مشكلة الكاربراتير

**hotmail** · 29-06-2014 02:06 AM

عندي مشكلة باختصار سوف احكيها عندي نيسان صني موديل 98
-من 5 سنين تم تنظيف وغسيل الكاربراتير في مركز صيانة ياسين (نيسان) قبل اغلاقه بعد ذلك العربية بدأت تأكل بنزين 200 كيلو لكل 20 لتر بدلا من 240 كيلو لكل 20 لتر
-ذهبت لمركز مودرن وتم ظبط الكاربراتير وتم رجوع الكاربراتير لحالته الفابريكة
-بعد ذلك غسلت الموتور رجع الكاربراتير تأكل بنزين 200 كيلو لكل لكل 20 كيلو
-ذهبت لمركزالصفا تم وضع الكاربراتير على الجهاز ظهر أن الكاربراتير مظبوط و مفهوش أي مشكلة
لكن المشكلة كما هى بتأكل بنزين
-أخيرا رحت لميكانيكي عشان يظبط العربية غشان كانت فيها تصفيق عند الضغط على دواسة البنزين لخبط العربية خالص بقت بتأكل بنزين كتير أوي 140 لكل 20 لتر
قررت اظبط بنفسي الكاربراتير تم ظبطه بالصدفة من خلال مسمار الهواء وبقت العربية تعمل زي ما كانت 240 لكل 20 لترلكن بغد كل تموينه ترجع تاني و تأكل بنزين ممكن تعمل 150 كيلو و مرة 170 عايز أعرف ايه السرفي الموضوع
ساعدوني أعمل أيه

**Zing0** · 02-07-2014 02:00 PM

مش شرط تآكل بنزين علشان الكربراتير فيه عيب أو مش مضبوط
فيه حاجات كتير غير الكربراتير ممكن تخلى العربية تستهلك بنزين زياده

**محمود السيد** · 03-07-2014 11:26 AM

صح فى اسباب اخرة ....

**hotmail** · 03-07-2014 02:00 PM

بس ممكن يكون في حاجة أسمها حساس في الكاربراتير زي ما سمعت هى تكون السبب
شكرا

**ahmed_eng2001** · 03-07-2014 03:30 PM

زى ما ذكر الاخوة الكرام .... فيه اسباب تانية ممكن تزود استهلاك البنزين ..... حضرتك حاول تراجع على الاسباب دى الاول .. و بعدين تشوف الكاربراتير ....

مشكلة الكاربراتير ... انه موضوع بيطول شوية ... و عيوبه ممكن متكنش مباشرة و مش اى حد يعرفها .. و ممكن يكون فيه عيب تانى خالص غير الكاربراتير .... الموضوع محتاج صبر و متابعة طويلة

انا مسمعتش عن وجود حساس فى الكربراتير

متابع معاك

**hotmail** · 03-07-2014 10:06 PM

شكرا لك على الرد على فكرة مرة ظبطت الكاربراتير عند التوكيل رجع الكاربراتير لحاله الفابريكه بس بيرجع مره اخرى للخبطه عند أول غسيل للموتور مش قاصدي اللخبطة دخانه سوداء أو تقطيع مفيش الموضوع كله في استهلاك البنزين تاني حاجة مرة مشيت بدون عمة الموتور عشان اشوف اي حاجة تسريب أو ريحة بنزين بدأت أحرك باب الكاربراتير لقيت الكاربراتير اتظبط و بعد فترة رجع تاني تاكل بنزين
عايز رأيك في الكلام ده
ثانيا ينفع أشتري كاربراتير استيراد 1500cc و العربية عندي 1300cc هل ينفع يركب ويكون مظبوط
ولازم يكون زي العربية

**ahmed_eng2001** · 03-07-2014 10:57 PM

لا شكر على واجب ..... كلنا بنتعلم من بعض ...

انا مش خبير و لا حاجة .... بس اول حاجة جات فى بالى .... باب الكربراتير ممكن يكون بيعلق ... بيكون مفتوح حاجة بسيطة

جرب حضرتك ترش دبليو دى 40 على اكس الباب من برة لتزييته و جرب ....

اما بالنسبة للكربراتير اهم حاجة قاعدة الكاربراتير تكون متناسبة مع نفس قاعدة الكربراتير القديم ...
الكربراتير ال 1500 .. يجاوبك حد يكون عارف اكتر :)

**محمود السيد** · 06-07-2014 10:49 AM

متابع معاكوم لانى عندى مشكلة فى الكربراتير والصنايعى اول مشاف الكربراتير المتركب فى العربية قلى د نوع مش كويس وهو اسمه سوليكس ام النوع الى رشحهولى اسمه ويبر وطبعن هيجيبه استيراد اضمن المهم بيقولى ده بيجيبو بمبلغ 450 جنيه ومش عارف اعمل ايه

**aliyehia** · 11-07-2014 12:46 AM

السولكس ماركه محترمه في عالم الكربيترات و ممكن تدخل على ويكيبديا و تعرف كل حاجه عنها

**borio1704** · 15-07-2014 12:10 AM

أنا شايف إن ما دام المشكلة بتحصل بس بعد الغسيل .. فده معناه إن عندك بعض أجزاء بتبقى متزيتة والغسيل بيشيل الزيت أو الشحم اللي عليها ويخليها صعبة الحركة. وبعد كده حضرتك تضطر تدوس دواسة البنزين جامد شوية علشان تتحرك... وده بيترجم علطول لبنزين زيادة

أنا رأيي زي البشمهندس ahmed_eng2001 ما قاللك

حضرتك تجيب wd-40 وترشه على أي جزء متحرك في الكاربيراتير.. من أول كابل الأكسيراتير لحد دراع البوابة وأي أجزاء تانية بتلاحظ إنها بتتحرك مع تزويد البنزين... حتى دواسة البنزين نفسها

غالبا ممكن تحتاج الموضوع ده كل شهر مرة أو بعد كل غسيل.

عن تجربة.. هتحس بفرق شايع في أداء العربية وده بينعكس مباشرة على استهلاك البنزين

أنا بتكلم عن خبرة مع تويوتا كريسيدا 82 لمدة أكتر من 15 سنة.

والنسبة لنوع الكاربيراتير.. أنا شخصيا مش شايف مشكلة في الكاربيراتير.. وأنا اعتقد إن الميكانيكي عايز يشتغل في حاجة هو متعود يشتغل فيها مش أكتر.

...