السلام عليكم
انا حبيت انفل ليكم تجربتى فى تعديل الفرامل
اشتريت ماستر عمومى نوبيرا 200 و كنت ناوى اجيب طنابير جديدة لكن لقيت طنابير عنده شكلها ممتاز و مفيهاش شفف نهائى و سميكه اكنها طنابير جديده بالظبط بس اتسابت تصدى اقنعنى بيهم اختهم ب 150 و الاجهزة ب 150 و اتكلت على الله و رحت لبتاع فرامل يركب الراجل مكنش فاهم انا بعمل ايه و ليه و يقولى يا بيه الحجات ديه مش حتشتغل و مش بتاعتها مرضاش يركب غير لما قولتله مصنعيتك عندى مهما كان
المهم بس مرضاش يركب التيل الاستعمال اللى كان جاى مع الكاليبرات اخدت تيل من عنده ب 75 و جربت و الحمدلله النتيجه هايله جدا الفرامل تحولت لحاجه تانيه زى ما قال محمد مموح بالظبط احساسك انك بتهدى جاااامد من على 100 مثلا منغير مجهود جامد برجلك على البدال بيديك احساس عاااالى بالامان
الفرامل بقت روحة بصراحه و البدال عى عن الاول كتير
الطنابير بقى كانت بتعملى و توطى الدواسه منى و الدركسيون بيترعش يمين و شمال مع التهديه الجامده، ايوه الطنابير بايظه و فيها على و واطى برغم شكلها اللى يوحى انها حالها فوق الممتازه
روحت رجعتها الراجل مكش مصدق اختها و كشفت عليها على المخرطه و كان واضح جدا ان سن المخرطه بيعلم فى جزء من الطنبور و يسيب جزء
رجعتله قالى اخرطهم لانهم احسن من الجديد رفضت طبعا و اخدت فلوسى و هو معترضش رحت ادور على طنابير سبيرو مفيش نهائى قولت اسال عند بتوع الاوبل على طنابير اوبل A لقيت ate 390 غاليين اوى و انواع تانيه 450 لحد ما لقيت ريمسا ب 290 و المعروض انها ماركه محترمه فى التيل جبتهم و محفور عليهم ريمسا من الجنب يارب ميكونوش مضروبين ركبت و الدرده راحت تماما بس الفرامل ضعفت جامد لان التيل كان طبع على القدام بس هو مشوا بسيط و حيطبعوا باذن الله

حذارى لاى حد بيعدل فرامل يجيب طنابير استعمال لان الموضوع ده كلفنى 30 ج بدون اى داع
و خلى بالكم كالبر النوبيرا نفس شكل الكالبر المطلوب للانوس لاحتلاف فى مسامير التثبيت
انا اتخميت فيهم و كنت حاخدهم خلاص لولا ان صاحب المحل بتاع الاستعمال اخد باله و بدلهوملى
و فيه كمان كالبرات تركب لكن لو استخمتها مش حتعرف تركب غير تيل اوبل و طبعا اغلى بكتير بس انا كنت عارف الفروج لان الله يباركله محمد ممدوح كان باعتلى صوره الاتنين كنت عارف انا عايز ايه كويس

بس التيل الجديد اللى بتاع الفرامل باعهولى بيصفر صفاره غبيه و عاليه و ستفزة جدا على الطنابير القديمه و الجديده لسه مش عارف حعمل فيه ايه

شكر خاص طبعا لمحمد ممدوح ربنا يكرمه و يجعلها فى ميزان حسانه انا متاكد ان فيه حوادث كتير كانت حتحصل و محصلتش ستر ربنا اولا و ثانيا بسبب الموضوع و شكر خاص لطارق و مصطفى احمد

اى استفسار انا تحت امركم