إختبار تصادم بيجو 301 وخمس نجوم وتستاهل أكتر

**MemO_KinG** · 07-07-2014 09:13 PM

خلاص هخليك ماشى فى مرة و هتلاقينى قدامك و هصبح عليك و نشوف وش مين اقوى

**amrelsaqqa** · 07-07-2014 09:19 PM

صدقنى يابنى اي عربية في الدنيا ممكن تتعكش عادى يعنى مش البيجو بس :D

ونفس اللون اللى انت بتحبه اهو يالا مش حارمك من حاجة :D

**MemO_KinG** · 07-07-2014 09:48 PM

انا مش مختلف معاك فى كده ابدا و اكيد اى صاج هيتخبط فى حاجة هايتدغدغ و مافيش عربية من فولاز
بس انا كل اللى عايز اقوله ان اسلوب تصميم البيجو مش حلو و صاجها مش ناشف بدرجة عربيات تانية اضغط بإيدك مثلا على كبوت البيجو من فوق الفانوس مثلا و اضغط بنفس قوة الضغطة على كبوت لانسر بومة و شوف الفرق عامل ازاى
غير كده الكبوت طالع فى مستوى الاكصدام المفروض الاكصدام يبقى متقدم شوية زى عربيات كتير عشان لو لاقدر الله اتفاجئت بحاجة قدامك و لحقت تفرمل الصدمة تيجى فى الاكصدام الاول انما فى ال301 الصدمة بتيجى فى الكبوت الاول يعنى عندى مثلا الكبوت اتدشمل و الاكصدام سليم برغم انهم هيغيروه برضه

**amrelsaqqa** · 07-07-2014 09:55 PM

ال301 كبوتها ضعيف فعلا وعيب تصميم انه بارز وبياخد الصدمة عن الاكصدام فعلا دى مفيهاش كلام ودى من عيوب العربية التصميمية الكمال لله وحده

بس ضعف الكبوت مش عيب لان ده من اعتباراات السلامة
الكبوت لو قوى زي الـ 504 مثلا بيدخل عليك زي السيف في الحوادث ، انما في العربيات الجديدة كلها ده النظام
شوف مثلا عربية زي الاوكتافيا a5 صاجها عامل ازاى تيجى للكبوت تلاقيه ضعيف بردو ، الفكرة ما تبصش للكبوت وتحكم على بقية صاج العربية انه زيه
لا الكبوت ضعيف بالقصد ، ومش في نفس مستوى الرفرف الخلفى مثلا !

بص كدة ع الرفارف اللى ورا هتلاقى حاجة تفرح :D