هوندا سيفيك 2015

**amgomaa** · 29-06-2014 12:16 AM

تم الاعلان عن اطلاق هوندا سيفيك 2015 فى تركيا وهى النسخة التى يتم استيرادها عن طريق الفطيم فى مصر لذا من المتوقع وصولها الى الاسواق المصرية قريبا جدا التغيير الاساسى فى مقدمة السيارة فقط لتصبح مطابقة للنسخة الامريكية بينما تم الابقاء على المحرك والفتيس كما هم اسيبكم مع الصورمن موقع هوندا تركيا

**islam.afifi** · 29-06-2014 12:23 AM

ماشاء الله
ده اسمها عربية

**ARKOON** · 29-06-2014 12:36 AM

الهوندا تحفة فنية . الشكل الخارجي من الامام تقليدي فيها شبه من السيراتو .. احلى ايام ايام السيفك القديم عربيات سباق بجد . موديل 2007 غير صالح للاستخدام في الطرق المصرية . هوندا اسم له تاريخ ..
تسلم ايدك على رفع الصور :)

**hossamalsadik** · 29-06-2014 01:04 AM

هوندا التسعينات كانت ومازالت الاجمل رياضية تمشلى كلاسك تمشى تصميمها يناسب الجميع واما الالفينات فى التصميم كان متشابه مع السائد من تصميم والموديلات والمركات الاخرى
الهوندا بوجه عام من العربيات الى بتسبق عصرها فى كمالياتها
شكرا على الخبر

**JapRuleZ** · 29-06-2014 02:50 AM

طيب و لزمتها ايه كل شويه يسرسبولنا حاجه
يعنى السنة الجايه الفوانيس الحلفيه و اللى بعديها موتور و البى بعديها فتيس و فى امريكا شكل و اوروبا شكل و تايلاند
و البرازيل شكل تانى
حاجه مش مفهومه
باقى الماركات معظمها الموديل واحد او اتنين بالكتير .... يعنى من حلاوة التصاميم اليبانى

**amgomaa** · 29-06-2014 03:56 AM

المشاركة الأصلية كتبت بواسطة JapRuleZ

طيب و لزمتها ايه كل شويه يسرسبولنا حاجه
يعنى السنة الجايه الفوانيس الحلفيه و اللى بعديها موتور و البى بعديها فتيس و فى امريكا شكل و اوروبا شكل و تايلاند
و البرازيل شكل تانى
حاجه مش مفهومه
باقى الماركات معظمها الموديل واحد او اتنين بالكتير .... يعنى من حلاوة التصاميم اليبانى

اساسا الفوانيس الخلفية سواء فى النسخه الأوروبية او الامريكية الاتنين اوحش من بعض اما بالنسبه للموتور فاركب بس العربيه هتحس بسم الله ما شاء الله انك راكب وحش مفيش 1600 زيها نفس الفئة السعرية الهوندا معروفة بالمواتير

Sent from my GT-S5282 using Forum Runner

**banzai** · 29-06-2014 04:41 AM

المشاركة الأصلية كتبت بواسطة hossamalsadik

هوندا التسعينات كانت ومازالت الاجمل رياضية تمشلى كلاسك تمشى تصميمها يناسب الجميع واما الالفينات فى التصميم كان متشابه مع السائد من تصميم والموديلات والمركات الاخرى
الهوندا بوجه عام من العربيات الى بتسبق عصرها فى كمالياتها
شكرا على الخبر

و الله يا حسام باشا كلامك مظبوط و الجديد حلو مفيش كلام لكن تيجى تشوف الاسعار تلاقيها بلاوى سوده
البى ام يبدأ من 28 الف دولار و تلاقيه هنا ب 500 الف جنيه الاكورد ب 21 الف دولار و تلاقيها هنا معديه 400 الف برده انا اى اعلان بينزل لعربيه جديده و الله بقيت حافظ اللى هيتقال 1.6 و الحصان ما بين 115 الى 125
و ده فى الاغلب تقولش كوبى و باست .. السيفيك ب 15 الف دولار و ده لل 1.8 لتر و شوف هنا وصلت 215 الف و اللى يقولك سنسور بارك و عربيه تانيه تركن لوحدها و عروسه بلاستك تقعد تسليك و فى الاخر كل الحساسات دى عايزه طريق محترم و فى مصر اخرها بتبوظ انا كنت بشوف اوبشنات المرسيدس a200 قولت العربيه دى استحاله تمشى فى مصر الحساسات هتضرب من العك بتاع شوارع مصر و فروق اسعار رهيبه و يا ريتنا بنشوف طريق اسفلت نضيف ولا حارات ولا اى حبشتكنات
هو بقى من الاخر سيفيك جيل خامس و سادس عايزها سبورت عندك لحد 200 حصان ستوك عايزها اقتصاديه عندك
105-127 حصان و كله ممكن يكون تحت 80 الف جنيه

**ENG.MaRk** · 29-06-2014 08:26 AM

هي ديه العربيات و لا بلاش

**JapRuleZ** · 29-06-2014 06:22 PM

و يا ترى التغيير فى الاكصدام و الفوانيس الاماميه هيكلفنا كام زياده عن القديمه

-

الموضوع: هوندا سيفيك 2015

LinkBack

أدوات الموضوع

عرض

-

-

-

المواضيع المتشابهه

حد عنده معلومة عن هوندا سيتى 2015

هوندا فيزيل suv 2015

هوندا سيفيك type-r 2015

هوندا تخطط بجدية لسيارات 2015 من الان ..!!

هوندا سيفيك الجديدة كليا (الصور من موقع هوندا)

الكلمات الدلالية لهذا الموضوع

المفضلات

المفضلات

ضوابط المشاركة