الموضوع: الحمدلله تم تعديل الفرامل الامامية بنجاح

حاجة جميلة ما شاء الله
مبروووك

المشاركة الأصلية كتبت بواسطة swimmer25

الف مبروك
بلاش تفكر في التعديل الخلفي لأنه أصعب بكتير من الأمامي وإستمتع بالعربية كدا
الفرامل دي كدا بقت وحش فخلي بالك متخليش العجل يقفل وإنت بتفرمل جامد
غير التيل عشان ميبوظش الطنابير هات النوبيرا الأصلي
أنا جبت الطنابير الريمسا وشغالة كويس جدا

التيل انا كنت حجيب جولد او Hi-Q

مهو ده خوفى الصراحه ان على سرعه 120-140 ادوس جامد لاى موقف العجل يقفش و العربيه تعوووم

بالنسبة للكالبرات بتنزل فى لانوس استيراد جنوط 14 بماتور 1500 هى دى المطلوبة
ولا لازم اسأل على لانوس 1600 واخد كالبراتها؟
وايضا الماستر فى اللانوس الاستيراد جنط 14 هو دا المطلوب ولا لازم نجيب نوبيرا؟
نرجو الافادة لو سمحتم

و انت حتعرف منين الانوس اللى بتنزل بجنوط 14 من اللى بتنزل بجنوط 13؟؟ كلهم بيبقو منغير جنوط ،بس انا اعتقد ان الانوس بموتور 1500 2 كامه فرامله هى كمان زى ال 1600

و الاحسن من كل ده انك تشوف شكل الكالبر و تتعرف عليه بنفسك

فيه شكلين للكالبر اللى نزل للانوس
واحد منهم نزل فى الانوس و الاسبيرو و الاوبل
و ده لو جبته مش تحيركب عليه غير تيل الاوبل فيكتراو طبعا بيبقى غالى شوية
شكله كده


بس اللانوس و السبيرو نزلوا كمان بالكالبر دة و دة مش موجود فى الفيكترا و لو جبته حتركب تيل نوبيرا و طبعا سعر التيل افضل

و ده هو هو اللى انا حاطط صوره فوق بعد ما ركب فى العربيه

بس خلى بالك من حاجه مهمه كنت حقع فيها
الكالبر الثانى يشبه بتاع النوبيرا تماما لكن الاختلاف فى التثبيت فلو جبته مش حيركب فلازن تبقى متاكد انه كالبر لانوس او اسبيرو مش كالبر نوبيرا
لازم المسامير تبقى فى المكان ده


فى كالبر النوبيرا بيبقوا مش قريبين من بعض كده
حط الصور على موبيلك و انت بتشترى عشان متحتاسش
محمد ممدوح الله يكرمه هو اللى بعتلى صور الكالبرات و ده فرق معايا كتير و انا بشترى و الصور كانت معايا عالموبايل

الطنابير بقى هاتهم جداد متجبهمش استعمال حتى لو شكلهم ايه
اسال على طنابير اوبل فيكترا
انا جبت الطقم ده ب 290
و حتلاقى مكتوب على العلبه من الجنب انه بيركب على اوبل و لانوس لكن بتوع الاستعمال مش بيبقو واخدين بالهم طبعا لان محدش هنا بيطلبه للانوس و ده اللى الى اخدت بالى منه بعد ما اشتريت
ديه زوم على التيكيت بتاع علبه الطنابيرمن الصوره اللى فوق



انا عارف احساسك دلوقتى ايه زيى يوم الاربعاء اللى فات و انا نازل اشترى و متردد جدا و بقدم رجل و اخر رجل و اقول لنفسى حيتضحك عليها و حجيب حجات بايظه و حفضل رايح جاى طب و ايه لزوم الموضوع ده من الاساس منا ماشى و خلاص ، لكن انا برضو مؤمن بحاجه ان مش خساره اى فلوس تدعها عشان امان اراوحك و ارواح من معك و ارواح الاخرين رغم ان مش شرط خالص انك اول ما تعدل يحصل معاك مواقف تحتاج فيها القوه الجامده للفرامل المعدله لكن خليك مستعد.
و عموما احساس البدال تحت رجلك حختلف و من اقل دوسه بتلجم العربيه جامد و ده بيدى احساس عالى بالامان و الراحه و صدقنى مش حتندم
بس تشترى كل الحاجه على التجربه
و ربنا يوفقك
اى استفسارات انا تحت امرك