المشاركة الأصلية كتبت بواسطة zastaffa
تقييم ممتااااااااااز يا معلم بس بختلف معاك في تقييم الغيار التاني اللي مايفرقش كتير عن الأولاني،، ولو أنه طبعا يعتبر أحسن حال شوية....لكن برضوا بتلاقي العربية عليه مش قادرة تعدي أل40 من غير ماتقرص عليها
اما بالنسبة للخامس ففيه حاجة غريبة أوي....بصراحة مش عارف بالظبط هل هي فعلاً حاجة غريبة ولا عُرف سائد في العربيات الحديثة ،، وأنا أكمني كنت طول عمري بركب عربيات كنب فمستغرب منه شوية ولسه ماتعودتش عليه
الخامس لما تيجي تجيبه لأول مرة بعد تسلسل الغيارات من الأول للرابع لازم تكون وصلت لل100 وعلي أر بي أم مايقلش عن 3 عشان يديك عزم حلو....لكن بعد ماتعلي بالسرعة عن أل100 وتمشي فترة علي كدا... ممكن بعد شوية تنزل لل80 وطبعا أل أر بي أم يوصل معاك ل2 وبرضوا العربية تفضل مكمله معاك بعزم كويس....ولو جيت تنزل للرابع في اللحظة ديه تلائي العربية صوتها علي وأتكتمت بطريقة غريبة ،، مع أن سرعتك في الوقت ده بتكون مناسبة جداااا للرابع مش الخامس؟؟
حاجة أخيرة معلش ومش عارف برضوا بتحصل معايا أنا بس ولا مع الكل......
ليه دايما لما أجي أنقل وأبدل بين الغيارات بلاقي ال ( أر بي أم ) بيعلي مني شوية ،، برغم أني بحاول علي أد ماقدر أني أكون يادوبك ملامس دواسة البنزين وبنقل بالراحة من غير تلبيس الغيارات في بعضيها؟؟