أه كنت حا أنسي ما علمهوني خبيرنا /محمد........ الدايود له أتجاه فخلي الاتجاه من الموبينة الي العداد
عرض للطباعة
أه كنت حا أنسي ما علمهوني خبيرنا /محمد........ الدايود له أتجاه فخلي الاتجاه من الموبينة الي العداد
الدايود بيبقي عليه علامة سوداء هي دي أتجاه الخرج بتاعه تأكد من ذلك
بص يا أستاذ /حسام أنا عايزك تشيل الفيشة ال في العدادات وتتأكد أنها راكبة كويس...... يتبقي أحتمال في ذهني أن العدادات ال أنت شاريها فيها عيب يبقي تروح تغيرهااقتباس:
لعبته كل الألعاب يا وليد، مفيش حاجة نافعة
يمكن يا وليد، بس لازم اجربها على عربية تانية الأول
تعرف حد عنده لانوس عشان تجرب عنده
للأسف مضطر ابرشط على ممدوح كالعادة و اجرب معاه، النهاردة مكلمه علشان الموضوع ده حوالى 20 مرة والراجل مازهقش منى.
حلوة أبرشط دي...........ربنا يوفقكاقتباس:
للأسف مضطر ابرشط على ممدوح كالعادة
ممكن تجرب حاجة غريبة شوية
لو العدادات بتاعتك اكيد شغالة جرب تركبها من غير الدايرة بتاعتنا خالص
بمعنى اعتبر ان عربيتك اساسا مجهزة انها تشتغل مع ال RPM system
فكرة جيدة ممكن يبقي الكنترول بتاع عربيتك يكون بيدعم تشغيلRPMاقتباس:
ممكن تجرب حاجة غريبة شوية
لو العدادات بتاعتك اكيد شغالة جرب تركبها من غير الدايرة بتاعتنا خالص
بمعنى اعتبر ان عربيتك اساسا مجهزة انها تشتغل مع ال RPM system
مش عايز احبطكم لكن عربية والدى 99 زى عربية حسام تمام و التجربة دى فشلت... كونترول العربية اللى فيها RPM غير كونترول العربية اللى مفيهاش و بالتالى مستحيل العداد يشتغل بدون دايرة التعديل
MMamdouh
اتأكد انك فاصل السلك الأخضر تماما من الدائرة لأن اللي انتا بتتكلم عليه ده بسبب انك موصل ال 2 دايود بالسلك الأخضر توصيل على التوازي وده مش صح
وكدة فعلا العربية هتقر 1000 RPM على السلانسيه ولما تدوس بنزين هتسقف معاك وال RPM هينزل عن ال 1000
إقطع السلك الأخضر تماما بحيث يبقى فيه كام سنتيمتر من الطرف اللي داخل في السوكيت اللي هيركب بظهر العدادات علشان توصل بيه السلك اللي متوصل بال 2 دايود وإن شاء الله هتشتغل العدادات.
check this pic. out
فى حاجتين يا ريت حضرتك تتأكد منهم
اول حاجة ان الكابل اللى حضرتك قطعته مش واصل لجسم العربية بمعنى انك بعد ما تقطعه لازم تغطيه بشريط لحام
تانى حاجة انك تتأكد ان طرف الكابل الاخضر اللى راكب فى الجاك راكب كويس لأن فى حاجة اسمها Poor connection لو الكابل لامس بس يظهر معاك انه واصل لكن اول لما تبدأ تحمل عليه يقفل ال connection خالص - انا قابلت الموضوع ده كتير لكن فى الشبكات المبنيه على Firewire system
وأتاكد ان الكابل مش طويل بدرجة كبيرة ويا ريت يكون كابل نحاس محترم
الله ينور عليك ... ده صحيح
علشان كدة الأفضل انك تقطع الكابل الأخضراحسن من انك تفصله من السوكيت (انا لما فصلت السلك الأخضر من السوكيت ووصلت مكانه السلك اللي متوصل بال 2 دايود ما ادانيش قراءة اساسا)
وحاول انك تخلي مساحة التلامس بين السلكين كبيرة شوية (يعني حف وانت بتقشر أطراف السلكتين وإبقى عزلهم بشريط عزل بعد التوصيل)
انا فعلا فاصل السلك الأخضر اللى جاى من الكنترول خالص.
النهاردة ركبت العداد على عربية كاملة اتوماتيك موديل 99 و اشتغل طبيعى، فقمت عملت الدايرة من اول و جديد، برضوا ما اشتغلش، بس المرة دى اشتغل نص قراءة لما بوصل سلك واحد و حاليا سايبه شغال نص قراءة.
