العربيه مش مظبوطه وبتستهلك بنزين كتير وسحبها مش عاجبنى خاااااالص وبطيئه مع ان الموتور متعمر وحالة الزيرو
رقم العضوية : 21107
تاريخ التسجيل : 05Oct2008
المشاركات : 50
الاقامة : agoza
الحالة :
رقم العضوية : 21748
تاريخ التسجيل : 10Oct2008
المشاركات : 6
النوع : ذكر
الاقامة : zagazig
السيارة: Opel corsa 2004
السيارة[2]: fiat 132
الحالة :
العربيه مش مظبوطه وبتستهلك بنزين كتير وسحبها مش عاجبنى خاااااالص وبطيئه مع ان الموتور متعمر وحالة الزيرو
رقم العضوية : 21107
تاريخ التسجيل : 05Oct2008
المشاركات : 50
الاقامة : agoza
الحالة :
يا ريت تقولى السعه التريه بتاعت الماتور عندك و العمره الى عملتها للماتور كانت كامله ولا مجرد طقم شنبر و الاسبراتير عندك الكترونى ولا عادى
رقم العضوية : 571
تاريخ التسجيل : 09May2007
المشاركات : 2,355
النوع : ذكر
الاقامة : Egypt
السيارة: Fiat 131 Supermirafiori
السيارة[2]: Proton Waja - 05 M/T
دراجة بخارية: -
الحالة :
فى رجه بتحصل معايا لما العربيه تكون سخنه جدا جدا و بقالى فتره ماشى فى زحمه
و بتظهر فى الاول " فى الطلعه " و علاشان اتغلب عليها لازم ادوس بنزين ذياده .
ناس قالى طقم دبرياج . ماس قالو كهرباء . ناس قالو بوبينا
بس هى فعلا مابتطلعش غير لما العربيه تعدى ال90 و اكون فى زحمه شديده , غير كده مش بتظهر
علما بأن فى صوت صفاره " صوصوه " من الدبرياج بتروح لما المس رجلى على الدبرياج ,,,, و ده بسبب ان بليه الدبرياج كانت مضروبه .
هل البليه ممكن تعمل كده
ولا طقم الدبرياج عموما ممكن يكون مضروب و عاوز يتغير " انا مغير الطقم كله من 8 شهور " .
رقم العضوية : 21107
تاريخ التسجيل : 05Oct2008
المشاركات : 50
الاقامة : agoza
الحالة :
الدبرياج لو فيه مشكله هتظهر عيوبه فى جميع الاوقات حتا لو العربيه لسه دايره الى عندك ده ممكن يكون لكزا سبب اولهم و اهمهم انت ظبط تكيهات اخر مره امتى انا قريت انك معاك الماتور 1600 2 كامه يعنى لازم تظبط تكيهات كل 10 الاف بالكتير دى ممكن تعمل رجه فى العربيه لما تبقى العربيه سخنه لان التكيهات لما بتتمدد من السخونيه بتخلى العربيه تبرجل كلها ثانيا الماتور 2 كامه بوجه عام عن تجربه فى 131 بيبرجل اول ما المروحه بتشتغل بس مش فى الطلعه يعنى تلاقى اول ما المروحه تدور تلاقى الماتور مش ثابت فى السلانسيه بس فى الطلعه بيبقى عادى ثابت مش بيعمل اى رجه لو محتاج تعرف ظبطه التكيهات الصح بالمقاس قولى و قولى الميكانيكى بتاعك بيظبطهالك على كام الاوتو داتا بتاعت العربيه كلها عندى
نيجى بقى لموضوع الدبرياج
بيظهر حجات كتير بتقول ان طقم الدبرياج فيه مشكله منها ان انت تلاقى الار بى ام عندك عالى عن الطبيعى الى انت متعود عليه و مفيش سحب او تسمع صوت تزييق مع كل دوسه دبرياج و حجات كتير ممكن تقول ان الدبرياج ده تالف لاكن مش من ضمنها ابدا ان العربيه يكون فيها رعشه فى الطلعه بعد ما تسخن و بخصوص موضوع الصوت ده فعلا من البليه يا ريت تغيرها فى اقرب فرصه عشان دى لو لاقدر الله قفشت هتعمل كارثه و لو ليك اى استفسار فى اى وقت انا موجود ان شاء الله
رقم العضوية : 571
تاريخ التسجيل : 09May2007
المشاركات : 2,355
النوع : ذكر
الاقامة : Egypt
السيارة: Fiat 131 Supermirafiori
السيارة[2]: Proton Waja - 05 M/T
دراجة بخارية: -
الحالة :
اولا الف شكر لحضرتك , واضح ان فعلا عندك خلفيه ممتازه بال131 . كان نفسى الاقى حد زيك من زمان و نتبادل الخبرات و حل المشاكل فى ال131 .
