الله يبارك فيك يا باشا وربنا يخليك وبكرة ان شاء الله صيانة ال 15 الف وتقييم شامل للسيارة
عرض للطباعة
معلش بقالي 3 ايام متكلمتش عن حاجة جديدة ....
هنتكلم النهاردة عن عفشة العربية ..
العفشة في المجمل تعتبر ممتازة هية ناشفة شوية لاكن دة عشان الثبات انما العفشة ما شاء الله ممتازة ومش بتتفكك بسرعة زي الاسبرانزا مثلا يعني انت بتربط عفشة مرة و الربطة التانية ممكن بعد 20 الف وزيادة حسب طبعا الطرق الي الواحد بيمشي فيها وتقييمي للعفشة 8/10
الف مليون سلامه عليك ياميدو وأخبار حبيبتك يارب تكون مبسوط منها محتاجين نشوف شوية تعديلات سيبك من العيوب والكلام ده كل العربيات فى مصر فيها عيوب عشان مفيش ضمير
الف سلامة ياميدو عليك وبالنجاح انشاء اللة
متااااااااااااااابع
سحب الاول 3/10 ازاي ؟ حضرتك الغيار الاول معروف هو اللي ليه اكبر قوة تسارع في اي سيارة ! اكيد انت بتكون لسه دايس دبرياج شوية وانت ع الاول عشان كده بتلاقي السحب ضعيف ، انت بعد ماتوصل لسرعة 10 كلم او 15 كلم ع الاولاني شيل رجليك من ع الدبرياج خالص، ولما تنقل تدوس وتشيل رجليك خالص برضه كأنك سايق عربية اوتوماتيك ، لان لما تدوس ع الدبرياج طول مانت ماشي حتى لو ضغط خفيف ده بيأثر على قوة التسارع وبيخلي المحرك يبذل مجهود اكبر للسحب = استهلاك بنزين اكبر + انهاك للمحرك
بالمناسبة ، ماتنقلش ع الخامس قبل الوصول ل 4000-4500 لفة ع الرابع، لان ده برضه فيه انهاك للمحرك لما تنقل من الرابع للخامس وتسحب بالخامس على 2000 لفة ! خايف على استخدام البزين؟ خاف على المحرك اكتر..
بالنسبة للاولاني ، ده يعتبر غيار لتحريك السيارة فقط ، يعني تنقل ع التاني وانت على 20-25 كلم كحد اقصي :) تنقل ع التالت من على 40-45 كلم/ٍساعة ، الرابع 70-80 ، الخامس 110-120، ياريت ماتكررش النقل ع الخامس وانت على 2000 لفة/دقيقة ، حرام عليك :3 المحرك المسكين ده انت كده بتعذبه :(