مشكلة في وحدة رفع رينو 2012 ارجو الإجابة

**hassanalim** · 04-07-2014 02:08 AM

ياجماعة انا لشة جايب رينو فلوانس 2012 وعندي استفسار
هو مش المفروض لما اقفل العربية سواء بالريموت او لما ابعد عنها بالسمارت كي تقفل اﻷبواب والزجاج كمان؟؟؟!!!!

انا بما بقفلها بتضم المرايات واﻷبواب بتتقفل بس الزجاج مش بيترفع
هل انا بعمل حاجة غلط ولا كده فيه مشكلة ولا هي من غير وحدة رفع اساسا؟؟؟!!!!!
ارجو الإفادة ارجوكم

**airfox** · 04-07-2014 03:32 AM

اللي اعرفه ان موديل 2012 و ما قبله مفيش فيه وحده رفع

**hassanalim** · 04-07-2014 04:35 AM

فيه سؤال كمان معلش
هو انا المفروض ابص من حين ﻵخر علي المياة ولا طالما روحت الصيانة مبصش علي حاجة الا في الصيانة اللي بعدها؟
ده ﻷني ملاحظ ان عداد الحرارة عند النص او بعديه بشوية علي طول فهل ده طبيعي في الفرنساوي ولا ايه النظام؟

**Hany Saad** · 04-07-2014 09:54 AM

الف مبروك العربية الجديدة
فعلاً كما أفاد زميلنا فى رده ان موديلات 2012 مفهاش وحدات رفع
بالنسبة للحرارة: حضرتك دايماً هتلاقى مؤشر الحرارة فى النصف او بعد النصف بحاجة بسيطة جداً و هتلاقيه ثابت فى هذه المنطقة دائماً مهما كانت درجة حرارة الجو او زحمة السير او مشغل التكييف او غير مشغل
مقاس الحرارة ثابت دائماً و ده بسبب ان دايرة التبريد مظبوطة و فيه ميه خضرا محطوطة فى دورة التبريد
طالما المؤشر ثابت دايماً يبقى متقلقش خالص من موضوع التبريد...ممكن كل فترة تبقى تبص على مستوى سائل التبريد و لكن للإطمئنان مش اكتر...المفروض دورة الميه متجيش جمبها لغاية لما تكمل 60 الف كم و بعدين تغير سائل التبريد بسائل جديد
لو فى اى وقت حسيت ان سائل التبريد مستواه نزل و هو امر مستبعد.....انتظر حتى تبرد السيارة تماماً و اضف مياه خضرا و السيارة تكون مش دايرة لضبط المستوى مرة أخرى

تحياتى

**sherif_ellethy** · 10-07-2014 03:55 PM

العربية فيها وحدات رفع ان شاء الله .. جرب بس بعد ما تنزل من العربيية تضغط علي الزرار اللي بيقفل العربية في الكارت مرتين متتاييتين بسرعه (وكأنك بتعمل Double Click) علي ماوس كمبيوتر وقولنا ايه الأخبار؟