يا جماعة احب ابدأ كلامى بشكل عام
اولا عند تركيب العدادات يتم تطبيق خطوات استاذ ممدوح بدون تفكير كالتالى
1- تخرج كابلين من البوبينة الى العداد وتوصلة بالفردة الخضراء
2- الدايود ليه اتجاه ومن غير ما تقرأ خلى الجزء الرصاصى ناحية العداد
3- لو ماشتغلش شيل الدايودز كلها ووصل فرده واحدة للعداد وقفل الدنيا على كدة مؤقتا لغاية لما نلاقى حل
4- لو ماشتغلش يبقى العداد مش سليم والكلام غير قابل للنقاش
ثانيا يا جماعة الكلام هايكون بشكل متخصص شوية وده فى المشكلة اللى عندى وعند بعض الاعضاء
قبل اى حاجة انا جربت 6 عدادت والمشكلة برضو لسه موجودة
احنا كل شوية بنتكلم على الفرد اللى خارجة من البوبينة لكن المشكلة مش فى البوبينة خالص / المشكلة بتحصل فى العداد نفسه
اول حاجه الجاك اللى بيركب فى العداد بيتكون من السلوك ديه
اخضر – ابيض – برتقالى –ازرق – بنى فى اسود / احمر – بنى غامق – اسود – اخضر
الجاك مقسوم نصفين والنص اللى يهمنا هو النصف التانى اللى بيبدأ من اللون الاحمر
العداد بيشتغل على 3 فرد بس وهما الاحمر – اسود – اخضر / الفردة البنى بتاعة لمبة الزيت
العداد شغال على op-amp **تقريبا**
انا قيست العداد وهاقولكم الدنيا ماشية ازاى
اولا والعربية مفتوح الكونتاكت بس من غير الموتور مايكون شغال وال2 دايودز راكبين صح والجاك مش راكب فى العداد / الاحمر 12.45_الاسود0_الاخضر0.2
ثانيا العربية شغاله وال2 دايودز ركبين وجاك العداد مش راكب / الاحمر 13.7_الاسود0_الاخضر0.4 ولمل اضغط على البنزين الاخضر بيزيد من 0.4 الى 4 وديه القراءة الصح 100% اعتقد اعلى قراءة ممكن تتطلع هيه 6 فولت
ثالثا وبرجاء التركيز لما بركب الجاك فى العداد واشغل الموتور والديودز راكبة ديه القراءات اللى بتخرج لى وانا جربت الموضوع ده اكتر من مرة
الاحمر 13.4 وده مقبول وفيش فيه اى مشاكل
الاسود 0 وبرضو مفيش اى مشكلة
الاخضر 11.2 وبتقل كل لما ادوس بنزين لكن بتقل بقيم عبيطة جدا
المهم انى فكيت العداد الخاص بالRPM ووصلت مباشر علية (للميعرفش ال 3 مسامير هما الكونكشن بتاعتك اللى فوق كهرباء واللى تحت يمين ارضى واللى تحت شمال سجنال) علشان استبعد البوردة الخارجية للعدادات وبرضو نفس القراءه
طبعا انا قلت ان العداد بايظ وبصراحة كنت بضحك على نفسى لأن استاذ حسام زميلنا وقع فى نفس المشكلة وطلع العداد شغال / المهم انى جربت 6 عدادات تانية وكانت نفس النتيجة
لما اتكلمت مع صاحب المكان بتاع قطع الغيار قال لى انك لازم تاخد وصله من الموبينة علشان العداد يشتغل قلتله عملت كده ومشتغلتش – المهم انه وصف لى واحد اروح له علشان يشغلها لما روحت له وكل الدنيا مفكوكة قال لى باللفظ ان الطريقة ديه مش بتنفع على كل العربيات **نسبيا صدقته** بالاضافة انه قال ان الشغل ده كله شغل عك ولازم يتشال كل ده وتتوصل مباشره على الكونترول زى العربيات العاديه وعلى نفس الفيشة ** برضو شايف ولو من بعيد ان الكلام مظبوط**
المهم انه حس انى هاموت على الموضوع فقالى اروح له بكرة **على النهاردة** واسيب له العربية طول اليوم **علشان معرفش هو عمل ايه** وان التركيب هايتكلف 100 جنية **علشان هو لاقنى زبون **
اسف على الاطالة لكن انا لسه معرفتش العداد شغال ازاى بالظبط لكن هاحاول تانى وان كنت ابتديت ازهق جدا جدا جدا من الموضوع ده لأن اشتغلت فيه لغاية دلوقتى اكتر من 30 ساعة متوصل على 4 مرات وكل مره فشل
لو حد عايز يفيدنى يحاول يقيس القراءات الخاصة بالعداد بتاعه ويبعتها لى – ولو بجد ممكن حد يبعت رسمت الدايرة والقيم بتاعتها الدنيا هاتكون اسهل مما تتخيلوا
نسيت اقول انى لو مش مركب الدايودز وموصل فرده واحدة بتكون ديه القراءات سواء الجاك راكب او مش راكب
الاحمر 13.6 – الاسود0 – الاخضر 0.0_1.99
انا محبط