:k49::k49::k49::k49:What a great idea
حسام باشا يا ريت تتاكد أنك شغال على الكابلات الصح -الديودز سليمه- وياريت تراجع استاذ ممدوح اذا كان ممكن الوان الاسلاك تختلف من موديل للتانى
الحمد لله المشكلة اتحلت
رحت مركز خدمة دايو العباسية بعد ما فصلت توصيلة الموبينة و رجعت كل حاجة لأصلها، المهندس اللى بيستلم العربية سألنى مالها، قلت له على الحكاية، قالى بسيطة، كتب فى استمارة الأستلام (مراجعة توصيلات عداد الأر بى ام)، فضلت مستنى ساعتين لحد ما دخلت، فضل الكهربائى شغال فيها ساعة يراجع كل التوصيلات و بعدين طلع وحدة التحكم و فصل السلك الأخضر اللى واصل للعداد - اللى بيتركب مكانه التوصيلة من الموبينة - و قعد يجرب توصيله على باقى الأسلاك اللى داخلة الكنترول و 2 بس اللى ادوله نص قراءة، ساعتها كنت قاعد معاه فى العربية، بس مدير المركز جه و طلب منى اروح الأستراحة و خصم للكهربائى يوم علشان سابنى قاعد فى الورشة، المهم، بعد نص ساعة جه المهندس و قالى خلاص اشتغل، و المشكلة ان كان فى توصيلة أرضى وحشة و كانت أكيد مأثرة كمان على سحب العربية، للاسف معرفتش استفسر منه علشان انشغل جامد و خفت ادخل للكهربائى تانى احسن يترفد، بس فعلا سحب العربية اتحسن و العداد الحمد لله شغال تمام.
التكلفة كانت 75 جنيه، و قبل ما امشى رحت للمدير و اترجيته يشيل الخصم و الحمد لله شاله.
welcome with me in FU.... Half signal club
يا جماعة قمة الاحباط ركبت دلوقتى العدادات بتاعتى ونفس مشكلة الاستاذ حسام القراءه نصف عدد لفات الموتور او اقل شوية
المهم انا عايز افهم حاجة الدايرة انتم بتركبوها بشكل معكوس والغريبة انها بتشتغل بمعنى ان ال RPM بياخد الارضى بتاع البوبينة والفردة اللى احنا بنوصل عليها هيه برضو الارضى بتاعت العداد - ايه اللخبطة ديه
المهم التجارب اللى انا عملتها كالتالى
توصيل الدايرة بشكل سليم - بمعنى ان الدايرة يكون اتجاهها من البوبينة للعداد - العداد لم يعمل
توصيل الدايرة بشكل معكوس (كان قلبى بيتقطع وانا بعملها) - بمعنى ان الدايرة يكون اتجاهها من العداد الى البوبينة - العداد لا يعمل
توصيل فردة واحدة بس العداد اشتغل لكن اعتقد انه بيعمل ب 1/3 اللفات مش النص زى ما انتم بتقولوا
توصيل فردة واحدة من غير الدايود -العداد اشتغل لكن اعتقد انه بيعمل ب 1/3 اللفات برضو
المهم انى قمت بقياس ال اربع فرد وطلع التالى
الفردة البامبى او الحمراء + 12 / وباقى الفرد -
الجاك اللى بيدخل فى العداد كل الفرد الخاصة بالRPM سالب ماعدا اخر واحدة موجب (الجاك مقسوم نصفين ) وهيه الفردة الاخيرة فى نصف الجاك فى عكس اتجاه الفردة الخضراء
المهم ان القراءة من الفردة الخضراء (سالب) للكهراء بتكون تقريبا 12 فولت وكل لما يزيد الRPM بتقل لغاية 11 فولت وطبعا العداد بيتحرك لكن حركة ضعيفة جدا
لو فى اى حد عنده حل يا ريت يشاركنا بيه وعلى العموم ان شاء الله هحاول انا واصحابى اننا نشوف حل لها بس المهم اننا نفهم الدايرة بتاعت ال RPM شغالة ازاى
ملحوظة انا جبت عداد 220 كيلو مش 200 ومش عارف بقى ده ممكن يكون سبب المشكلة ولا ايه بس لو حضرتكم تفتكروا استاذ محمد ممدوح كان رفع الصور قبل كدة وكان من ضمنها صورة عداد 220
اسف انى طولت عليكم لكن بجد من حرقت دمى ومن زهقى
يا ريت يا ممدوح باشا تقدر تعرف اى اللى حصل فى عربية الاستاذ حسام