بجد كلامك منطقى جدا و اقتنعت بيه لاسباب
انا حاسس ان سحب العربيه كويس " او بمعنى اصح متراجعش اداء العربيه عن زمان " لانها من زمان و عزم الموتور قليل علاشان فيها هورس باور عالى
يعنى مثلا انهارده كنت راجع بالعربيه و بجيب بالرابع 100 مستريح جدا جدا و حاسس ان العربيه بتسحب كويس على السرعات .
دواسه الدبرياج كويسه مش تقيله / مافيش اى اصوات تزيق / انهارده الميكانيكى ركب معايا العربيه و قالى مفهاش حاجه و نبهنى لحاجه مهمه ان الرجرجه ديه بيكون سببها الديسك بس لما بيسخن بشكل فوق الطبيعى , " الله اعلم "
و انا عندى الترموستات فعلا بيشتغل عند 92 و بيفصل عند 88 فالعربيه مابتلحقش تبرد .
فعلا كلامك مظبوط مليار % فى موضوع المروحه الالكترونى اول لما بتشتغل الموتور بيتبرجل مش عارف ايه السبب
بالنسبه للتكيهات كان الميكانيكى ظبطهالى ساعت ما عملت شغل فى الصمامات و قالى انها مظبوطه و روحت راجعت عليها تانى عند واحد مشهور فى فم الخليج متخصص تكيهات و فتح و اكدلى انها مظبوطه و ان التقسيمه مظبوطه و الموتور كويس ..., بيظبط التاكيهات على كام الحقيقه معنديش فكره .
بالنسبه لموضوع الار بى ام , انا شايف انه زى ماهو من زمان نفس الار بى ام و نفس السرعه تقريبا , و مع بنزين 92 العربيه بتسحب احسن , انهارده بعد ما غيرت بليتين الاكس الخلفيتين العربيه سحبها اتحسن كتير عن الاول كمان و بقت انعم بكتير جدا عن الاول .
البليه ..... للاسف هى ديه الى فعلا معكننه عليا لانى اول ماشيل رجلى من على الدبرياج احس انى راكب صرصار المزارع ... فبضطر المس دبرياج
بالرغم من ان كل الميكانيكيه قالولى حرام تغيرها علاشان لازم افك الموتور كله و يطلع بره علاشان اغيرها .
بس انا فعلا ناوى اغيرها ان شاء الله يوم الجمعه مش مشكله 100 جنيه ولا حتى اليوم الى حيروح عند الميكانيكى . لانى عاوز اصلح اى حاجه غلط فى العربيه , غير انى بتخنق لما بركب عربيه فيها اصوات او مش مظبوطه . غير انى ان شاء الله حشدها كلها يعنى بعد الميكانيكه حسمكرها و ارشها .
