا فانوس امامي ب 120 جنية وربنا يوفقك واسف علي الاطالة

**dr_mohamedfarid** · 02-03-2009 02:56 AM

انا عايز اسال الناس ايه رايكو فى الشانا بينى 1300 سىسى وحوالى 85 حصان وشكلها شيك ووكليها احدى شركات نفس الراجل بتاع توكيل سوزوكى يعنى من الاخر جامده وكل كده ب50000 الف جنيه بس وفيها برضو فرامل abs

**mmmmgogommmm** · 11-03-2009 10:47 PM

اسبرنزا113 بس عربية محترمة وتوكيل محترم مش هقدر اقولك مركز صيانة الصفوة بتاع اسبرنزا فى اسكندرية بيدلع العملاء وعربياتهم ازاى

**mga747** · 12-04-2009 02:56 PM

اسبيرانزا 1300

**fayton** · 23-04-2009 02:54 PM

[size="5"]يا شباب الشانا بينى وحشه جدا انا شوفتها بنفسى
وبعدين انا فعلا فى نفس الحيره ده لان معايا 30000 عاوز ادفعهم مقدم واقسط الباقى فى عربيه فى حدود اول الخمسينات وبعد التفكير اخترت بين 3 عربيات
اما هيونداى أتوس 1100س س تكيف باور كاسيت سى دى ب 53000
او اسبيرانزا 113 فول اوبشن ب 53000
او سوزوكى ألتو 1100 س س فول اوبشن بدون كاسيت ب 55000
والى الان مش عارف اختار بينهم ربنا معانا[/size

**Demirell** · 23-04-2009 03:22 PM

أنا في رأيي الشيفروليه سبارك أحسن عربية في الفئة السعرية دي بدون منازع

بجد العربية دي حلوة جداً وتستاهل سعرها وتقفيلها بصراحة ما كنتش متوقع إنه يبقى بالجودة دي.....أنا ركبتها وركبت كمان الأتوس برايم والألتو وبجد حسيت إن مفيش وجه مقارنة بينهم وبين السبارك...... ده غير إن السبارك أرخص وفيها كماليات أكتر

أول فئة : تكييف وكاسيت شرايط وسنتر بـ 52
تاني فئة : زي اللي قبلها بس بتزيد عليها الباور بـ 54
تالت فئة : زي الفئة التانية زائد كاسيت cd بـ 55
وفي فئتين أوتوماتيك بـ 65 و67

وعلى فكرة كل الفئات فيها إتنين إزاز كهربا أمامي....ما عدا الفئة التانية في الأوتوماتيك تقريباً فيها 4

بصراحة أنا لما ركبت السبارك إنبهرت...بجد الواحد لما يركبها يحس إنه راكب عربية سعرها ما يقلش عن ستين ألف وهايحس إن كل العربيات التانية في الفئة دي عاملة زي لعب الأطفال بالنسبالها :)

**aks601** · 29-04-2009 05:56 PM

شيرى A15 عن تجربة عربية كبيرة عائلية وقوية
اليومين دول عاملين عروض كويسة بالنسبة للسعر
بقالها معايا سنة
قطع غيارها مش غالية وصيانتها مش مكلفة

**bishoy02010** · 29-04-2009 07:01 PM

هوة محدش اتكلم عن لوجان فاضية ليه مهيا فى نفس الرينج ده يا جماعة ومش هنتكلم فى صينى بقى احنا بنتكلم فى توكيل رينو وضمان 100 الف كيلوووو متهيقلى الموضوع مش محتاج تفكير !!!!