إختبار تصادم بيجو 301 وخمس نجوم وتستاهل أكتر

**amrelsaqqa** · 06-07-2014 06:31 PM

الامان والسلامة من عند ربنا واقروا الموضوع ده
الحمد لله العربية ثبتت نفسها على ارض الواقع في كل الحوادث اللى عملتها

http://www.nilemotors.net/Nile/403785-301.html

**RoadFinder** · 07-07-2014 01:19 AM

مع احترامى للاختبارات العالميه و نتائجها بس التجربه العمليه خير دليل طبعا ما نتمناش حد يجرب و ربنا يحفظكم جميعا بس فعلا زى ما اخونا عمرو وضح فى اللينك العربيه انقذت واحد من موت محقق و مش عايزين نهاجم العربيه وخلاص لمجرد النفسنه من بيجو 301 ورخص سعرها و اننا مش عايزين نعترف بالحقيقه ان بيجو 301 احسن عربيه مقابل فئتها السعريه و لما باشوف اى عربيه تانيه اعلى منها و بدون ذكر امثله بلاقى ان فارق المميزات اقل من فارق السعر يعنى بشترى ميزة اقل من فرق السعر وده لان منتجى العربيات التانيه بيبيع اسم و سمعه العربيه فى السوق اللى مش ماشى على قاعده البقاء للافضل لكن ماشى على قاعده اللى تعرفه احسن من اللى ماتعرفوش

**Hosam_Optrawy** · 07-07-2014 04:32 AM

المشاركة الأصلية كتبت بواسطة amrelsaqqa

انا بالفعل قريت كل كلمة ، ومع المكتوب الاسكور في الاخر مش وحش بتاع حماية الركاب 71%
مش قصة
وكمان عشان تقارن بقى بعربية تانية
الاصطدام الامامى للسواق

وللراكب

وده كويس وفي الحدود الامنة واغلب العربيات كدة بين الاخضر والبرتقانى زي مثلا السيراتو ، الموديلات الجديدة اوى هي يمكن اللى بقت اامن في الحتة دى بس برضه اللى هو في الحدود الامنة

الاصطدام الجانبى بسيارة اخرى حلو

الاصطدام الجانبى بعمود هو اللى وحش شوية

مع ذلك النتيجة في الجزئية دى 71% وسلامة الاطفال 75% يعنى امانها مش ضايع يعنى زي ما انت متخيل

اللى منزل الاسكور فعلا اصطدام المشاة 54% وانظمة المساعدة اللى منها تنبيه الحزام فعلا مش مجرد كلام ، وخدت فيها 33% بس !
يبقى بالعقل ايه اللى نزل الاسكور التوتال الـ 71 و 75 ولا الـ 54 و الـ 33 ؟

عمرو باشا

لو عملنا إستثناء لإختبار المشاه وأنظمة المساعده , وبغض النظر عن خدت كام نجمه 3 ولا 4 ولا 5

إختبار التصادم الأمامى لل 301 أضراره كبيره على الركاب الأماميين هو والجانبى

12 نقطه من 16 قليل , والأضرار في الصدر والرجلين بالكامل , و 13.7 من 16 في الجانبى واللى مقلل النقط العمود 5.7 من 8

لو عايز تقارن بالسيراتو

السيراتو الجديده خدت في ال ANCAP اللى هو النسخه الأسترالى من ال EuroNCAP

14.51 من 16 في التصادم الأمامى و 16 من 16 في الجانبى و 2 من 2 في العمود ودى صورة من الريبورت

اما لو هانقارن بعربيه من فئتها زى الريو مثلا , أخدت في ال EuroNCAP في التصادم الأمامى 15 من 16 وفى الجانبى 14.9 من 16 , 7.5 من 8 في العربيه و 7.4 من 8 في العمود

**Hosam_Optrawy** · 07-07-2014 04:34 AM

المشاركة الأصلية كتبت بواسطة amrelsaqqa

الامان والسلامة من عند ربنا واقروا الموضوع ده
الحمد لله العربية ثبتت نفسها على ارض الواقع في كل الحوادث اللى عملتها

http://www.nilemotors.net/nile/403785-301.html

المشاركة الأصلية كتبت بواسطة roadfinder

مع احترامى للاختبارات العالميه و نتائجها بس التجربه العمليه خير دليل طبعا ما نتمناش حد يجرب و ربنا يحفظكم جميعا بس فعلا زى ما اخونا عمرو وضح فى اللينك العربيه انقذت واحد من موت محقق و مش عايزين نهاجم العربيه وخلاص لمجرد النفسنه من بيجو 301 ورخص سعرها و اننا مش عايزين نعترف بالحقيقه ان بيجو 301 احسن عربيه مقابل فئتها السعريه و لما باشوف اى عربيه تانيه اعلى منها و بدون ذكر امثله بلاقى ان فارق المميزات اقل من فارق السعر يعنى بشترى ميزة اقل من فرق السعر وده لان منتجى العربيات التانيه بيبيع اسم و سمعه العربيه فى السوق اللى مش ماشى على قاعده البقاء للافضل لكن ماشى على قاعده اللى تعرفه احسن من اللى ماتعرفوش