بما انك رفيق كفاح مع ال131 ف اسمحلى استغلك شويه بكام استفسار
1- فى صوت زأزأء بسمعه جى من تحت الفتيس او ممكن من تحت فرامل اليد . الميكانيكى بص على كرسى النص و الفلانشه قالى تمام و مفهومش حاجه
2- ايه الزيت المناسب للفتيس ( 90 ) ولا ( 140 )
3- لما بنور نور التبلوه مؤشر البنزين و الحراره بيعلو و بيدو قرايه مش مظبوطه " ازيد من الطبيعيه "
4- انهارده الميكانيكى لما سمع صوت الصوصوه ده قالى ديه بليه فتيس مش بليه دبراج ....سواء كانت بليه دبرياج او بليه فتيس مش ديه المشكله ... بس بليه الفتيس ديه سهل تغيرها ولا لازم الفتيس يطلع بره ؟ " فك الموتور اسهل بكتير من فك فتيس ال131 "
الحاجات الغير ميكانيكيه :-
1 - تابلوه السوبرمبرافيورى تقريبا زى عندك فى الريسنج جرار قطعتين فوق بعض ..... الفكره ان مع المطبات التبلوه بيرزع حامد بسبب الجرار ده ياترى فى حل للموضوع ده .
2 - الحاجه التانيه الباب الى ورايا بيرزع برده فى المطبات و كأنه مش مقفول كويس مع ان المفصلات مربوطه كويس و الباب لما بهزه ماسك نفسه .
3 - سروجى الله لا يسامحه خد اللباد العازل الى ورا التبلوه و تحته و سخونيه العربيه بتدخل الصالون خصوصا من تحت الفتيس , رايك اجيب لباد و اخلى سروجى يحطه ولا ورق حرارى و هل فى حد كويس ترشحه يعمل الموضوع ده .
4 - عندى عداد السرعه مقدم 20 كيلو تقريبا هل ممكن يتصلح ولا يتغير .
انا عارف انى طولت عليك جدا جدا بس حضرتك جيت فى الوقت المناسب و المكان المناسب و بعدين انتا وقعت مع واحد بيموت فى العربيه ديه و عاوز كل حاجه فيها سليمه تقريبا الاسره كلها بتحب ال131 , حتى اخويا معاه عربيه ريسنج 79 برده !!
ياريت مكونش تقلت عليك فى الاستفسارات
رقم العضوية : 21107
تاريخ التسجيل : 05Oct2008
المشاركات : 50
الاقامة : agoza
الحالة :
على فكره الميكانيكى بتاعك قالك جزء من مشكله الرجه بس ميعرفش ايه السبب الفعلى انت لما بعت و قلتلى دلوقتى انك بتفضل دايس سنه دبرياج عشان الصفاره تروح ده معناه انك بتبعد الاسطوانه عن الديسك يعنى بدل ما بيكونو لازقين فى بعض بتعمل بينهم مسافه احتكاك و ده حاجع غلط جدا اولا الاسطوانه مع الوقت هتتاكل و ثانيا الديسك هيسخن اوى مع المشى
جرب يوم تتحرك بالعربيه عادى منغير ما تفضل دايس دبراج و استحمل الصفاره عادى شوفها بردو هتعمل العيب ولا لا و بكده هنقدر نقطع اخر شك فى الديسك
اصبر على تغيير البليه دلوقتى لحد ما نقرر لانك لما شرحت اكتر غيرت افكارى فى حجات كتير و على فكره تغير بليه الدبرياج فى عربيتك بالكتير ساعتين و مش هتحتاج ان الماتور يطلع بره الفتيس ممكن ينزل لوحد ده عندى فى الريسنج الى الفتيس عندى قد بتاعك مرتين بنزله لوحده و الموضوع مش بياخد اكتر من ساعتين
