هى مخالفة الاتجاة العكسى بكام

**عزيز محمد** · 16-10-2008 04:46 PM

المشاركة الأصلية كتبت بواسطة محمد ابراهيم 1

بحيث إن أى عسكرى درجه أولى من حقه يحرر المخالفه
وكذلك أمناء الشرطه

لكن العسكرى ممكن ياخد النمره ويكتبها فى دفتر المخالفات
وتتسجل عليك ولما تروح تجدد الرخصه تلاقيها مستنياك

طيب سؤال لو سمحت يا أستاذ محمد: إيه اللى يثبت إنى فعلا عملت المخالفة دى؟ يعنى ليه ما ينفعش يبقى اللى حصل إنه كتب أى نمرة من دماغه (أو أخطأ فى قراءة وتدوين النمرة مثلا)؟؟
بالطريقة دى ممكن يكون الواحد اتسجل مخالفات وهو ماعملهاش وما يعرفش إنه اتسجل، فى الحالة دى يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟

برجاء الإفادة

**Islam_galal** · 16-10-2008 04:48 PM

لسة حاصلة مع زميل بالعمل
1000 غرامة
و الدفع الفوري 500جم

**Goodle** · 16-10-2008 05:06 PM

المشاركة الأصلية كتبت بواسطة عزيز محمد

طيب سؤال لو سمحت يا أستاذ محمد: إيه اللى يثبت إنى فعلا عملت المخالفة دى؟ يعنى ليه ما ينفعش يبقى اللى حصل إنه كتب أى نمرة من دماغه (أو أخطأ فى قراءة وتدوين النمرة مثلا)؟؟
بالطريقة دى ممكن يكون الواحد اتسجل مخالفات وهو ماعملهاش وما يعرفش إنه اتسجل، فى الحالة دى يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟

برجاء الإفادة

النقطة دي محتاجين نعرف اكتر عنها لو تسمحوا .. لأنها تشغل البال فعلا
وكمان لو ماعملتش التصالح في خلال 3 أيام.. يحصل إيه ساعتها ؟؟؟؟

**MoToRiZeR** · 16-10-2008 05:08 PM

انا اتاخدت عكسي مرة بطريقة هبلة جداَ
دخلت بنزينة من مكان الطلوع ! و كان فيه عسكري قاعد بيشرب شاي جوة أخد النمر و مقالش .. خد النمر و مشي و الواد اللي بيحط البنزين هو اللي قاللي بعد ما مشي و كان مبسوط أوي !
إيه يا جدعان هي محطات البنزين بقت إتجاه واحد ولا إيه

في إنتظار التجديد بقي

**shanodaa** · 16-10-2008 05:50 PM

طلما العسكري لم ياخذ الرخصه ما فيش خوف

**ahmad--ezzat** · 16-10-2008 06:32 PM

المشاركة الأصلية كتبت بواسطة SE_coralsea

و ليه تمشي عكسي اساسا ؟؟
يعني انت خايف من المخالفة و الغرامة و مش خايف علي نفسك او علي عربيتك !!
واوعي تقولي الظروف و اول مرة ماهي دائما بتبتدي كده

اسف يا باشمهندس مش هعمل كدة تانى
(على فكرة انا اكتشفت انو عكسى فقط لما العسكرى نادى عليا انا بسوق اكتر من 9 سنين معملتش مخالفة واحدة الحمد للة)

**Bossy_Fadl** · 16-10-2008 10:19 PM

المشاركة الأصلية كتبت بواسطة محمد ابراهيم 1

بس إذاى حنطمئن عليه لو أخدوه

بالبلوتوث:D:D:D

المشاركة الأصلية كتبت بواسطة ahmed21015

اية ياجماعة خلاص انتو حبستونى كدة
يا جماعة هو اصلا 99 فى المية مخدش النمر بس انا موسوس زيادة عن اللزوم
انا بقول لو خدها اية اللى هيتم انا اعتقد ان الاستاذ عربى صح لانى قريت الكلام دة بردو

لا هو حقك طبعا تخاف لان القانون الجديد لو اتنفذ صح فعلا يبقي هيخلي الواحد ماشي بيتلفت حوالين نفسه:D

