هوندا سيفيك 2015

**a7m8n** · 11-07-2014 12:37 PM

المشاركة الأصلية كتبت بواسطة amgomaa

الف مبروك يا باشا اختيار موفق ان شاء الله مش هتندم العربيه بسم الله ما شاء الله زيرو مشاكل هى الصيانات الدورية وبس اعلى اعتمادية هتشوفها فى اي عربيه وانسي اي كلام الشكل وحش الخامات وحشة اللي يقول كده مركبش العربية

sent from my gt-s5282 using forum runner

بارك الله فيك وانا مستعد للاى سؤال هنا فى المنتدى

**JapRuleZ** · 11-07-2014 08:41 PM

المشاركة الأصلية كتبت بواسطة a7m8n

الاخوه الافاضل اخوكم ايمن لسه شارى السيفيك ومرخص يوم السبت اللى فات اللى موجود فى التوكيل هى سيفيك 2013 مفيش 2015 ولا حتى 2014 واضح ان العربيه مبعتش اوى اكيد بسبب اسعارهم وواضح كمان انه لسه عندهم استوك وعاوزين يخلصو منه عشان كده نزلو الاسعار اللى الاتلى
1- سيفيك باس لاين 190000
2-سيفيك هاى لاين انا جبتها على 204,000
الحاجه اللى تضايق هم ليه بيحطو اسعار من الاول غلط ويجيو يتزنقوا وينزلوها عشان يخلصو من الاستوك ودى مش اول مره يعملو الحركه دى

التسليم للسيفيك facelift اول 8 الحجز بدأ من اسبوع و اللى نازله مترخصه على انها 2014

**S O P H O S** · 18-07-2014 07:47 PM

جميلة
بس كانوا عدلوا وكملوا جملهم

**Aymanmhran** · 22-07-2014 07:59 AM

المشاركة الأصلية كتبت بواسطة japrulez

التسليم للسيفيك facelift اول 8 الحجز بدأ من اسبوع و اللى نازله مترخصه على انها 2014

يعني الشكل اتغير فعلا
وايه نظام الحجز وسعر العربية
وهل فيه فرق بينها وبين موديل 2013

**khaled_afandy** · 24-07-2014 03:15 AM

Following the thread

**mahmoudsmh** · 24-07-2014 01:45 PM

طبعا هوندا عربيات بامانه اكثر من ممتازه مواتير واعتماديه الخ....
لكن يبقى السؤال والاندهاش
هوندا سيتي من ١٦٠ الف ل١٨٠الف ايه الي يخليني اجيبها واسيب الشارك والاسترا وحتى الكورولا
مدخلينها ليه في فئه مش بتاعتها تنافسيا هيظلم العربيه التحفه دي كل المواقع الاجنبيه حاطها في مقارنه مع اليارس والصني لان دول فئتها وهيا تكسب طبعا
نفس الوضع السيفيك من ٢٠٠ل ٢٢٥ الف ايه يخليني اجيبها والكورولا بي ١٨٠ والاوكتافيا بي١٩٠الف اول فئه تاني فئه ٢١٥
توكيل هوندا واقف حالها ويجي اخر السنه يدلل عليها وينزل سعرها للطبيعي
لو هوندا باعت عربيه واحده بالاسعار دي يبقى انجاز

**a7m8n** · 24-07-2014 02:37 PM

المشاركة الأصلية كتبت بواسطة mahmoudsmh

طبعا هوندا عربيات بامانه اكثر من ممتازه مواتير واعتماديه الخ....
لكن يبقى السؤال والاندهاش
هوندا سيتي من ١٦٠ الف ل١٨٠الف ايه الي يخليني اجيبها واسيب الشارك والاسترا وحتى الكورولا
مدخلينها ليه في فئه مش بتاعتها تنافسيا هيظلم العربيه التحفه دي كل المواقع الاجنبيه حاطها في مقارنه مع اليارس والصني لان دول فئتها وهيا تكسب طبعا
نفس الوضع السيفيك من ٢٠٠ل ٢٢٥ الف ايه يخليني اجيبها والكورولا بي ١٨٠ والاوكتافيا بي١٩٠الف اول فئه تاني فئه ٢١٥
توكيل هوندا واقف حالها ويجي اخر السنه يدلل عليها وينزل سعرها للطبيعي
لو هوندا باعت عربيه واحده بالاسعار دي يبقى انجاز

كلام حضرتك مظبوط 100 فى 100 انا كنت موجود النهارده فى فرع ابو رواش وشفت السيتى الجديده العربيه حلوه فعلا وعاملين فيها كام حاجه كويسه زى فتحات تكييف خلفيه ووسع داخلى اكبر وشاشات وتكييف تاتش كل ده حلو وجميل انما العربيه تتباع 180 الف ده كتير اوى اوى اوى وايه اللى يخلينى اشتر ى السيتى 180 الف وانا ممكن اجيب السيفيك 2013 هاى لاين ب 200 الف يعنى فرق بس عشرين الف تانى حاجه السيتى البيس لاين عربيه فاضيه خالص وب 160 الف ليه انا مش فاهم هم بيفكرو ازاى والله ؟ !!!!!!!!!!!!!!!!!!!!!!!!!!! لا وفعلا يقعدو طول السنه من غير مبيعات وييجى على الاخر يروح منزل العربيه عشان يخلص من الاستوك وبعدين مايبصو ا للسوق والعربيات اللى نازله الفئه السعريه دى فيها حاجات كتير محترمه فلوانس استرا كورولا وكلها عربيات اكبر حجما كمان من السيتى وعائليه اكتر

**medoghaly** · 24-07-2014 08:35 PM

سمعت ان السيفيك 2013 فييها عيب في التيل بيخلص بسرعه كل 3 شهور صاحبي بيغيرو فعلا هيا كده و لا عنده عيب

**amgomaa** · 24-07-2014 10:43 PM

المشاركة الأصلية كتبت بواسطة medoghaly

سمعت ان السيفيك 2013 فييها عيب في التيل بيخلص بسرعه كل 3 شهور صاحبي بيغيرو فعلا هيا كده و لا عنده عيب

أكيد عنده عيب العربيه معايا مفيش الكلام ده عامله دلوقتى 16000 الف بقالها سنين والتيل زى الفل

Sent from my GT-S5282 using Forum Runner

**Aymanmhran** · 25-07-2014 01:32 AM

اتصلت النهاردة بالتوكيل وقالي الموديل الجديد للسيفيك 2014 اختلاف في الواجهة الأمامية فقط وسعر الهاي لاين 216900 جنية بس
وأضاف ان السيارة تقفيل تركي مثلها مثل سيفيك موديل 2013