نيجى بقى لبليه الفتيس او الى اسمها الفعلى بليه الدريك دى اولا تغيرها مش بياخد نص ساعه و عادى جدا انها تعمل صوت فى 131 بس مش بالشكل الى انت بتوصفه و دى صوتها موجود علطول حتا و انت مدور العربيه بس و مش بتتحرك بيها و بيروح اول ما تدوس دبرياج يعنى على ما اظن ملهاش علاقه بالمشكله الى عندك
نيجى بقى للاسئله
الصوت ده الى جاى من تحت فرامل اليد مش هنقدر نحكم عليه غير لما نخلص من مشكله صوت البليه الاول عشان كده سيبك منه دلوقتى
اوع تحط فى الفتيس زيت 140 لان ده عباره عن شحم و هيبوظه مع الوقت خليك فى 90 افضل اما بالنسبه للكارونه لو سليمه خليك فى 90 كويس لاكن لو صوتها على حطلها 140 هيكتمهولك بس مش هيبقى كويس فى الشتا لو مشاويرك قصيره
نور التبلوه الى بياثر على امبير الحراره و مؤشر البنزين دى مشكله فى 131 كله بس حلها عندى إن شاء الله حد ارضى من لوحه العدادات على ارضى العربيه و هتلاحظ بنفسك انك اول ما هتوصل الارضى الموشر بتاع الحراره و البنزين هيرجعو لطبيعتهم و بكده هيقرو صح و انت منور او طافى
فك الماتور اسهل طبعا بس لازم هتفك كبوت و لو عربيتك الحوض بتعها فبريكه بيتبهدل من الفك و بالزات المكان الى عند مفصلات الكبوت عشان كده طالما مفيش حاجه تستدعى فك الماتور فك الفتيس بس
التبلوه الى بيخبط ونبى امانه لو لقيتله حل تقولى لانه خنقنى انا كمان لوووول
الباب الى ورا الى بيرزع فى المطبات ده مع انه كويس دى حاجه ممكن مطمنش فى 131 و خصوصا لو فيها باروما لان ده احينا معناه ان القايم بيتحرك من مكانه دى ممكن تعرضها على سمكرى بس تفكله فرش الباب الاول و يركب ورا عشان يشوف ايه الى بيخبط بالظبط و لازم يكون حد انت واثق فيه عشان ممكن يكون السبب بسيط زى مثى مكنه الازاز سايبه
موضوع العزل ده لما تتصل بيا هبقى اقولك تعمل فيه ايه لانه محتاج شرح كتير
بخصوص بقى عداد السرعه الى مقدم 20 كيلو هل المؤشر هو الى مقدم ولا العداد بيعد غلط ؟؟؟؟؟؟
رقم العضوية : 571
تاريخ التسجيل : 09May2007
المشاركات : 2,355
النوع : ذكر
الاقامة : Egypt
السيارة: Fiat 131 Supermirafiori
السيارة[2]: Proton Waja - 05 M/T
دراجة بخارية: -
الحالة :
الف شكر يا بشمهندس على الاجابات الوافيه جدا
ان شاء الله بكره حنزل مشوار طويل بالعربيه و حجرب نصيحتك انى مالمس دبرياج و اشوف اذا كان الرجه ديه حتظهر مع سخونه الموتور ولا لا
و حعمل بنصيحتك فى موضوع مؤشرات البنزين و الحراره و اقولك على النتيجه .