و هو ان شاء الله ميكونش اخد الرقم

بس ان شاء الله يعني متكونش في اسوء الاحوال اكتر من غرامه و خلاص

**محمد ابراهيم 1** · 16-10-2008 11:43 PM

المشاركة الأصلية كتبت بواسطة عزيز محمد

طيب سؤال لو سمحت يا أستاذ محمد: إيه اللى يثبت إنى فعلا عملت المخالفة دى؟ يعنى ليه ما ينفعش يبقى اللى حصل إنه كتب أى نمرة من دماغه (أو أخطأ فى قراءة وتدوين النمرة مثلا)؟؟
بالطريقة دى ممكن يكون الواحد اتسجل مخالفات وهو ماعملهاش وما يعرفش إنه اتسجل، فى الحالة دى يعمل إيه لما ييجى يجدد يلاقى عليه مبلغ كبير (خصوصا مع تغليظ العقوبات المالية مع القانون الجديد)؟؟

برجاء الإفادة

شوف يا باشا للأسف مفيش حاجه تثبت الموضوع ده غير ضمير العسكرى
يعنى العسكرى اللى بيثبت رقم غلط أو من دماغه بيتحمل الغرامه صاحب العربيه وللأسف هو ده النظام
وعلى فكره ممكن واحد مننا يتخانق مع عسكرى يقوم يجيب دفتر المخالفات ويقعد يدون له مخالفه كل يوم لغاية ما ينساه بس حسابه مع ربه

بالنسبه للسؤال التانى
اللى هو نعمل ايه لو ملحقتش أدفع فى خلال ال 3 أيام
فى هذه الحاله سوف تدفع المخالفه كلها يعنى 1000 جنيه على الأقل

فيه كمان نص أضيف فى التعديل وهو أنه إذا نشأ عن السير عكس الإتجاه حدوث تصادم تضاعف قيمة الغرامه فتصبح من 2000 الى 6000 جنيه

**zamba** · 17-10-2008 01:25 AM

للاسف يا جماعة انا عرضت الموضوع ده من شهر تقريباً ومفيش حد رد عليا او عبرنى ..ولانى ملن زى العضو الموقر ودخلت شارع غلط بدون قصد طبعاص ولقيت العسكرى اخر الشارع ومصصم على اخذ النمرة سبته ومشيت ..وحاولت اناقش الموضوع فى المنتدى لكن للاسف لم اجد رد واحد يوحد ربنا
دخلت على النت وجبن القانون بنصه كما انزل لقيت المخافة اسمها تعمد السير عكس الاتجاه غرامة من 1000 - 3000 والحبس او باحدى هاتين العقوبيتن ويمكن دفع 50 % من الحد الادنى للغرامة ( 500 جنيه) خلال 3 ايام ...طب ازاى اعرف ان فيه مخالفة ومفيش ضابط خد رخصتى واروح مكتب الربريد زى الاهبل اقوللهم جاى ادفع الغرامة 500 جنيه وادفع وامشى وخلاص ..محدش عارف حاجة
لجأت الى احد اصدقائى ضابط مرور برضه مش فاهم حاجة واتضح ان الموضوع حيسرى على غرامة فقط وفيش حد اتحبس قبل كده ووكيل النيابة بقى قاعد دلوقتى مالوش لازمة واللى بيحقق فى الموضوع قاضى للمرور هو الى يدى العقوبة بعد تأكده من تعمد السير عكس الاتجاه والاصل فى التأكد هو حضر المخالفة وعلى صاحب السيارة اثبات العكس للقاضى
ده كل المعلومات اللى قدرت اجيبها وملخص الموضوع انه حترسى على غرامة 1000 جنيه لوثبتت الادانة والله اعلم لان الموضوع جديد ومحدش جرب ..ياريت لو حد بيجدد يقولنا اية نظام دفع المخالفات الجديدة فى المرور
ومع خالص تحياتى .......وياريت ترودى عليا المرة دى وما احسشض انى باكلم نفسى

**محمد ابراهيم 1** · 17-10-2008 03:16 AM

لا يا باشا انت مش بتكلم نفسك
هو بس الموضوع فيه لبس
وكيل النيابه من إختصاصه الغرامه التى لا تزيد عن 1000 جنيه فهو له لازمه وهو اللى بيخلص الشغل كله
قاضى المرور بس هو اللى ممكن يحبس ويغرم غرامه اكتر من 1000 جنيه
فالمخالفات التى يزيد حدها الادنى عن 1000 جنيه يختص بها قاض المرور

الموضوع: هى مخالفة الاتجاة العكسى بكام

LinkBack

أدوات الموضوع

عرض

-

-

-

-

-

-

المواضيع المتشابهه

المخلفه العكسى فى الموتسكل بكام

مخالفة الانتظار بكام ؟!

هو العكسى بقى للدرجه دى؟!

مخالفة مربع الاشارة بكام ؟

أنا فى مشكلة مشيت عكس الاتجاة وإتاخدت مخالفة مش عارف أعمل إية ؟؟

الكلمات الدلالية لهذا الموضوع

المفضلات

المفضلات

ضوابط المشاركة