الموضوع: بليييييييز نسور نيسان حشتري عربية جديدة isa وبصراحة محتارة جداااااااااااااااا

الجين 2 و بيرسونا كويسين اوبشنز كويس جدا بالنسبة لسعرها
abs و ebd
ثبات ممتاااااااااااااااز علي السرعات العالية حتي في الملفات
باركنج سنسور
ايموبيلايزر
2 اير باج للسائق و الراكب الامامي
شنطة واسعة حوالي 420 او 430 لتر علي ما اذكر
تكييف زجاج كهربا
باور ستيرنج علي زيت هو بيخلي الدركسيون اتقل شوية بس دا ميزة علشان علي السرعات العالية بيكون اكثر امانا
كاسيت ظريف جدا و سماعات جيدة جدا
البيرسونا فيها مثبت سرعة و دا مش موجود في الجين 2
بعض التحفظات زي خامات داخلية فقيرة
صوت موتور عالي و صوت مروحة التكييف برده عالي
عفشة نشفة شوية
اعتقد الفئة السعرية دي الجين 2او البيرسونا تعتبر اختيار ممتاز
بس لو فيه امكانية لزيادة السعر وصولا ل 150 الف زي ما حضرتك ذكرتي يبقي فيه اختيارات اوتوماتك تانية زي الكروز موديل 2014 ملاكها بيشكروا فيها جدا
اوبل كورسا - سيات ابيزا - هوندا سيتي للامانة معرفش عنهم حاجة تفصيلا بس العربيات دي برده اسم كبير ممكن حضرتك تقري عن اراء ملاكهم

انا لو معايا ال 120 الف لا يمكن احطهم الا في حاجة الماني وحتي لو مستعمل حرام ادفع 120 الف في عربيات اتاري منظر واوبشانات فقط لا غير ولا ثبات ولا نيلة

ونصيحة لوجه الله بلاش النيسان ولا قديم ولا جديد

المشاركة الأصلية كتبت بواسطة سيد عبد الفتاح

انا لو معايا ال 120 الف لا يمكن احطهم الا في حاجة الماني وحتي لو مستعمل حرام ادفع 120 الف في عربيات اتاري منظر واوبشانات فقط لا غير ولا ثبات ولا نيلة

ماهو حضرتك دي اسعار السوق مش بايدينا و كل واحد بيحاول يوازن بين ظروفه و الاسعار و الامكانيات المتاحة
اللي معاه يجيب الماني و ظروفه تسمح مش هايتاخر
الجين 2 و البيرسونا ليهم ثبات عالي عن تجربة و دا من اراء جميع ملاكهم

المشاركة الأصلية كتبت بواسطة blackeagle1985

ماهو حضرتك دي اسعار السوق مش بايدينا و كل واحد بيحاول يوازن بين ظروفه و الاسعار و الامكانيات المتاحة
اللي معاه يجيب الماني و ظروفه تسمح مش هايتاخر
الجين 2 و البيرسونا ليهم ثبات عالي عن تجربة و دا من اراء جميع ملاكهم

عندك حق في نقطة الامكانيات المتاحة بس 120 الف كتير تحطهم في اي عربية تقفيل مصري زبالة
اما بخصوص الجين تو طالما انا ماجربتهاش ما اقدرش احكم عليها

مين اللي قال الألينترا مش ثابتة؟؟ أنا ماسقتش العربيات دي كلها فا مش ناوي أفتي.

النيسان صني: خفيفة وجراية وكفاءة من الآخر وثابتة جدا إلا في المنحنيات لازم تتاخد عا الهادي (أقل من 60) ودا لأن العربية مش تقيلة أوي وعالية على الأرض.

الهيونداي ألينترا، ثقيلة وجراية وكفاءة برضه وثبات أعلى وامكانيات أفضل بس أبعادها رخمة شوية مقارنة بالنيسان صني، أنا خدت على الصني في اسبوع وكنت متحكم فيها كويس لكن الهيونداي ألينترا احتاجت مني شهرين تلاتة على ما املكها كويس بس طبعا ثباتها على عن الصني بمراحل مافيش كلام، تقيلة وواطية على الأرض.

العيوب الكبيرة: ماشوفتش لحد الأن حاجة على الهيونداي ألينترا غير ان صاجها مموج بزيادة وصاينتها غالية جدا في حال الخبطات لا قدر الله.

النيسان صني: مشكلة واحدة بس في الفرامل ويقال انها اختفت في مودلات 2014 على الرغم من إن انا معايا 2014 واخويا جايها بعدي بكام شهر ولاتزال صفارة الفرامل موجودة، مشكلة مش كؤثرة على الفرامل بشكل كبير خصوصا بعد ما بتاخد عليها بس الصفارة في حد ذاتها مستفزة جدا زي عربيات النقل تماما، والتوكيل بينصح بتغير التيل والديسكات بدري قوي وبتدخل في شبه خناقة علشان تعملها على الضمان مجانا.

البيجو 301: مجرد سمع، فيها نفس عيوب الفرامل بالميللي دا غير كام حالة كان فيها نتشة فتيس وتم تغيره بكامل أجزائه على حساب الضمان، ثبات وعزم ماعرفش لأني ماركبتهاش

---

#0040ff