و حشوف موضوع ترزيع البيبان ديه عند السمكرى بعد ما احلص الكهرباء والميكانيكه بتاعت العربيه
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
السلام عليكم ورحمه الله وبركاته
مشاكلى الحالية ف العربية هى كالتالى
الكرونه بتون : فسايبها لحد ما تخلص خالص وهشوف هتصرف فيها ازاى (اجيبها استيراد ولا اعدل ولا اجيب التروس زى ما قريت فى موضوع هنا فى المنتدى) صح ولا غلط
كنت رحت مرة عند ميكانيكى قال لى ان المكنه خفيفة شوية وفصل خرطوم جلد ف الماتور عاوز اعرف هيا خفيفه صح زى ما بيقول ولو اه ازاى اصلحها لانى عاوز العربية تبقى مش بحاله المصنع
المساعد الخلفى خف شوية: ف همشى بيها شوية لحد ما اعرف هغيرة بايه و سئلت واحد قال لى انه ممكن يمشى بيه شوية
الساعه اللى فى التابلوة : هيا الساعه شغاله بس المسمار اللى بتحكم فيه فى العقارب مش عاد شغال
عداد السرعه: لما العربية بتبقى واقفة العداد مش بيكون واقف على الصفر
عداد لفات الماتور: كنت حاولت افك التابلوة علشان اصلح الساعه فحصلت الخسائر التاليه وير السرعه انقطع فترتب عليه انى جبت واحد ورحت عند بتاع العدادات يركبه وقال لى انه هيظبط لى الساعه ففك وش العدادات البلاستيك وحرك العقارب بايده وقفل العدادات على كده فبعد ما خرجت من عنده لاحظت ان عداد لفات الماتور بقى اعلى من الضبط بتاعه (الميكانيكى كان لسه ضابطها على8 لقيتها فوق ال 10 يعنى زياده 5) فرجعت له قال لى انه مش جه ناحيته ودى شغله كهربائى رحت للكهربائى فك وش العدادات تانى و عدل المؤشر بتاع عدد لفات الموتور فهل العداد كده بقى بيقرا صح؟
العربية خرجت من التجديد و محتاجه تجديد: لسه كنت مجدد العربية فى شهر 5 اللى فات ومكنت مديها لواحد كنت بثق فيه (بتاع دوكو كنت بتعامل معاه زى القومسيونجى يعنى اى مشكله فى العربية يجى ياخدها من البيت ويلف بيها يصلحها ويرجعها تانى ) فقال لى انه هيتولاها وانها هتبقى عروسه فقولت له انى عاوزها زى ما خرجت من المصنع فوثقت فيه وسبتها له
وكان غير اهل للثقة فشغل السروجى اى كلام وبوظ حاجات كتيره فيها اصليه وضيع اللى ضيعه (الكوبسته, الكراسى بتلق, السقف مش متقفل كويس,الفبرتين اللى على القايم من بره اتكسروا, فبره قايم الباب من جوه اتكسرت, فبره قايم الزجاج من جوه اتكسرت, والعازل , وحاجات كتيرة)
اما السمكرى فشغله مش كان كويس برضه ( رقع البارومه اللى ف الابواب من تحت وخلى الابواب فيها عالى وواطى, )
وكمان الدوكو طلع مشقق
وحاجات كتيرة بايظه مستكت ليها اجنده وبحاول احصرها
ولما عملت خناقه مع الراجل وكنت همسك فيه رسينا انه هيعملها تانى على حسابه فسبتها له ولما جبها لي لقيت كل اللى عمله فيها انه سحقها واداها ورنيش تانى
فقرفت منه ومن العربية
وخدتها وفى النيه انى هعملها تانى بس استحرمت انى اشيلها تانى فقولت امشى بيها سنه وفى السنه دى اكتب واسجل عيوبها واحاول ادور فيها على حد يساعدنى ارجع العربية بحاله المصنع ولانى مش عندى النيه انى ابيعها ولا افرط فيها لانى اتعودت عليها
فممكن تساعدنى ارجعها حتى للحاله اللى كانت عليها قبل التجديد الفاشل
انا من محافظه الشرقية ويا ريت لو عرفنا نتقابل ونتعرف ببعض
رقم العضوية : 3544
تاريخ التسجيل : 03Dec2007
المشاركات : 1,882
النوع : ذكر
الاقامة : حلوان
السيارة: لا توجد
السيارة[2]: Mazda 3
الحالة :
معلومات وفيرة
Goodle
محمد عبد الجواد
موضوع الساعة: الفن المسماري- حقائق تاريخية - متجدد
http://www.nilemotors.com/Nile/showthread.php?t=29892
مصر يامّة يا سفينة :)
شكلك كده.. هاتغرقينا :)
المفضلات