عندي مشاكل في عربية فيات 127 يا ريت المساعدة

**thegoodhacker** · 17-10-2008 11:19 PM

العربية جيت ادورها النهاردة لقيت صوتها خشن جدا زي صوت العربية البيتلز ....... ولما ابتديت اتحرك بيها لقيتها كل شوية بتفصل مني مشيت بيها شوية لقيت سحبها وحش جدا بالاضافة لصوت الموتور الخشن و كنت حاسس بدخانة زرقاء خفيفة دخلت في الصالون عندي فتوقفت فورا و فتحت كبوت السيارة فشعرت فعلا ان فيه دخانة مع العلم ان امبير الحرارة كان يشير لدرجة حرارة عادية ...... و بعد شوية اتحركت بالعربية حسيت ان العربية اتحسنت و كل شيء رجع للوضع الطبيعي بس برضه السحب قل شوية........
وانا راجع من مشواري لقيت لمبة الدينامو نورت لمدة ثانية او ثانيتين وطفت تاني بالرغم من اني كنت دايس علي الفرامل و الدبرياج ساعتها........
فياريت حد يقولي ايه سبب المشاكل دي كلها
ولاحظت كمان حاجة تانية وانا باركن ان المارشدير بقي ييجي بعد محاولات مضنية يعني بعد اربع او خمس محاولات كده و هل المشكلة دي ليها علاقة بالمشاكل التانية ولا صدفة ؟ وايه سبب الموضوع ده هل معلقة الفتيس ولا سوستة المارشدير ؟

**ahmedsrs** · 18-10-2008 12:55 AM

كدة العربية عندك متلته يعنى فى بستم مش شغال بيقطع ويشتغل روح لميكانيكى خليه يشوف جوان وش السلندر زمتمشيش بيها كده عشان الوش ميقفعش

**egypto** · 18-10-2008 01:34 AM

السلام عليكم
لو فعلا شغالة 3 يبقا تشيك على البوجهات الاول وسلك البوجهات بردو قبل ما تحل وش السلندر حل البوجهات ونضفها ولو متغيرتش من فترة كبيرة يبقا الاحسن تغير البوجهات مع الكبلات بالمرة ان شاء الله تظبت معاك
والله اعلم

**ASKAFRAWY** · 18-10-2008 02:07 AM

شادى باشا ممكن فييه بوجيه قاطع طالما لمبة الدينامو يعنى فيه مشكلة فالكهرباء بتاعت العربية ممكن البوجيهات او الاسبراتير فيهم مشكلة

**egypto** · 19-10-2008 01:10 AM

اعتقد عدم حرق تام بينتج عنة دخان
والله اعلم

**ahmedsamir79** · 19-10-2008 04:03 AM

الأعراض دي غالبا يبقي عندك بوجيه علوز يتغيير
بسيطه إن شاء الله

**kefafy** · 19-10-2008 11:26 AM

إن شاء الله خير
المية تنشف وإن شاء الله لما تغير طقم الكهربا هتبقا زى الفل
الى انا اعرفة بالنسبة للدخة لو خارجة من خرطوم الراجع بتاع الموتور بيبقا بخر زيت
بش إن شاء الله خير