كل حادثه وليها ظروفها وربنا هو الحافظ , ربنا يستر طريق الجميع ويكفينا شره

**MemO_KinG** · 07-07-2014 05:01 PM

تمام كل الكلام ده غير برضه لما ماتلاقيش فرامل و تخبط فى لوجان من الخلف عربيتك تغير كبوت و اكصدام و فوانيس و ريدياتير و صدر و سربنتينة
و اللوجان اتعوجلها شفة فى الاكصدام بس
ده بقى اللى حصل معايا شخصياً مش جايب الكلام من بره

**amrelsaqqa** · 07-07-2014 05:11 PM

المشاركة الأصلية كتبت بواسطة memo_king

تمام كل الكلام ده غير برضه لما ماتلاقيش فرامل و تخبط فى لوجان من الخلف عربيتك تغير كبوت و اكصدام و فوانيس و ريدياتير و صدر و سربنتينة
و اللوجان اتعوجلها شفة فى الاكصدام بس
ده بقى اللى حصل معايا شخصياً مش جايب الكلام من بره

اللى انت بتقوله ده طبيعى جدا اي عربية من ورا اقوى منها من قدام لنفس العربية
ولو اللوجان اللى خبطت من قدام كنت شفت المعجنة بنفسك
انت برضه متحامل على العربية والمفروض لما تيجى تقيمها ما تقولش الحادثة بتاعتك ، لان ببساطة حتى وان ده اللى حصل فعلا وانك صادق فهو كلام بدون دليل حقيقى ، معلش انت لو كنت اثبتت حقك في الحادثة دى مع ان العربية فراملها سليمة بعد الحادثة يبقى اي حد بعد كدة يخيش ويروح يقول للتوكيل ده عيب صناعة ويوفر بقى مبلغ التأمين ومشاكل التأمين
اصلا لو على سرعة 60 زي ما بتقول العربية بتجيب النص كله
ولو 30 بتجيب قرب ربع العربية ، فشوف انت خبطت على كام
كان قدامى كورولا خبطت في ماتريكس واقفة ورافعة الهاند على سرعة حوالى 25 بعد الفرملة ، الخبطتين في الاتنين سمعوا لغاية فردة الشاسيه الامامية والخلفية على الترتيب مع ان ردياتير الكورولا ما حصللوش حاجة ، بس ايه رأيك الخبطة تيجى في الردياتير او حتى في السدر اللى بيتغير في عربيتك من غير ما يعيب العربية ( عكس عربيات تانية كتير ) ولا تيجى في فردة الشاسيه ؟

اصلا اصلا يعنى لو قلنا امان الركاب قليل سنة ، يبقى ده بسبب ان البودى قوى مش بيمتص الصدمة بالكامل ، فهى يا اما ورق يا اما امانها ضعيف اختارلك واحدة :d

**MemO_KinG** · 07-07-2014 05:37 PM

انا مش هختار انا هسيبك ببيجوهتك و انا اول ما عربيتى تتصلح هبيعها و اجيب الكروز و هاجى اخمس تحت بيتكم و هخليك ماشى فى الشارع هخلى رشاشات المية ترش عليك :p :p

**amrelsaqqa** · 07-07-2014 08:59 PM

ههههههههههه بس على فكرة الكروز وشها مش اقوى من البيجو ;)

الموضوع: إختبار تصادم بيجو 301 وخمس نجوم وتستاهل أكتر

LinkBack

أدوات الموضوع

عرض

-

-

المواضيع المتشابهه

بروتون بريفي تحصل على خمس نجوم في إختبار الأمان ancap

إختبار تصادم سوزوكى ماروتى

إختبار تصادم إلنترا 2012 بالمقارنة ب 2001 و 2005

إختبار تصادم الرينو فلونس

مش هتصدقوا - إختبار تصادم بطيارة فانتوم

الكلمات الدلالية لهذا الموضوع

المفضلات

المفضلات

ضوابط المشاركة