حسام باشا اسف هازعجك بكذا سؤال
1- فى اى توصيلة جديدة من الكنترول للعداد
2- الكابل الاخضر لسة فى مكانه ولا شالوه
3- لسه فيه اى توصيلات زيادة عند البوبينة ولا لأ
4- وانا عارف ان ده سؤال غريب شوية / انت جربت تحط عربيتك على الاسكانر وتقرأ ال Rpm
واسف مرة تانية انى طولت عليك
بص يا عم صبحى... باختصار شديد الفرد اللى داخلة الى البوبينة عبارة عن كهرباء (احمر) و ارضى ( اسود) نص قراية (ابيض) و نص قراية (بنى)
كل اللى احنا بنعملة هو اننا بناخد مجموع النص قراية من السلكين البنى و الابيض و ندخلهم للعداد... طبعا مينفعش نوصل السلكين البنى و الابيض على بعض بشكل مباشر والا الكونترول يطير فا بتستعمل الدايود اللى بيمنع ارتداد الكهرباء من فردة للتانية
اتاكد ان الدايود مكتوب علية 1N4004 و انة راكب فى الاتجاة الصحيح
MMamdouh
الفيييييييييين مبروووووووووووك
الف مبروك عقبال ما تجيب عربيه جديده
ألف مبرووووووووووووووك ال يصبر ينول معلش أنت دوخت شوية بس الحمد لله أشتغل
يا باشا مفيش اى ازعاج، بص هجاوب على الأسئلة و فى الأخر عندى لك حل ممتاز
1 - العداد ما اتفكش خاص فى مركز الصيانة، يبقى معملوش اى توصيلة.
2 - الكابل الأخضر لسه فى مكانه فى العدادات، بس مكانه اتغير فى الكنترول.
3 - توصيلا الموبينة فصلتها فبل ما اروح مركز الصيانة
4 - مجربتش احط العربية على الأسكانر
امبارح نسيت تماما انى اخدت نمرة الكهربائى اللى شغال فى العربية فى اول كلامى معاه، و ممكن تكلمه و تقابله يعملك الحكاية دى، الرقم 0171379200 و تقريبا اسمه عبد الغنى.
يبقي الكنترول بتاع الهاف اوبشن بيشغل الrpmعلي عكس ما كنا نعتقد جميعا؟؟؟؟؟؟؟؟؟اقتباس:
الكابل الأخضر لسه فى مكانه فى العدادات، بس مكانه اتغير فى الكنترول.
لا يا باشا مبيشغلش الRPM ولا حاجة
حتلاقى اللى حصل ان الكهربائى عمل نفس دايرة التعديل بس من ناحية الكونترول... بعنى انة جاب برضة السلك البنى و السلك الابيض من ناحية الكونترول ووصلهم من خلال الدايود الى السلك الاخضر بتاع العداد... دى نفس الفكرة اللى عملها Chris اللى دلنى على الطريقة دى بس انا فضلت اعمل التعديل من ناحية البوبينة.. على الاقل لو غلطت اتعور فى بوبينة ب 550 جنية بدل كونترول ب1200 جنية
MMamdouh
ممدوح باشا اول حاجة انا متأكد من الدايود انه سليم 100% وانه اللى حضرتك قلت علية 1n4004
طبعا انا جربت اكتر من 8 دايود والمشكلة زى ما هية
انا قست كل الديودز قبل ما استخدمها وكانت سليمة 100% من حيث الاتجاه بس
دلوقتى عايز اسأل حضرتك سؤال وانا اسف انى اسألة بالبلدى شوية
اتجاه الديرة من ايه لأية والدايود بيبقى فيه لون اسود ولون رصاصى ايه اللى بيبقى ناحية الموبينة وايه اللى بيبقى ناحية العدادات
ايه رأيك لو اتجننت وركبت امبلفير وضعفت السجنل
الف شكر يا حسام باشا ومبروك على العداد وان شاء الله فى اسوء الظروف هاكلم عبدالغنى وان كنت مصر ان فى حاجة مش منطقية / انا حاسس ان فيه حاجة ناقصة واحنا مش وخدين بالنا منها /والغريب انها بتشتغل معانا/ ان شاء الله انا مسافر وهارجع يوم الثلاثاء ولما ارجع هاشوف الموضوع ده اخره ايه
ممدوح باشا كنتم بتتكلموا ان عداد السرعة فى لانوس 1 ب 3 مسامير انا عندى باربعة زى لانوس 2
ana s2alt fi n7'ily 3ala 7aga t3mil double lel signal mafeesh lazem t3raf 7'areg 2ad 2a wy anta 3ayz 2ad 2a