الحمدلله تم تعديل الفرامل الامامية بنجاح

**swimmer25** · 28-06-2014 07:39 PM

الف مبروك
بلاش تفكر في التعديل الخلفي لأنه أصعب بكتير من الأمامي وإستمتع بالعربية كدا
الفرامل دي كدا بقت وحش فخلي بالك متخليش العجل يقفل وإنت بتفرمل جامد
غير التيل عشان ميبوظش الطنابير هات النوبيرا الأصلي
أنا جبت الطنابير الريمسا وشغالة كويس جدا

**swimmer25** · 29-06-2014 11:22 AM

المشاركة الأصلية كتبت بواسطة lutenit030

التيل انا كنت حجيب جولد او hi-q

مهو ده خوفى الصراحه ان على سرعه 120-140 ادوس جامد لاى موقف العجل يقفش و العربيه تعوووم

متقلقش مش هتعوم لأنك معدلتش الخلفي وأنصح/ك متعدلش الخلفي..التعديل الخلفي مفيد عشان الرجلاش بس
هي بس هتقفل العجل فبالتالي مش هتعرف تغير إتجاهات...والفكرة هنا إن الفرامل هتقفل العجل بقوة أكبر ودا اللي مكنش بيحصل قبل التعديل غير قليل جدا فبالتالي هتتفاجا إن العجل قفش والعربية زحفت وخصوصا مع الأسفلت الممتاز اللي في الشارع المفروش بالتراب والرمل

إختار مكان في الأماكن الفاضية خالص خالص خالص و عود نفسك تدوس فرامل جامد وتحس بالدواسة بتقفش العجل إمتي لحد ما تظبط رجلك

أنا حصلي موقف علي صلاح سالم عند نفق الأزهر...اليمين اللي نازل النفق واقف والشمال طاير وانا في الحارة اليمين اللي مش نازلين النفق وةطاير زيهم...يعني بين نزلة النفق وأقسي الشمال
ومرة واحدة واحد قرر مينزلش النفق وخرج قدامي من غير ما يبص مين جاي...مسكت فرامل للأخر والعجلتين اللي قدام قفلوا تماما بس كدا كدا مكنش فيه أي مجال إني أتحرك شمال لأن الحارة الشمال مكنتش فاضية
وبحمد وفضل الله الفرامل أثبتت قوتها ووقفت العربية قدام الباب الخلفي اليسار بتاعه
كان الإكصدام هياخد الباب بالبوس والأحضان
معرفش إزاي في مسافة قليلة ..الحمد لله والشكر لله
اللهم أكفنا شر الطريق

**hon** · 29-06-2014 03:36 PM

بالنسبة للكالبرات بتنزل فى لانوس استيراد جنوط 14 بماتور 1500 هى دى المطلوبة
ولا لازم اسأل على لانوس 1600 واخد كالبراتها؟
وايضا الماستر فى اللانوس الاستيراد جنط 14 هو دا المطلوب ولا لازم نجيب نوبيرا؟
نرجو الافادة لو سمحتم